Kapitulo 52
Ang Kalaglagan sa mga Jaredite
Ang mga Jaredite mitubo sa gidaghanon ug nahimong adunahan. Sila mipili og usa ka hari nga mahimo nilang pangulo.
Daghang mga katuigan ang milabay, ug ang mga Jaredite nahimong mga dautan. Ang Ginoo mipadala og mga propeta aron mosulti kanila sa paghinulsol o sila pagalaglagon.
Ang mga katawhan wala naminaw sa mga propeta. Sila misulay sa pagpatay kanila.
Dihay mga gubat ug mga kagutom sa yuta. Daghang nga mga Jaredite ang nangamatay.
Ang Ginoo mipadala og lain nga propeta ginganlan og ether. Siya misangyaw gikan sa buntag hangtud sa gabii, nagsulti sa mga Jaredite sa pagtuo sa Dios ug paghinulsol.
Si Ether misulti sa mga Jaredite nga kon sila motuo sa Dios, sila sa umaabot nga adlaw magpuyo uban sa Langitnong nga Amahan diha sa mas maayo nga kalibutan.
Si Ether misulti sa mga Jaredite og daghang mahinungdanon nga mga butang, apan sila wala motuo kaniya. Sila mipabiya kaniya sa dakbayan.
Si Ether mitago sa usa ka langub panahon sa adlaw aron siya dili mapatay. Sa gabii siya migawas ug nakita kon unsa ang nahitabo sa mga Jaredite.
Iyang nahuman pagsulat ang kasaysayan sa mga Jaredite sa mga Jaredite samtang siya nagtago.
Ang Ginoo mipadala ni Ether ngadto kay Coriantumr, kinsa usa ka dautan nga Jaredite nga hari. Si Ether misulti kaniya sa paghinulsol o siya mabuhi aron makita sa tanan niyang katawhan nga mapatay.
Si Coriantumr ug ang iyang mga katawhan wala mohinulsol. Siya misulay sa pagpapatay kang Ether, apan si Ether midagan ug mitago sa langub.
Ang mga katawhan hilabihan kadautan ng ang Ginoo mitunglo sa yuta. Sila dili makabutang sa ilang mga kahimanan o mga espada tungod kay sa pagkasunod adlaw ang mga butang mangahanaw.
Ang tanan nga mga Jaredite nakig-away sa mga gubat, lakip ang mga babaye ug mga bata. Si Coriantumr nangulo og usa ka kasundalohan ug usa ka tawo nga ginganlan og Shiz ang nangulo sa uban.
Si Coriantumr ug Shiz pareho nga dautan nga mga lalaki. Ang Espiritu mibiya sa mga Jaredite tungod sa ilang kadautan. Si Satanas adunay hingpit nga gahum ibabaw kanila.
Ang mga Jaredite nakig-away hangtud nga sa Coriantumr ug Shiz na lamang ang nahabilin. Sa diha nga si Shiz gikuyapan tungod sa pagkawala sa daghan kaayong dugo, si Coriantumr mipunggot sa iyang ulo.
Ang panagna ni Ether natinuod: si Coriantumr mao ang katapusang Jaredite nga buhi. Siya nakit-an sa mga katawhan sa Zarahemla.
Si Ether nakahuman pagsulat sa kasaysayan sa mga Jaredite. Sila gilaglag tungod sa ilang pagkadautan. Ang mga talaan sa mga Jaredite sa wala madugay nakaplagan sa mga Nephite.