Kapitulo 40
Si Samuel ang Lamanite Nagsulti Mahitungod ni Jesukristo
Si Samuel, usa ka Lamanite nga propeta, miadto sa Zarahemla aron sa pagsangyaw ngadto sa mga dautan nga mga Nephite. Siya misulti kanila sa paghinulsol.
Ang mga Nephite mipalayas ni Samuel gawas sa dakbayan, ug siya misugod sa pagbalik ngadto sa iyang kaugalingong yuta.
Apan ang Ginoo misulti kang Samuel sa pagbalik ngadto sa Zarahemla ug sultihan ang mga katawhan sa mga butang nga ang Ginoo mopahiluna sulod sa iyang kasingkasing.
Ang mga Nephite dili motugot nga si Samuel mobalik sulod sa dakbayan, busa siya mikatkat sa tumoy sa paril sa dakbayan ug misangyaw gikan didto.
Siya nanagna nga ang mga Nephite pagalaglagon sa 400 ka mga tuig gawas kon ang mga katawhan maghinulsol ug adunay hugot nga pagtuo diha ni Jesukristo.
Si Samuel misulti sa mga Nephite nga si Jesukristo matawo sulod sa lima ka mga tuig ug nga siya moluwas sa tanan kinsa mituo diha kaniya.
Si Samuel misulti kanila mahitungod sa mga timailhan sa pagkatawo ni Jesus. Usa ka bag-ong bitoon ang motunga. Ug ang gabii sa dili pa si Jesus matawo kini dili mongitngit.
Unya si Samuel misulti kanila sa mga timailhan sa kamatayon ni Jesus. Adunay tulo ka mga adlaw sa hingpit nga kangitngit—ang adlaw, bulan, ug mga bitoon dili mosubang.
Aduna usay dugdog ug kilat ug mga linog. Mga bukid matumpag, ug daghan nga mga dakbayan pagalaglagon.
Pipila ka mga Nephite mituo kang Samuel ug naghinulsol sa ilang mga sala. Sila milakaw aron sa pagpangita kang Nephite, usa ka matarong nga Nephite kinsa makabunyag kanila.
Ang nahibilin nga mga Nephite wala motuo kang Samuel. Sila milabay ug mga bato ug mipana og mga udyong kaniya. Apan ang Ginoo mipanalipod kaniya, ug walay mga bato o mga udyong nga nakaigo kaniya.
Sa diha nga ang mga katawhan nakakita nga siya dili maigo, daghan pa ang mituo kaniya ug miadto kang Nephi aron magpabunyag.
Si Nephi usab nagtudlo sa mga katawhan mahitungod ni Jesus. Siya buot nga sila motuo ni Jesus, maghinulsol, ug magpabunyag.
Kadaghanan sa mga Nephite, hinoon, wala motuo ni Samuel. Sila misulay sa pagdakop kaniya.
Si Samuel milayat paubos gikan sa bongbong ug midagan ngadto sa iyang kaugalingon nga nasud.
Si Samuel misugod sa pagtudlo sa mga Lamanite. Siya wala na gayud madungog pag-usab diha sa mga Nephite.