Kapitulo 25
Si Aaron Nagtudlo sa Amahan ni Haring Lamoni
Ang Espiritu migiya kang Aaron ug sa iyang mga kauban ngadto sa yuta sa Nephi aron sa pagtudlo sa amahan ni Lamoni, ang hari sa tanang mga Lamanite.
Si Aaron misulti sa hari nga siya igsoon nga lalaki ni Ammon. Ang hari naghunahuna mahitungod sa pagkamanggiloy-on ni Ammon ug mahitungod sa unsa ang gisulti ni Ammon ngadto kaniya.
Si Aaron nangutana sa hari kon siya mituo ba sa Dios. Ang hari miingon nga siya dili kaayo segurado apan miingon nga siya motuo kon si Aaron moingon nga adunay Dios. Si Aaron mipasalig sa hari nga ang Dios buhi.
Si Aaron mibasa sa mga kasulatan ngadto sa hari. Siya mitudlo kaniya mahitungod Paglalang sa yuta, sa kang Adan nga Pagkapukan, ug sa kang Jesukristo nga misyon.
Ang hari nangutana kon unsa ang iyang angay nga buhaton aron sa pag-angkon sa Espiritu Santo ug sa pagadam sa pagpuyo uban sa Dios. Ang hari mauyunon sa pagbuhat sa bisan unsa nga butang bisan sa pagtahan sa iyang gingharian.
Si Aaron misulti sa hari nga siya kinahanglan nga sa hingpit maghinulsol sa iyang mga sala. Siya kinahanglan nga mag-ampo ug maghupot og hugot nga pagtuo sa Dios.
Ang hari nag-ampo aron masayud kon aduna ba gayud usa ka Dios. Siya miingon nga iyang biyaan ang tanan niyang mga sala.
Ang hari natumba sa yuta ug makita nga mora og patay. Sa diha nga ang reyna nakakita kaniya, siya naghunahuna nga si Aaron ug iyang mga kauban mipatay kaniya.
Ang reyna mimando sa iyang mga suluguon sa pagpatay ni Aaron ug sa iyang mga kauban, apan ang mga suluguon nahadlok. Siya mipadala sa pagpangita og lain nga mga tawo kinsa mobuhat niini.
Sa wala pa ang dakong panon makapundok ug mohimo og kagubot, si Aaron mikuha sa kamot sa hari ug misulti kaniya sa pagbarug. Ang hari mibarug.
Ang hari mialam-alam sa iyang nahadlok nga asawa ug mga suluguon ug unya mitudlo kanila sa ebanghelyo. Silang tanan mituo diha ni Jesukristo.