Kapitulo 11
Si Enos
Usa ka adlaw si Enos nangayam diha sa kalasangan. Siya mihunahuna mahitungod sa mga pagtulon-an sa iyang amahan ug buot nga mapasaylo sa iyang mga sala.
Si Enos miluhod ug mi-ampo ngadto sa Dios. Siya mi-ampo sa tibuok adlaw ug nagpadayon sa pag-ampo sa dihang miabot ang kagabhion.
Ang Dios misulti kang Enos na tungod sa iyang hugot nga pagtuo diha ni Jesukristo, ang iyang mga sala napasaylo.
Si Enos unya dayon buot nga ang Ginoo mopanalangin sa mga Nephite. Siya nag-ampo alang kanila, ug ang Ginoo miingon nga siya mopanalangin kanila kon sila mosunod sa iyang mga kasugoan.
Si Enos buot usab nga ang Ginoo mopanalangin sa mga Lamanite. Siya nag-ampo uban sa dakong hugot nga pagtuo, ug ang Ginoo misaad sa pagbuhat kon unsa ang gipangayo ni Enos kaniya.
Bisan tuod og ang mga Lamanite nakig-away sa mga Nephite ug misulay sa pagguba sa ilang mga talaan, si Enos nag-ampo nga sila mahimo nga usa ka matarung nga mga katawhan.
Si Enos mi-ampo nga ang mga talaan nga iyang gitagoan dili maunsa. Ang Ginoo misaad nga sa umaabot nga adlaw iyang ihatag sa mga Lamanite ang mga pagtulun-an nga anaa sa mga talaan.
Si Enos misangyaw ngadto sa mga Nephite. Siya buot nga sila motuo sa Dios ug magsunod sa mga kasugoan.
Ang mga Nephite misulay sa pagtudlo sa ebanghelyo ngadto sa mga Lamanite, apan sila dili maminaw. Ang mga Lamanite nasilag sa mga Nephite.
Si Enos migahin sa iyang kinabuhi sa pagtudlo sa mga katawhan mahitungod ni Jesus ug sa ebanghelyo. Siya mialagad sa Dios mihigugma kaniya sa tanan niyang mga adlaw.