Kapitulo 2
Si Lehi Mipahimangno sa mga Tawo
Kadaghanan sa mga tawo nga nagpuyo sa Jerusalem 600 ka mga tuig sa wala pa matawo si Kristo mga dautan. Ang Dios mipadala og mga propeta aron sa pagsulti kanila nga maghinulsol, apan dili maminaw.
Si Lehi usa ka propeta. Siya nag-ampo nga ang mga katawhan mohinulsol. Samtang siya nag-ampo, usa ka gilis nga kalayo mitungha. Ang Dios misulti ug mipakita kang Lehi sa daghan nga mga batang.
Si Lehi mipauli sa panimalay ug nakaangkon og usa ka panan-awon. Siya nakakita sa Dios nga gilibutan sa daghan nga mga anghel. Ang mga anghel nagkanta ug nagdayeg sa Dios.
Diha sa iyang panan-awon si Lehi gihatagan og usa ka basahon nga nagsulti kon unsa ang mahitabo sa umaabut. Siya nakabasa nga ang Jerusalem paglaglagon tungod kay ang mga katawhan mga dautan.
Si Lehi misulti sa mga katawhan nga ang Jerusalem pagalaglagon. Siya usab misulti sa pag-abot ni Jesus. Ang mga katawhan nasuko ug misulay sa pagpatay kang Lehi, apan ang Ginoo mipanalipod kaniya.