Mga Tawo nga Angay Mahibaloan

Mga Istorya sa Kasulatan

Aaron: anak nga lalaki ni Haring Mosiah ug usa ka misyonaryo ngadto sa mga Lamanite
Abinadi: usa ka propeta nga gipadala aron sa pagtudlo kang Haring Noah, kinsa mipasunog kang Abinadi sa kamatayon
Adan: ang unang tawo sa kalibutan
Alma: usa ka pari ni Haring Noah kinsa mituo sa mga pagtulon-an ni Abinadi ug sa wala madugay nahimong pangulo sa Simbahan
Alma nga Batan-on: anak nga lalaki ni Alma kinsa misupak ug misulay sa paglaglag sa Simbahan apan nakaangkop og kausaban sa kasingkasing ug misugod sa pagtudlo sa ebaghelyo. Siya nahimong pangulo sa Simbahan ug mao ang unang labaw nga maghuhukom.
Amalickiah: usa ka dautan nga tawo kinsa buot mahimong hari sa mga Nephite apan mokuha unta sa kagawasan sa mga tawo. Si diha nga siya wala mahimong hari, siya mibiya aron magpasakop sa mga Lamanite.
Amlici: mahimong hari sa mga Nephite. Sa dihang siya wala mahimong hari, siya ug ang iyang mga sumusunod mibiya, misulong sa mga Nephite, ug unya mipasakop sa mga Lamanite.
Amlicite, mga: mga sumusunod ni Amlici. Sila mibutang og pula nga marka sa ilang mga agtang ug mipasakop sa mga Lamanite.
Ammaron: usa ka matarong nga tawo kinsa mihatag kang Mormon sa mga talaan aron kini mahimong luwas
Ammon¹: ang pangulo sa usa ka pundok sa mga Nephite gikan sa Zarahemla kinsa miadto sa yuta sa Nephi ug mitabang sa mga Nephite sa ilang pag-ikyas
Ammon²: usa sa mga anak nga lalaki ni Mosiah kinsa mipanalipod sa panon sa mga hayop ni Haring Lamoni gikan sa mga tulisan. Siya mitudlo ug mikapig sa daghang mga Lamanite sa panahon sa iyang misyon.
Ammon, mga tawo ni: mga Lamanite nga nakabig sa anak nga mga lalaki ni Mosiah. Ang mga tawo milubong sa ilang mga hinagiban ug misaad dili na makig-away pag-usab.
Amulek: usa ka misyonaryo nga kauban ni Alma nga Batan-on. Sila gibalhog sa bilanggoan apan migamit sa gahum sa Dios aron sa paghimo sa bongbong sa bilanggoan nga matumpag.
Amulon: usa ka dautan nga pari ni Haring Noah kinsa nahimong pangulo ibabaw sa mga katawhan ni Alma. Siya mipahimo kanila pagtrabaho og maayo ug mihulga sa pagpatay sa bisan kinsa nga masakpang nag-ampo.
anak nga mga lalaki ni Mosiah: anak nga mga lalaki ni Haring Mosiah: Aaron, Ammon, Himni, ug Omner, kinsa mga isug nga mga misyonaryo ngadto sa mga Lamanite
Anti-Nephi-Lehi, mga: (tan-awa sa Ammon, mga tawo ni)
Benjamin, Haring: usa ka matarong nga hari kinsa mibarog diha sa tore aron pagtudlo sa iyang mga katawhan mahitungod kang Jesukristo
Corianton: usa ka anak nga lalaki ni Alma nga Batan-on kinsa dili matinud-anon ug matarong nga misyonaryo
Coriantumr: usa ka dautan nga hari kinsa mao ang katapusan nga Jaredite nga nabuhi
duha ka libo nga batan-ong mga mangugubat: usa ka kasundalohan sa mga batan-ong Ammonite nga mga tawo nga gipangulohan ni Helaman. Sila nakig-away aron ang ilang mga ginikanan, kinsa mihimo og pakigsaad nga dili na makig-away, dili na kinahanglang makig-away.
Eba: ang unang babaye dinhi sa kalibutan
Enos: usa ka anak nga lalaki ni Jacob kinsa nag-ampo sa tibuok adlaw ug ngadto na sa gabii. Siya miampo alang sa mga Nephite ug sa mga Lamanite.
Ether: usa ka propeta kinsa mipahimangno sa mga Jaredite sa paghinulsol ug misulat mahitungod sa ilang kalaglagan
Gideon: usa ka matarong nga Nephite kinsa nanalipod sa Simbahan sa diha nga si Nehor misugod sa pagtudlo og mga bakak sa mga katawhan. Si Nehor mipatay kaniya.
Hagoth: usa ka Nephite nga magtutukod og barko kinsa midala sa daghan nga mga Nephite ngadto sa yuta sa amihanan
Helaman: ang kinamagulangan nga anak nga lalaki ni Alma nga Batan-on. Siya gihatag sa mga palid ug gisulti han sa pagsulat sa kasaysayan sa iyang mga tawo. Siya usab ang pangulo sa 2,000 ka batan-on nga mga mangugubat.
Himni: usa ka anak nga lalaki ni Haring Mosiah ug usa ka misyonaryo ngadto sa mga Lamanite
igsoon nga lalaki ni Jared: usa ka propeta kinsa mihangyo kang Jesus sa paghikap sa 16 ka mga bato aron sila makahatag og kahayag dinha sa mga kasko nga gigiamit sa mga Jaredite sa pagpanaw ngadto sa gisaad nga yuta
Ismael: usa ka tawo gikan sa Jerusalem kinsa mipanaw ngadto sa gisaad nga yuta uban sa banay ni Lehi. Ang iyang anak nga mga babaye naminyo sa anak nga mga lalaki ni Lehi.
Jacob: anak nga lalaki ni Lehi ug Sariah. siya miharang kang Sherem, kinsa miingon nga walay Kristo.
Jaredite, mga: mga sumusunod ni Jared ug sa iyang igsoon nga lalaki mibiya sa Babel ug mipanaw ngadto sa gisaad nga yuta pinaagi sa mga kasko
Joseph: usa ka matarong nga anak nga lalaki ni Lehi ug Sariah kinsa natawo didto sa kamingawan.
Joseph Smith Jr.: usa ka propeta sa ulahing adlaw kinsa mihubad sa Basahon ni Mormon gikan sa bulawan nga mga palid
Korihor: usa ka dautan nga tawo kinsa nangita og usa ka timailhan aron sa pagmatuod nga ang Dios buhi. Ang Dios mihatag ni Korihor og timailhan pinaagi sa pagkuha sa iyang tingog.
Laban: usa ka dautan nga tawo sa Jerusalem kinsa dili mohatag sa tumbaga nga mga palid ngadto sa anak nga mga lalaki mi Lehi
Laman: ang kinamagulangan nga anak nga lalaki ni Lehi ug Sariah. Siya dautan ug misupak batok sa Dios.
Laman, Haring: usa ka dautan nga hari sa mga Lamanite kinsa mihatag ni Zeniff ug sa iyang mga Nephite nga sumusunod og duha ka mga dakbayan apan unya misulong kanila
Lamanite, mga: mga kaliwatan o mga sumusunod ni Laman ug Lemuel o mga tawo kinsa midumili sa ebanghelyo
Lamoni, Haring: usa ka Lamanite nga hari kinsa natudloan sa ebanghelyo ug mituo. Si Ammon mipanalipod sa panon sa mga mananap sa hari gikan sa mga tulisan.
Lamoni, amahan ni Haring: usa ka Lamanite nga hari kinsa gitudloan sa ebanghelyo ug mituo. Siya miingon nga iyang isalikway ang tanan niyang mga sala aron masayud sa Dios.
Lehi¹: usa ka propeta kinsa mipahimangno nga ang Jerusalem pagalaglagon. Siya naminaw sa diha nga ang Dios misulti kaniya sa pagdala sa iyang banay ngadto sa kamingawan.
Lehi²: ang anak nga lalaki ni Helaman. Siya ug ang iyang igsoon nga lalaki, nga si Nephi, gibalhog didto sa bilanggoan ug gilibotan sa kalayo.
Lemuel: usa ka dautan nga anak lalaki ni Lehi ug Sariah
Limhi, Haring: usa ka maayo nga anak nga lalaki sa dautan nga Haring Noah. Siya ug ang iyang mga katawhan mga ulipon sa mga Lamanite apan nakaikyas.
Maria: ang inahan ni Jesus
mga tawo nga gawasnon: mga Nephite kinsa buot og kagawasan sa pagpuyo ug pagsimba ingon nga sila ang magpili. Sila gidumala sa mga maghuhukom, dili sa usa ka hari.
Mormon: usa ka pangulo sa Nephite nga mga kasundalohan ug usa sa katapusang Nephite nga mga propeta. Siya ang nagtapoktapok sa Basahon ni Mormon.
Moroni: anak nga lalaki ni Mormon ug katapusang Nephite nga propeta. Siya milubong sa bulawan nga mga palid ug sa wala madugay mipakita ngadto ni Joseph Smith ingon usa ka anghel
Moroni, Kapitan: usa ka matarong nga pangulo sa Nephite nga kasundalohan. Siya ang mihimo sa bandila sa kalingkawasan ug misulti sa iyang kasundalohan sa pagpakig-away alang sa ilang kagawasan.
Mosiah, Haring: ang katapusang Nephite nga hari. Siya adunay upat ka anak nga mga lalaki.
Nehor: usa ka dautan nga tawo kinsa nakiglantugi sa maisug nga paagi batok sa Simbahan sa Dios. Siya mipatay ni Gideon ug gisilotan sa kamatayon.
Nephi¹: usa ka matarong nga anak nga lalaki ni Lehi ug Sariah. Siya mikuha sa tumbaga nga mga palid gikan ni Laban ug mitukod sa barko nga midala sa iyang banay ngadto sa gisaad nga yuta.
Nephi²: ang anak nga lalaki ni Helaman. Siya ug ang iyang igsoon nga lalaki, si Lehi, gibalhog sulod sa bilanggoan ug gilibutan sa kalayo. Si Nephi ang nagaghat sa usa ka kagutom aron pagtudlo sa mga katawhan sa paghinulsol.
Nephi³: usa ka matarong nga tawo pinili ni Jesukristo aron mahimong usa ka tinun-an ug pangulo sa Simbahan
Nephite, mga: mga sumusunod ni Nephi o mga katawhan kinsa midawat sa ebanghelyo
Noah, Haring: usa ka dautang Nephite nga hari kinsa nahigugma sa mga bahandi ug mitudlo sa iyang mga tawo sa pagkadautan. Ang iyang kaugalingon nga mga tawo misunog kaniya sa kamataton.
Omner: anak nga lalaki ni Haring Mosiah ug usa ka misyonaryo ngadto sa mga Lamanite
Pahoran: usa ka labaw nga maghuhukom sa mga Nephite kinsa mitabang ni Kapitan Moroni sa pagbuntog sa dautan nga mga Nephite
Sam: usa ka matarong nga anak nga lalaki ni Lehi ug Sariah
Samuel ang Lamanite: usa ka propeta kinsa mitagna nagdto sa mga Nephite mahitungod sa mga timailhan sa pagkatawo ug pagkamatay ni Jeuskristo
Sariah: asawa ni Lehi
Seantum: ang igsoon nga lalaki ug mamumuno ni Seezoram
Seezoram: usa ka labaw nga maghuhukom kinsa gibuno sa iyang igsoon nga lalaki
Sherem: usa ka dautan nga Nephite kinsa buot og usa ka timailhan sa dili pa siya motuo ni Jesukristo
Shiz: usa ka dautan nga Jaredite kinsa nangulo og kasundalohan batok kang Coriantumr ug usa ka sa katapusang mga Jaredite nga nabuhi
tawo nga maki-hari, mga: mga Nephite kinsa buot nga paga-pangulohan og usa ka hari, dili sa mga maghuhukom. Sa diha nga sila dili maka-angkon og usa ka hari, sila mipasakop sa mga Lamanite ug misulong sa mga Nephite.
Zeezrom: usa ka manlalaban kinsa mitanyag ni Amulek og salapi aron sa pagsulti nga walay Dios. Si Alma ang Batan-on mitudlo kaniya sa ebanghelyo, ug siya naghinulsol.
Zeniff: usa ka ka matarong nga pangulo kinsa midala og usa ka pundok nga mga Nephite gikan sa Zarahemla ngadto sa yuta sa Nephi, diin sila nahimong mga ulipon sa dautan nga Haring Laman
Zerahemnah: usa ka Lamanite nga pangulo kinsa nakigaway sa mga Nephite ug buot nga sila ma mahimo nga iyang mga ulipon. Siya gilaplapan sa bagulbagol diha sa pagpakig-away batok sa kasundalohan ni Kapitan Moroni.
Zoram: usa ka suluguon ni Laban kinsa mipanaw uban sa banay ni Lehi ngadto sa gisaad nga yuta
Zoramite, mga: dautan nga mga katawhan kinsa sa una nahisakop sa simbahan sa Dios. Sila mi-ampo sa sulod sa mga sinagoga diha sa usa ka bantawan nga gitawag og Rameumptom.