Kapitulo 18
Si Alma nga Batan-on Naghinulsol
Si Haring Mosiah mihimo ni Alma nga pangulo sa Simbahan sa Zarahemla. Unya si Alma mipili og ubang mga lalaki aron motabang kaniya pagtudlo sa mga Nephite.
Si Alma ug si Haring Mosiah nabalaka tungod kay ang mga walay pagtuo mihimo sa pagpaantos sa mga sakop sa Simbahan tungod sa ilang mga tinuohan.
Si Alma adunay anak nga lalaki nga ginganlan og Alma. Si Alma nga Batan-on wala motuo sa mga pagtulon-an sa iyang amahan ug nahimong dautan nga tawo.
Si Alma nga Batan-on ug ang upat ka mga anak nga lalaki ni Haring Mosiah nakig-away batok sa Simbahan. Sila midani og daghang mga tawo sa pagbiya sa Simbahan ug mahimong dautan.
Si Alma mi-ampo nga ang iyang anak nga lalaki makakaton sa kamatuoran ug maghinulsol.
Si Alma nga Batan-on ug ang anak nga mga lalaki ni Haring Mosiah mipadayon pagsulay sa paglaglag sa Simbahan.
Usa ka adlaw ang usa ka anghel mipakita kanila. Ang anghel misulti sa kusog nga tingog nga nakapauyog sa yuta.
Ang lima ka batan-on nga mga lalaki hilabihang hadlok a mao nga sila natumba. Sa sinugdanan sila dili makasabot unsa ang gipanulti sa anghel.
Ang anghel miabot agi og tubag sa mga pag-ampo sa mga sakop sa Simbahan. Ang anghel nangutana ni Alma nga Batan-on ngano nga siya nakig-away batok sa Simbahan.
Ang yuta miuyog samtang ang anghel misulti ni Alma nga Batan-on sa paghunog pagsulay og guba sa Simbahan.
Si Alma nga Batan-on ug ang mga anak nga lalaki ni Mosiah natumba pag-usab. Sila nakakita ug usa ka anghel, ug sila nasayod nga ang gahum sa Dios ang miuyog sa yuta.
Si Alma nga Batan-on natingala pag-ayo mao nga siya dili makasulti. Siya naluya pag-ayo mao nga siya gani makalihok sa iyang mga kamot.
Ang anak nga mga lalalki ni Mosiah midala ni Alma nga Batan-on ngadto sa iyang amahan ug misulti kaniya sa tanan nga nahitabo kanila.
Si Alma nalipay. Siya nasayud nga ang Dios mitubag sa iyang mga pag-ampo.
Si Alma mitawag sa daghang mga tawo aron pagtan-aw kon unsa ang gibuhat sa Ginoo alang sa iyang anak nga lalaki ug alang sa anak nga mga lalaki ni Mosiah.
Si Alma, uban sa lain nga mga pangulo sa Simbahan, mipuasa ug miampo ug nangayo sa Dios aron tabangan si Alma nga Batan-on nga malig-on pag-usab.
Human sa duha ka mga adlaw ug mga gabii, si Alma nga Batan-on nakahimo sa pagsulti ug paglihok.
Siya misulti sa mga katawhan nga siya naghinulsol sa iyang mga sala ug ang Dios mipasaylo kaniya.
Siya nagtudlo nga ang matag usa gikinahanglan gayud nga mahimong matarong aron makasulod sa gingharian sa Dios. Siya usab misulti sa dakong kasakit nga iyang giantus tungod sa iyang mga kasal-anan.
Si Alma nga Batan-on nalipay tungod kay siya naghinulsol ug ang Dios mipasaylo kaniya. Siya nasayud nga ang dios nahigugma kaniya.
Si Alma nga Batan-on ug ang anak nga mga lalaki ni Haring Mosiah misugod pagtudlo sa kamatuoran sa bahin sa yuta, nagsulti sa matag usa kon unsa ang ilang nakita ug nadungog.
Sila misulay sa pagbakwi sa sayop nga ilang nahimo. Sila mipasabot sa mga kasulatan ngadto sa mga katawhan ug mitudlo kanila mahitungod ni Jesukristo.
Ang Dios mipanalangin ni Alma nga Batan-on ug sa anak nga mga lalaki ni Mosiah samtang sila nagtudlo sa ebanghelyo. Daghang mga tawo ang naminaw kanila ug mituo.