Kapitulo 3
Si Lehi Mibiya sa Jerusalem
Ang Ginoo nahimuot kang Lehi ug usa ka gabii nakigsulti ngadto kaniya diha sa damgo. Siya misulti kang Lehi sa pagdala sa iyang banay ug sa pagbiya sa Jerusalem. Si Lehi mipatuo sa Ginoo.
Ang banay ni Lehi namutos og pagkaon ug mga tolda. sila mibiya sa ilang balay ug sa ilang bulawan ug pilak ug mipanaw ngadto sa kamingawan.
Si Lehi ug ang iyang asawa si Sariah, adunay upat ka anak nga lalaki. Ang ilang mga ngalan mao sila si Laman, Lemuel, Sam, ug Nephi.
Human sa pagpanaw sa tulo ka mga adlaw, ang banay ni Lehi nagkampo sa walog duol sa usa ka suba.
Si Lehi mitukod og usa ka altar gikan sa mga bato ug mihimo og usa ka halad ngadto sa Dios. Siya nagpasalamat sa Dios tungod sa pagluwas sa iyang banay gikan sa pagkalaglag.
Si Lehi mipangalan sa suba og Laman ug ang walog og Lemuel. Si Lehi buot nga ang iyang anak nga mga lalaki mahimo nga sama sa suba ug walog, mapadayunon nga mag-ayos ngadto sa Dios ug makusganon nga naghupot sa mga sugo.
Si Laman ug si Lemuel naghunahuna nga ang ilang amahan buang sa pagbiya sa Jerusalem ug sa ilang mga katigayonan. sila wala motuo nga ang Jerusalem malaglag.
Si Nephi buot makasabot sa mga butang nga nakita ni Lehi. Siya miampo aron makahibalo kon ang iyang amahan nakabuhat ba sa husto nga butang sa pagbiya sa Jerusalem.
Si Jesukristo miduaw kang Nephi ug misulti kaniya nga ang mga pulong ni Lehi matuod. Si Nephi mituo ug wala mosupak sama sa gibuhat ni Laman ug Lemuel.
Si Nephi misulti sa iyang igsoon nga mga lalaki unsa ang gisulti ni Jesus kaniya. Si Sam mituo ni Nephi, apan si Laman ug si Lemuel dili motuo.
Ang Ginoo misaad ni Nephi nga siya mapanalanginan tungod sa iyang hugot nga pagtuo. Siya mahimo nga pangulo ibabaw sa iyang mga igsoon nga mga lalaki.