Kapitulo 51
Ang mga Jaredite Mipanaw ngadto sa Gisaad nga Yuta
Samtang ang mga Jaredite nagkampo sa daplin sa dagat, ang igsoon nga lalaki ni Jared nakalimot sa pag-ampo. Ang Ginoo miabot diha sa panganod aron sa pagsulti kaniya sa paghinulsol.
Ang igsoon nga lalaki ni Jared mihinulsol ug mi-ampo. Ang Ginoo mipasaylo sa igsoon nga lalaki ni Jared apan miingon nga siya gikinahanglang dili na magpakasala pag-usab.
Ang Ginoo misulti sa igsoon nga lalaki ni Jared sa pagtukod og mga kasko aron sa pagdala sa iyang mga katawhan ngadto sa gisaad nga yuta.
Ang Ginoo misulti sa igsoon nga lalaki ni Jared kon unsaon sa pagtukod sa mga kasko.
Ang kasko gihimo nga hugot kaayo aron walay tubig nga makasulod.
Ang igsoon nga lalaki ni Jared nalibog kon unsaon sa mga tawo pagkuha og hangin aron sa pangginhawa diha sa mga kasko. Siya mipangutana sa Ginoo kon unsa ang iyang kinahanglan nga buhaton.
Ang Ginoo misulti kaniya sa paghimo og lungag diha sa ibabaw ug ilalom sa matag kasko. Ang lungag mahimo nga ablihan aron sa pagpasulod sa hangin ug takoban aron dili makasulod ang tubig.
Ang igsoon nga lalaki ni Jared misulti sa Ginoo nga ang mga kasko ngitngit sa sulod. Ang Ginoo misulti kaniya sa paghunahuna og usa ka paagi aron adunay kahayag sulod sa mga kasko.
Ang kahayag alang sa mga kasko dili mahimo nga magagikan sa kalayo o gikan sa mga bintana tungod kay kini mangabuak.
Ang igsoon nga lalaki ni Jared miadto sa usa ka bukid ug mihulma og 16 ka gagmay nga mga bato gikan sa usa kadakong bato. Ang mga bato kon tan-awon sama sa tin-aw nga bildo. Siya mihimo og duha ka mga bato alang sa matag usa sa walo ka mga kasko.
Ang igsoon nga lalaki ni Jared midala sa mga bato ngadto sa ibabaw sa usa ka bukid. Didto siya mi-ampo ngadto sa Ginoo.
Ang igsoon nga lalaki ni Jared mihangyu sa Ginoo sa paghikap sa mga bato aron sila mohatag og kahayag sulod sa mga kasko.
Ang Ginoo mihikap sa matag usa sa bato sa iyang tudlo.
Tungod kay ang igsoon nga lalaki ni Jared adunay dakong hugot nga pagtuo, iyang nakita ang tudlo sa Ginoo. Kini kon tan-awon sama sa tudlo sa tawo.
Og dayon ang Ginoo mipakita sa iyang kaugalingon ngadto sa igsoon nga lalaki ni Jared.
Si Jesus miingon nga kadtong mga tawo kinsa motuo kaniya makabaton og kinabuhing dayon.
Si Jesus mitudlo ug mipakita sa igsoon nga lalaki ni Jared og daghang mga butang. Si Jesus misulti kaniya sa pagsulat kon unsa ang iyang nakita ug nadungog.
Ang igsoon nga lalaki ni Jared midala sa mga bato paingon sa ubos sa bukid. Siya mibutang og usa ka bato sa matag tumoy sa matag kasko. Sila mihatag og kahayag sulod sa mga kasko.
Ang mga Jaredite misulod sa mga kasko uban sa ilang mga hayop ug pagkaon. Ang Ginoo mihimo og usa ka makusog nga hangin paghuyop sa mga kasko paingon sa gisaad nga yuta.
Ang Ginoo mipanalipod kanila diha sa baluron nga dagat. Sila mipasalamat sa Ginoo ug miawit og mga pagdayag ngadto kaniya.
Human sa 344 ka mga adlaw diha sa dagat, ang mga kasko midunggo sa baybayon sa gisaad nga yuta.
Sa diha nga ang mga Jaredite migawas sa mga kasko, sila miluhod ug mihilak sa mga luha sa hingpit nga kalipay.
Ang mga Jaredite mitukod og mga pinuy-anan ug mitanom og mga anihunon didto sa gisaad nga yuta. Sila mitudlo sa ilang mga anak sa pagpaminaw sa Ginoo ug sa pagtuman sa iyang mga pulong.