Kapitulo 48
Kalinaw sa Amerika
Human si Jesus nabalik sa langit, ang iyang mga tinun-an mipahimutang sa iyang Simbahan sa tibuok yuta.
Ang mga katawhan kinsa naghinulsol sa ilang mga sala gibunyagan ug nakadawat sa Espiritu Santo.
Sa wala madugay ang tanan nga mga Nephite ug mga Lamanite nakabig. Sila wala makiglalis ug ang matag-usa matinud-anon.
Walay usa nga adunahan o kabus. Ang katawhan nakigbahin sa tanan nga butang, ug silang tanan nakaangkon kon unsa ang ilang gikinahanglan.
Ang mga tinun-an mipahigayon og daghang mga milagro pinaagi sa ngalan ni Jesukristo. Sila mi-ayo sa mga masakiton ug mipabuhi pagbalik sa mga nangamatay.
Ang mga katawhan mitukod og bag-ong mga dakbayan diin ang uban nalaglag.
Sila misunod sa mga sugo sa Dios. Sila nagpuasa ug nag-ampo ug nagkatigum kanunay aron sa pagpaminaw sa pulong sa Dios.
Ang mga katawhan nangalipay.
Didto walay mga kawatan, walay mga bakakon, walay mga mamumuno. Ang mga katawhan wala na mabahin ngadto sa mga Nephite ug mga Lamanite apan ang tanan nagkahiusa ang mga anak ni Kristo.
Ang Ginoo mipanalangin sa mga katawhan sa tanang butang nga ilang gihimo.
Sila nagpuyo sa kalinaw sulod sa 200 ka mga tuig. Ang mga katawhan nahimong hilabihan ka adunahan.