Kapitulo 4
Ang Tumbaga nga mga Palid
Si Lehi misulti ni Nephi nga ang Ginoo buot nga siya ug sa iyang igsoon nga mga lalaki mobalik sa Jerusalem. Sila mokuha sa tumbaga nga mga palid gikan sa usa ka tawo nga ginganlan og Laban.
Ang tumbaga nga mga palid mga mahinungdanon nga mga talaan. Sila nagsaysay mahitungod sa mga kaliwatan ni Lehi ug naglakip sa mga pulong sa Dios nga gipadayag sa mga propeta.
Si Laman ug si Lemuel dili buot nga mobalik aron pagkuha sa tumbaga nga mga palid. Sila miingon nga kini lisud kaayo nga buhaton. sila walay hugot nga pagtuo sa Ginoo.
Si Nephi buot mosunod sa Ginoo. Siya nakahibalo nga ang Ginoo motabang kaniya ug sa iyang igsoon nga mga lalaki pagkuha sa tumbaga nga mga palid gikan ni Laban.
Si Laman, Lemuel, Sam, ug Nephi mipanaw balik sa Jerusalem aron pagkuha sa tambaga nga mga palid.
Si Laman miadto ni Laban ug nangayo kaniya sa mga palid.
Si Laban nasuko ug dili ihatag kang Laman ang tumbaga nga mga palid. Si Laban buot mopatay ni Laman, apan si Laman naka-ikyas.
Si Nephi miingon nga dili sila makabalik nga wala ang tumbaga nga mga palid. Siya misulti sa iyang mga igsoon nga mga lalaki sa pagbaton og dugang nga hugot nga pagtuo sa Ginoo ug sila mahimo nga makakuha sa tumbaga nga mga palid.
Si Nephi ug ang iyang mga igsoon nga mga lalaki miadto sa ilang karaan nga pinuy-anan sa Jerusalem ug mipindok sa ilang bulawan ug pilak aron ibaylo alang sa mga palid.
Ilang gipakita ni Laban ang ilang katigayunan ug mitanyag sa pagbaylo kanila alang sa mga palid. Sa diha nga nakita ni Laban ang ilang bulawan ug pilak siya nakagusto niini alang sa iyang kaugalingon ug giabog sila sa gawas.
Si Laban misulti sa iyang mga tawo sa pagpatay sa mga anak nga lalaki ni Lehi. Si Nephi ug ang iyang igsoon nga lalaki midagan ug mitago sa usa ka langob. Si Laban mitago sa ilang bulawan ug pilak.
Si Laman ug si Lemuel nasuko ni Nephi. Ilang gibunalan si Nephi ug Sam sa lipak.
Usa ka anghel mipakita ug misulti kang Laman ug ni Lemuel sa paghunong. Siya miingon nga ang Ginoo motabang kanila pagkuha sa mga palid. Siya usab miingon nga si Nephi mahimo nga pangulo ibabaw sa iyang mga igsoon nga mga lalaki.
Si Nephi misulti sa iyang igsoon nga lalaki sa pagbaton og hugot nga pagtuo diha sa Ginoo ug dili mahadlok ni Laban ug sa iyang mga tawo. Si Nephi miawhag sa iyang igsoon nga mga lalaki sa pagbalik ngadto sa Jerusalem.
Nianan nga gabii ang igsoon nga mga lalaki ni Nephi mitago sa gawas sa paril sa dakbayan samtang si Nephi milighot pagsulod. Siya milakaw paingon sa balay ni Laban.
Samtang si Nephi nagkaduol sa balay ni Laban, siya nakakita og usa ka hubog nga tawo nga naghigda sa yuta. Kini mao si Laban.
Si Nephi nakakita sa espada ni Laban ug gipunit kini. Ang Espiritu Santo misulti ni Nephi sa pagpatay ni Laban, apan si Nephi dili buot nga mopatay kaniya.
Ang Espiritu Santo misulti pag-usab kang Nephi sa pagpatay ni Laban aron si Nephi makakuha sa tumbaga nga mga palid. Ang banay ni Lehi nagkinahanglan sa mga palid aron sila makakat-on sa ebanghelyo.
Si Nephi misunod sa Espiritu Santo ug mipatay ni Laban. Unya si Nephi misul-ob sa mga biste ug kalasag ni Laban.
Si Nephi misulod sa balay ni Laban ug gisugat ni Zoram, ang sulugu-on ni Laban. Si Nephi kaanggid ug ang paningog sama gayud kang Laban.
Siya misugo ni Zoram sa pagkuha sa tumbaga nga mga palid. Si Zoram nagtuo nga si Nephi mao si Laban, busa siya mihatag kaniya ang mga palid. Si Nephi misulti kang Zoram sa pagsunod kaniya.
Si Laman, Lemuel, ug Sam nakakita nga si Nephi nagsingabot ug nangahadlok; abi nila nga siya mao si Laban. Sila misugod pagdagan palayo apan mihunong sa diha nga si Nephi mitawag ngadto kanila.
Unya si Zoram nakaamgo nga si Nephi dili mao si Laban, ug siya misulay pagdagan. Si Nephi midakop ni Zoram ug misaad nga dili mopasakit kaniya kon siya mouban kang Nephi ngadto sa kamingawan.
Si Zoram miuyon. Si Nephi ug iyang igsoon nga mga lalaki midala ni Zoram ug sa tumbaga nga mga palid ug mibalik ngadto ni Lehi ug Sariah.
Ilang gihatag ang tumbaga nga mga palid ngadto ni Lehi. Siya ug si Sariah nalipay nga ang ilang mga anak nga lalaki luwas. Silang tanan nagmaya ug nagpasalamat sa Dios.
Si Lehi mibasa sa tumbaga nga mga palid. Sila nagsaysay mahitungod ni Adan ug ni Eba ug sa paglalang sa kalibutan. Sila naglakip sa mga pulong sa daghan nga mga propeta.
Si Lehi ug si Nephi nangalipay tungod kay sila misunod sa Ginoo ug nakahimo sa pagkuha sa tumbaga nga mga palid.
Ang banay ni Lehi miputos sa tumbaga nga mga palid aron dad-on uban kanila sa ilang panaw aron sila makatudlo sa ilang mga anak sa mga sugo nga gimantala diha sa mga palid.