Kapitulo 24
Si Ammon Nakatagbo sa Amahan ni Haring Lamoni
Ang Ginoo misulti ni Ammon sa pag-adto hinoon ngadto sa yuta sa Middoni, diin ang iyang igsoon nga lalaki nga si Aaron atua sa bilanggoan. Si Haring Lamoni miadto kauban ni Ammon.
Samtang sila nagpanaw sila nakasugat sa amahan ni Haring Lamoni, kinsa mao ang hari sa tibuok yuta. siya nangutana ni Lamoni kon asa siya paingon uban sa usa ka bakakon nga Nephite.
Si Haring Lamoni misulti sa iyang amahan mahitungod ni Ammon ug sa iyang igsoon nga lalaki kinsa atua sa bilanggoan. Nasuko, ang amahan ni Lamoni mimando kang Lamoni sa pagpatay ni Ammon ug nga dili moadto sa Middoni.
Si Lamoni midumili sa pagpatay ni Ammon ug miingon nga siya og si Ammon moadto aron sa pagluwas ni Aaron. Ang amahan ni Lamoni misamot pagkasuko ug mihulbot sa iyang espada aron pagpatay ni Lamoni.
Si Ammon milakang sa pag-una aron sa pagpanalipod ni Lamoni. Unya ang amahan ni Lamoni misulay sa pagpatay ni Ammon, apan siya nanalipod sa iyang kaugalingon ug misamad sa bukton sa amahan ni Lamoni.
Sa diha nga ang amahan ni Lamoni nakakita nga si Ammon makapatay kaniya, siya mitanyag kang Ammon sa katunga sa iyang gingharian kon ipalungtad ang iyang kinabuhi.
Si Ammon miingon nga siya buot nga si Aaron ug ang iyang mga kauban buhian gikan sa bilanggoan ug buot nga si Lamoni makakupot sa iyang gingharian.
Ang amahan ni Lamoni nakaamgo nga si Ammon dili buot mopasakit kaniya. Siya nahibulong kon unsa ka dako ang paghigugma ni Ammon sa iyang anak nga lalaki. Siya midapit kang Ammon sa pagtudlo kaniya sa ebanghelyo.
Si Ammon ug si Haring Lamoni miadto sa Middoni. Si Lamoni nakigsulti sa hari didto, ug si Aaron ug ang iyang mga kauban gibuhian gikan sa bilanggoan.
Si Ammon nasubo sa pagtan-aw kon unsa ka makalolooy ang ilang pagkatagad. Sila nagantus sa hilabihan apan nagpailub.