Kapitulo 26
Ang mga Katawhan ni Ammon
Kadtong mga Lamanite kinsa mipasakop sa Simbahan mitawag sa ilang mga kaugalingon og Anti-Nephi-Lehi, o ang mga katawhan ni Ammon. Sila mga maayo, kugihan nga mga tawo.
Ang mga Lamanite kinsa wala naghinulsol nasuko ngadto sa mga katawhan ni Ammon ug nangandam aron sa pagpakig-away kanila.
Ang mga katawhan ni Ammon nasayud nga ang dautan nga mga Lamanite moabot aron sa pagpatay kanila apan mihukom sa dili pagpanimalos. Sila naghinulsol sa pagpamatay.
Sila milubong sa ilang mga hinagiban og lalum diha sa yuta. Ug misaad sa Dios nga sila dili na gayud mopatay pag-usab.
Sa diha nga ang dautan nga mga Lamanite miabut ug misugod sa pagpamatay kanila, sila miduko sa yuta ug nag-ampo.
Sa pagtan-aw nga ang mga katawhan ni Aaron dili mosukol, daghan sa dautan nga mga Lamanite mihunong sa pagpamatay kanila.
Ang mga Lamanite nasubo nga sila nakapatay. Sila milabay sa ilang mga hinagiban ug mipasakop sa mga katawhan ni Ammon. Sila dili na gayud makig-away.
Daghang mga Lamanite miabot aron sa pagpatay sa mga katawhan ni Ammon. Sila sa gihapon wala mosukol, ug daghan ang nangamatay.
Dili buot nga ang mga tawo nga iyang gihigugma malaglag, si Ammon nag-ampo alang sa panabang. Ang Ginoo misulti kaniya sa pagdala sa iyang mga tawo ug sa pagbiya sa yuta.
Ang mga Nephite sa Zarahemla mihatag ni Ammon ug sa iyang mga tawo sa yuta sa Jershon ug mipanalipod kanila. Sila mahimong mga managhigala.