Kapitulo 9
Usa ka Bag-ong Panimalay diha sa Gisaad nga Yuta
Ang barko nga nagdala sa banay ni Lehi milabang sa dakong dagat ug miabot sa gisaad nga yuta. Ang mga tawo mipabarug sa ilang mga tulda.
Ilang giandam ang yuta ug mitanom sa mga liso nga ilang nadala.
Samtang sila mipanaw palibot sa ilang bag-o nga yuta, sila nakakaplag og daghang matang sa mga mananap. Sila usab nakakaplag og bulawan, pilak, ug tumbaga.
Ang Dios misulti kang Nephi sa paghimo og metal nga mga palid aron pagasulatan. Si Nepi misulat bahin sa iyang banay ug sa ilang mga panaw. Siya usab misulat sa mga pulong sa Dios.
Si Lehi natigulang. Usa pa siya mamatay siya nakigsulti sa iyang anak nga mga lalaki ug misulti kanila sa pagsunod sa mga kasugoan sa Dios. Iya usab nga gipanalangin ang iyang mga apo.
Human nga namatay si Lehi si Laman ug si Lemuel nasuko kang Nephi ug buot mopatay kaniya. Sila wala makagusto ni Nephi, ang ilang manghud nga igsoong lalaki, nga mahimong ila nga pangulo.
Ang Ginoo misulti kang Nephi sa pagdala sa mga matarung nga mga katawhan ngadto sa kamingawan. Sila mipanaw sulod sa daghan nga mga adlaw ug sa katapusan mihunong sa usa ka yuta nga ilang ginganlan og Nephi.
Ang mga tawo kinsa misunod kang Nephi misunod sa Dios. Sila nagtrabaho og maayo ug napanalanginan. Si Nephi mitudlo sa iyang mga tawo sa pagtukod pinaagi sa kahoy ug metal. Sila mitukod og maanindot nga templo.
Ang mga sumusunod nila ni Laman ug ni Lemuel gitawag og mga Lamanite.
Ang mga Lamanite wala motuman sa Dios ug gipahimulag sa Iyang presensya. Ang Espiritu sa Ginoo dili magauban kanila hangtud nga sila maghinulsol.
Ang mga Lamanite puno sa pagkamaldito ug kanunay nga nakig-away sa mga Nephite.