Kapitulo 19
Ang Anak nga mga Lalaki ni Mosiah Nahimong mga Misyonaryo
Si Mosiah adunay upat ka anak nga mga lalaki: Si Ammon, Aaron, Omner, ug Himni. Sila nagkauban ni Alma nga Batan-on sa diha nga ang usa ka anghel mipakita kanila.
Ang anak nga mga lalaki ni Mosiah naghinulsol sa ilang mga sala ug sila nasubo sa kasamok nga ilang nahimo. Sila nasayud nga ang ebanghelyo tinuod, ug sila buot nga motudlo niini ngadto sa uban.
Ang anak nga mga lalaki ni Mosiah midumili nga mahimong hari. Hinoon, sila buot mahimo nga mga misyonaryo ngadto sa mga Lamanite ug makig-ambit sa mga panalangin sa ebanghelyo uban kanila.
Si Haring Mosiah miampo aron masayud kon siya motugot ba sa iyang anak nga mga lalaki sa pagpanglakaw. Ang Dios misulti kaniya nga sila tugotan sa paglakaw, ug sila pagapanalipdan. Daghang mga Lamanite motuo sa ilang mensahe.
Ang anak nga mga lalaki ni Mosiah miadto aron sa pagtudlo sa mga Lamanite. Sila nagpasa ug nag-ampo nga sila mahimo nga maayong mga misyonaryo.