Kapitulo 35
Si Kapitan Moroni ug si Pahoran
Apan si Helaman ug ang iyang mga sundalo nagkinahanglan og tabang. Sila walay igo nga mga sundalo aron pagpanalipod sa daghan kaayo nga mga dakbayan.
Si Kapitan Moroni misulat ngadto kang Pahoran, ang labaw nga maghuhukom ug gobernador. Siya mihangyo kang Pahoran sa pagpadala ug dugang mga sundalo aron sa pagtabang sa mga sundalo ni Helaman.
Ang mga Lamanite misulong sa usa ka Nephite nga dakbayan nga nakuha pagbalik ni Helaman. Sila mipatay og daghan nga mga Nephite ug migukod sa nahibilin gikan sa dakbayan.
Nasuko sa mga pangulo sa gobyerno tungod kay sila wala mopadala og tabang, si Moroni mihimo og lain nga sulat ngadto kang Pahoran.
Si Kapitan Moroni misulat nga daghan nga mga katawhan ang napatay tungod kay si Pahoran wala mopadala og dughang nga mga sundalo.
Kon si Pahoran dili magdali pagpadala og mga tawo ug pagkaon, si Moroni modala sa iyang mga sundalo ngadto sa Zarahemla ug mokuha kon unsa ang gikinahanglan sa iyang mga sundalo.
Sa wala madugay si Moroni nakadawat og usa ka sulat gikan kang Pahoran. Siya nasubo pag-ayo nga si Moroni ug an iyang mga sundalo nanag-antus.
Si Pahoran misulti kang Moroni nga usa ka pundok sa dautan nga mga Nephite nga gitawag og mga tawo nga maki-hari dili buot kaniya nga mahimong labaw nga maghukom. Sila mipugos kaniya ug sa iyang mga dumadapig pagpahawa sa Zarahemla.
Si Pahoran mipuno nga siya nagtigum ug mga sundalo aron sa pagsulay sa pagkuha ug balik sa Zarahemla.
Ang mga tawo nga maki-hari mipili ug usa ka hari nga mahimo nilang pangulo ug mipasaok sa mga Lamanite.
Si Pahoran wala masuko sa unsa mga gipanulat ni Moroni. Siya buot nga ang mga Nephite mahimong gawasnon usab.
Siya mihangyo kang Moroni sa pagdala og pipila ka mga tawo aron sa pagtabang kaniya ug miingon nga kon si Moroni makapundok ug dugang nga mga tawo sa agianan, ang gihugpong nga mga sundalo makahimo pagkuha ug balik sa Zerahemla.
Si Kapitan Moroni nalipay nga si Pahoran sa gihapon matinud-anon sa iyang nasud ug sa gihapon buot og kagawasan alang sa iyang mga tawo.
Uban sa pipila sa iyang mga tawo, si Moroni milakaw aron pagsulat ni Pahoran. Siya midala sa bandila sa kalingkawasan, ug kaliboan sa mga tawo mipasakop kanila diha sa agianan.
Ang gihupong nga mga sundalo ni Moroni ug Pahoran mimartsa batok sa Zarahemla. Sila mipatay sa hari sa dautan nga mga Nephite ug mibihag sa iyang mga tawo.
Si Moroni dayon mipadala og mga pagkaon ug 12,000 ka mga sundalo aron sa pagtabang sa mga Nephite nga mga sundalo. Kini nga mga sundalo miabog sa mga Lamanite pagpagawas, ug adunay kalinaw pag-usab dinha sa yuta.