Kapitulo 7
Pagtukod sa Barko
Si Nephi wala mahibalo kon unsaon pagbuhat og barko, apan ang Ginoo miingon nga siya mopakita kaniya. Siya misulti kang Nephi kon asa pangitaon ang metal aron pagahimoon og mga himan nga iyang kinahanglanon.
Si Laman ug si Lemuel mibugalbugal ni Nephi nga buot motukod og barko. Sila wala motuo nga ang Ginoo mipakita ni Nephi kon unsaon pagbuhat niini. Sila mibalibad sa pagtabang.
Si Nephi misulti ni Laman ug ni Lemuel sa paghinulsol ug dili magmasinupakon. Siya mipahinumdum kanila nga sila nakakita og usa ka anghel. Siya usab misulti kanila nga ang Dios adunay sa pagbuhat sa tanan nga mga butang.
Si Laman ug si Lemuel nasuko kang Nephi ug buot molabay kaniya ngadto sa dagat.
Samtang sila nagpaingon ngadto ni Nephi, siya mimando kanila sa dili paghikap kaniya tungod kay siya napuno sa gahum sa Dios. Si Laman ug si Lemuel nangahadlok sulod sa daghan nga mga adlaw.
Og dayon ang Ginoo misulti kang Nephi sa paghikap ni Laman ug si Lemuel. Sa diha nga si Nephi mihimo, ang Ginoo mipakogang kanila. Si Laman ug si Lemuel nahibalo nga ang gahum sa Dios anaa uban kang Nephi.
Si Nephi misulti ni Laman ug ni Lemuel sa pagtuman sa ilang mga ginikanan ug motahud sa Dios. Si Nephi miingon kon sila mobuhat niini, sila mapanalanginan.
Si Laman ug si Lemuel naghinulsol ug mitabang ni Nephi sa pagtukod sa barko.
Si Nephi miadto sa bukid sa daghang nga mga higayon aron sa pag-ampo alang sa panabang. Ang Ginoo mitudlo kaniya unsaon pagtukod sa barko.
Sa diha nga si Nephi ug ang iyang igsoon nga mga lalaki nakahuman sa pagtukod sa barko, sila nasayud nga kini maayo nga barko. Sila nagpasalamat sa Dios sa pagtabang kanila.