Kapitulo 43
Si Jesukristo Nagpakita ngadto sa mga Nephite
Daghan nga mga Nephite nagpundok sa templo didto sa Bountiful. Sila nahibulong sa dakong mga kausaban dinha sa yuta.
Ang mga katawhan nagsultihanay mahitungod ni Jesukristo ug sa timailhan sa iyang kamatayon.
Samtang sila nagsultihanay, sila nakadungog og hinay nga tingog gikan sa langit. Kini nakahimo sa ilang mga kasingkasing sa pagdilaab.
Sa sinugdanan sila wala makasabot sa tingog, apan sa diha nga kini misulti sa ikatulo ka higayon, sila nakasabot niini.
Ang tingog mao ang Langitnong Amahan. Kini mipaila ni Jesukristo ug misulti sa mga katawhan sa pagpaminaw nganha kaniya.
Si Jesukristo nanaug gikan sa langit ug mibarog taliwala sa mga katawhan. Sila nangahadlok sa pagsulti tungod kay sila wala makasabot kon unsa ang nanghitabo. Sila naghunahuna nga si Jesus usa ka anghel.
Siya misulti ngadto kanila nga siya mao si Jesukristo, ang mao nga gisulti sa mga propeta nga moabut.
Si Jesus misulti sa mga katawhan sa pagduol ug sa paghikap sa mga marka diha sa iyang kilid ug sa iyang mga kamot ug mga tiil, diin siya gilansangan sa krus.
Si Jesus buot nga mga mga katawhan makahibalo nga siya mao ang ilang Dios ug nga siya namatay alang sa ilang mga sala.
Usag usa ang mga katawhan mihikap sa mga marka diha sa kilid ni Jesus, mga kamot, ug mga tiil. Ang mga katawhan nasayud nga siya mao ang Manluluwas.
Unya ang mga katawhan midayeg ni Jesus ug mihapa sa iyang mga tiil ug misimba kaniya.
Si Jesus mitawag kang Nephi ug 11 ka lain nga mga lalaki ngadto kaniya. Siya mihatag kanila sa gahum sa pagkapari ug gitudloan sila sa tinuod nga paagi sa pagbunyag.
Siya misulti sa mga Nephite sa pagtuo diha kaniya, paghinulsol, ug pagsunod sa mga sugo. Kon sila dili mosunod, sila dili makasulod sa iyang gingharian.
Siya mitudlo sa mga Nephite kon unsaon sa pag-ampo ngadto sa Langitnong Amahan. Siya usab mitudlo kanila mahitungod sa puasa ug miingon nga sila mapasaylo kon sila nakapasaylo sa usag usa.
Human tudloi ang mga katawhan og daghan nga mga butang, si Jesus misulti kanila sa pagpauli sa balay ug sa paghunahuna ug mag-ampo mahitungod sa unsa ang iyang gisulti.
Ang mga Nephite misugod sa paghilak. Sila dili buot nga si Jesus mobiya.
Si Jesus nahigugma sa mga Nephite. Siya misulti ngadto kanila sa pagdala sa mga tawo nga masakiton o nasakitan aron siya makaayo kanila.
Si Jesus miayo niinin nga mga tawo. Matag usa miyukbo ug misimba kaniya.