Kapitulo 28
Ang mga Zoramite ug ang Rameumptom
Ang mga Nephite buot nga mopugong sa mga Zoramite sa pagpasakop sa mga Lamanite, busa si Alma miadto uban sa pipila ka laing mga misyonaryo aron pagsangyaw sa pulong sa Dios sa mga Zoramite.
Kini nga mga misyonaryo natingala ug nabalaka kon giunsa sa mga Zoramite pagsimba diha sa ilang mga simbahan, nga gitawag ug mga sinagoga.
Diha tiwala sa simbahan, ang mga Zoramite nagtukod og taas nga bantawan nga gitawag og Rameumptom. Adunay lawak alang lamang sa usa ka tawo nga mobarog sa ibabaw.
Ang mga Zoramite nagpulipuli og barog didto, mokabot paingon sa langit ug sa makusog nga paagi maghubit sa sama gihapon nga pag-ampo.
Dinhi niini nga pag-ampo, ang mga Zoramite miingon nga ang Dios walay lawas; siya usa lamang ka espiritu. Sila usab miingon nga wala gayoy Kristo.
Ang mga Zoramite mihunahuna nga ang Dios mipili lamang kanila nga maluwas dinha sa gingharian sa langit. Sila mihatag og mga pasalamat alang sa ilang pagkapinalabi nga pagkatawo.
Human ang matag usa ka Zoramite nakaampo, sila mipauli sa balay ug dili mag-ampo o magsulti mahitungod sa Dios pag-usab sulod sa tibuok semana.
Ang mga datu nga mga Zoramite nahigugma sa bulawan ug pilak, ug sila nanghambog mahitungod sa ilang kalibutanong mga bahandi. Si Alma nasubo sa pagtana-aw kon unsa sila ka mga dautan.
Si Alma nag-ampo alang kaniya ug sa iyang mga misyonaryo aron maka-angkon og kusog, kahupayan, ug kalampusan sa ilang gimbuhaton.
Human mangayo og pananbang aron pagdala sa mga Zoramite balik sa kamatuoran, si Alma ug ang ubang mga misyonaryo napuno sa Espiritu Santo.
Ang mga misyonaryo dayon milakaw sa nagbulag nga mga padulngan aron magsangyaw. Ang Dios mipanalangin kanila sa pagkaon ug panapot ug milig-on kanila sa ilang mga gimbuhaton.
Ang mga Zoramite kinsa mga kabus wala tugoti nga mosulod sa mga simbahan. Kini nga mga tawo misugod sa pagpaminaw sa mga misyonaryo.
Daghan ang nangutana kang Alma kon unsa ang ilang buhaton. Si Alma misulti kanila nga sila dili kinahanglan nga anaa sa sulod sa simbahan aron mag-ampo o magsimba sa Dios.
Siya misulti kanila sa pagbaton og hugot nga pagtuo sa Dios. Unya si Amulek mitudlo kanila mahitungod ni Jesukristo ug mahitungod sa laraw sa Dios alang sa iyang mga anak.
Ang mga misyonaryo mibiya, ug ang mga Zoramite kinsa mituo kanila gipapahawa sa dakbayan. Ang mga mituo milakaw aron mopuyo sa yuta Jershon uban sa mga tawo ni Ammon.
Bisan tuod ang dautan nga mga Zoramite mihulga sa mga tawo ni Ammon, ang mga tawo ni Ammon mitabang sa matarong nga mga Zoramite ug mihatag kanila og pagka-on, panaput, ug yuta.