Kapitulo 47
Si Jesukristo Nagpanalangin sa Iyang mga Tinun-an
Ang mga tinun-an nangutana kaniya kon unsa ang ilang ingalan sa Simbahan. Si Jesus miingon kini gikinahanglan nga paganganlan sunod kaniya tungod kay kini iyang Simbahan.
Si Jesus mipasabut ngadto sa iyang mga tinun-an nga ang Langitnong Amahan mipadala kaniya nganhi sa yuta aron sa paghatag sa iyang kinabuhi alang sa tanang mga katawhan.
Siya miingon nga ang matag usa kinsa maghinulsol, pagabunyagan diha sa iyang ngalan, ug mosunod sa iyang mga sugo pagailhon nga walay sala atubangan sa Langitnong Amahan.
Ang Manluluwas misulti sa iyang mga tinun-an sa pagbuhat sa mga butang nga ilang nakita nga iyang gibuhat. Siya mipahimutang na og paning-ingnan alang kanila.
Siya usab misulti kanila sa pagsulat kon unsa ang ilang nakita ug nadungog aron ang uban nakahibalo mahitungod niini.
Si Jesus nangutana sa iyang mga tinun-an kon unsa ang ilang gusto gikan kaniya. Siyam kanila buot nga muoban kaniya human nga matapos ang ilang mga kinabuhi dinhi sa yuta.
Si Jesus misaad kanila nga kon sila mag-edad og 72 ka mga tuig, sila makaadto kaniya sa langit.
Ang laing tulo ka mga tinun-an wala kaako sa paghangyo kon unsa ang ilang tinguha apan si Jesus nasayud. Sila buot magpabilin sa kalibutan ug magtudlo sa ebanghelyo hangtud si Jesus mobalik pag-usab.
Ang Manluluwas misaad kanila nga sila dili magantos sa kasakit o kasubo ug dili mamatay. Sila motudlo sa mga tawo sa ebanghelyo hangtod siya makabalik.
Si Jesus mihikap sa matag tinun-an gawas sa tulo kinsa magpabilin dinhi sa yuta. Unya siya mibiya.
Ang tulo ka mga tinun-an gidala ngadto sa langit, diin ilang nakita ug nadungog ang daghang kahibulongan nga mga butang. Sila labaw nga nakasabut sa mga butang sa Dios.
Ang ilang mga lawas gi-usab aron sila dili mamatay.
Ang tulo ka mga tinun-an mibalik sa yuta ug misugod sa pagsangyaw ug sa pagbunyag.
Ang dautan nga mga Nephite mibalhog sa tulo ka mga tinun-an sulod sa bilanggoan ug ngadto sa lawom nga mga lungag, apan ang gahum sa Dios mitabang kanila sa pag-ikyas.
Sa diha nga sila gitukmod ngadto sa mga hurnohan og ngadto sa mga langub nga adunay mga ihalas nga mga hayop, sila usab gipanalipdan pinaagi sa gahum sa Dios.
Ang tulo ka mga tinun-an mipadayon sa pagsangyaw sa ebanghelyo ni Jesukristo ngadto sa mga Nephite. Sila sa gihapon nagsangyaw sa iyang ebanghelyo.