Kapitulo 8
Paglabang sa Dagat
Ang Ginoo misulti ni Lehi sa pagdala sa iyang banay pasulod sa barko nga ilang natukod. Sila mikarga niini ug prutas, karne, ug dugos ug mga liso aron itanom sa gisaad nga yuta.
Kusog nga mga hangin mipadpad sa barko paingon sa gisaad nga yuta.
Si Laman, si Lemuel, ug pipila sa uban misugod pagkadautan. Sa diha nga si Nephi misulti kanila sa paghunong, sila nasuko ug gihigtan siya og mga pisi.
Tungod sa ilang pagkadautan, ang Liahona mihunong paglihok. Sila wala makahibalo kon hain nga agianan itimon ang barko. Usa ka makalilisang nga unos ang mipadpad sa barko pasibog sulod sa tulo ka mga adlaw.
Si Lehi misulti ni Laman ug ni Lemuel sa pagbuhi ni Nephi, apan sila wala maminaw. Si Lehi ug si Sariah nahiubos pag-ayo mao nga sila nangasakit.
Ang asawa ug mga anak ni Nephi nanghilak. Sila nagpakilooy kang Laman ug kang Lemuel sa pagbuhi ni Nephi, apan sila mibalibad.
Sa ikaupat nga adlaw ang unos misamot kadoatan. Ang barko hapit na malunod.
Si Laman ug si Lemuel nakahibalo nga ang Dios ang mipadala sa unos. Sila nangahadlok nga sila malumos.
Sa katapusan ni Laman ug si Lemuel naghinulsol ug mibuhi kang Nephi. Bisan tuod og ang iyang mga pulso ug mga buulbuol nanghubag ug nanakit gumikan sa mga pisi, si Nephi wala magbagulbol.
Si Nephi dayon mipunit sa Liahona, ug kini milihok pag-usab. Si Nephi mi-ampo, ug ang hangin mihunong. ang dagat nahimong malinawon.
Si Nephi mitomon sa barko, ug kini milawig na usab paingon sa gisaad nga yuta.