Kapitulo 30
Si Alma Nagtambag sa Iyang Anak nga mga Lalaki
Si Alma wala malipay tungod sa unsa ka dautan ang pagkahimo sa mga Nephite. Siya nakigsulti sa matag usa sa iyang anak nga mga lalaki mahitungod sa pagkamatarung nga pagpuyo.
Si Alma misulti ngadto kang Helaman, iyang kamaguwangan nga anak, sa pagsalig sa Dios. Siya misulti kaniya mahitungod sa anghel nga gipadala sa Dios aron sa pagsulti kang Alma sa paghunong paglaglag sa Simbahan.
Sulod sa tulo ka mga adlaw si Alma nag-antus tungod sa iyang sala. Unya siya nahinomdum sa mga pagtulon-an sa iyang amahan mahitungod ni Jesus, ug siya nasayud nga ang iyang mga sala mahimong mapasaylo.
Si Alma nag-ampo alang sa kapasayloan, ug ang hingpit nga kalipay mipuli sa kasakit diha sa iyang kalag. Siya gipasaylo tungod kay siya adunay hugot nga pagtuo ni Jesukristo ug siya naghinulsol.
Sukad miadto si Alma mitudlo sa uban sa ebanghelyo aron sila mobati sa sama nga kalipay nga iyang gibati. Ang Dios mipanalangin kang Alma tungod sa iyang pagsalig sa Dios.
Si Alma mihatag ngadto kang Helaman sa sagrado nga mga talaan ug misulti kaniya sa pagpadayon sa pagsulat sa kasaysayan sa ilang katawhan.
Si Alma misulti ngadto kaniya nga kon siya magtuman sa mga sugo, ang Dios mopanalangin kaniya ug motabang kaniya sa pagpanalipod sa mga talaan.
Si Alma usab misulti ni Helaman sa pag-ampo matag buntag ug gabii ug makigsulti uban sa Dios mahitungod sa tanang butang nga iyang gibuhat aron ang Dios makatabang sa paggiya kaniya.
Si Alma nalipay sa iyang anak nga lalaki nga si Shiblon, kinsa usa ka maisog nga misyonaryo ngadto sa mga Zoramite. Si Shiblon nagpabilin nga matinud-anon bisan sila mibato kaniya.
Si Alma mipahinumdom ni Shiblon nga ang bugtung paagi aron maluwas mao ang pinaagi ni Jesukristo. Si Alma dayon sa iyang anak nga lalaki sa pagpadayon sa pagtudlo sa ebanghelyo.
Ang anak nga lalaki ni Alma nga si Corianton wala magtuman sa mga sugo. Siya wala mahimong matinud-anon nga misyonaryo samtang nagtudlo sa mga Zoramite.
Tungod sa unsay nabuhat ni Corianton, ang mga Zoramite dili motuo sa mga pagtulon-an ni Alma.
Si Alma misulti ni Corianton nga ang mga katawhan dili makatago sa ilang mga sala gikan sa Dios ug nga si Corianton gikinahanglang maghinulsol.
Si Alma mitudlo sa iyang anak nga ang matag usa mabanhaw apan ang matarong lamang maoy makapuyo uban sa Dios.
Kini nga kinabuhi mao ang panahon alang sa mga katawhan sa paghinulsol ug pagalagad sa Dios, si Alma miingon.
Mipahinumdom kang Corianton nga siya natawag aron mahimong usa ka misyonaryo, si Alma misulti kaniya sa pagbalik ngadto sa mga Zoramite ug tudloan ang mga katawhan sa paghinulsol.
Si Alma ug ang iyang anak nga mga lalaki mipadayon sa pagtudlo sa ebanghelyo. Sila mitudlo pinaagi sa gahum sa pagkapari.