Kapitulo 45
Si Jesukristo Nagtudlo Mahitungod sa Sakramento ug Pag-ampo
Si Jesukristo mipalakaw sa iyang mga tinun-an aron sa pagkuha og pipila ka pan ug bino. Siya misulti sa mga Nephite sa paglingkod diha sa yuta.
Sa diha nga ang mga tinun-an mibalik, ang Manluluwas mipikas sa pan sa ginagmay nga mga buok ug mipanalangin niini. Siya mihatag og pipila ngadto sa iyang mga tinun-an ug sila gipahatag og pipila ngadto sa mga katawhan.
Si Jesus miingon kinsa kadtong mga tawo nga moambit sa sakramento magsaad sa kanunay sa paghinumdom kaniya ug sa iyang sakripisyo. Sila dayon makadawat sa iyang espiritu.
Si Jesukristo mipanalangin sa bino ug mihatag og pipila ngadto sa iyang mga tinun-an. Ang mga tinun-an mihatag og pipila sa bino ngadto sa mga katawhan.
Si Jesus miingon nga kinsa kadtong moambit sa sakramento magsaad sa pagtuman sa iyang mga kasugoan.
Si Jesus miusab pagsulti sa iyang mga tinun-an nga ang matag usa nga moambit sa sakramento ug sa kanunay mahinumdom kaniya makabaton sa iyang espiritu.
Siya misulti sa iyang mga tinun-an nga sila mapanalanginan kon sila motuman sa iyang mga kasugoan.
Siya misulti kanila sa pag-ampo sa kanunay ug sa pag-ampo ingon nga sila nakakita kania nga nag-ampo.
Ang Manluluwas misulti sa tanang mga Nephite sa pag-ampo ngadto sa Langitnong Amahan pinaagi sa iyang ngalan. Siya usab misugo kanila sa pag-ampo uban sa ilang mga banay.
Siya miingon ang mga katawhan gikinahanglang magtigum sa kahiusahan kanunay. Sila gikinahanglang moabiabi sa uban nganha sa ilang mga tigum, mag-ampo alang kanila, ug mag-maayo nga panig-ingnan ngadto kanila.
Ang Manluluwas mihatag sa iyang mga tinun-an og gahum sa pagtugyan sa Espiritu Santo. Unya usa ka panganud mitabon sa mga katawhan sa ingon nga ang mga tinun-an lamang ang nakakita ni Jesukristo nga mosaka ngadto sa langit.