Kapitulo 12
Si Haring Benjamin
Si Haring Benjamin maoy usa ka matarung nga hari nga Nephite. Uban sa panabang sa uban matarung nga mga lalaki, siya midala og kalinaw diha sa yuta.
Si Haring Benjamin natigulang ug buot makigsulti sa iyang mga katawhan. Siya kinahanglang mosulti kanila nga ang iyang anak nga lalaki nga si Mosiah mao ang sunod nga hari.
Ang mga katawhan miabut gikan sa tanang kayutaan ug mipundok duol sa templo. Sila mibutang sa ilang mga tolda nga mga pultahan nag-atubang sa templo.
Si Haring Benjamin misulti gikan sa usa ka tore aron ang mga Nephite makadungog kaniya.
Siya misulti sa iyang mga katawhan nga siya maninguha pag-ayo sa pag-alagad kanila. Siya miingon nga ang paagi sa pag-alagad sa Dios mao ang pag-alagad sa usag usa.
Si Haring Benjamin misulti sa mga katawhan sa pagsunod sa mga kasugoan sa Diyos. Kinsa kadtong matinud-anon nga mosunod sa mga kasugoan magmalipayon ug sa umabot nga adlaw mopuyo uban sa Dios.
Si Haring Benjamin miingon nga si Jesukristo sa dili madugay matawo na dinhi sa kalibutan. Ang ngalan sa iyang inahan mao so Maria.
Si Jesus mohimo og mga milagro. Siya moayo sa masakiton og mopabuhi pagbalik sa namatay. Siya mahimo sa buta nga makakita ug ang bungol makadungog.
Si Jesus mag-antos ug mamatay alang sa mga sala sa tanang mga katawhan. Kinsa kadtong maghinulsol ug magbaton sa hugot nga pagtuo diha ni Jesus pasayloon sa ilang mga sala.
Si Haring Benjamin misulti sa mga Nephite nga ang daotang mga tawo molatus ni Jesus. Unya sila molansang kaniya.
Human sa tulo ka mga adlaw si Jesus mabanhaw.
Human si Haring Benjamin misulti, ang mga Nephite mihapa sa yuta. Sila nasubo sa ilang mga sala ug buot maghinulsol.
Ang mgakatawhan adunay hugot nga pagtuo ni Jesukristo, ug sila nag-ampo aron mapasaylo.
Ang Espiritu Santo mipuno sa ilang mga kasingkasing. Sila nakahibalo nga ang Dios mipasaylo kanila ug nga siya nahigugma kanila. Sila mibati og kalinaw ug kalipay.
Si Haring Benjamin misulti sa iyang mga katawhan sa pagtuo diha sa Dios. Siya buot nga sila masayud nga ang Dios maoy naglalang sa tanang mga butang ug nga siya maalamon ug makagagahum.
Si Haring Benjamin misulti sa mga katawhan nga magmapahiubsanon ug mag-ampo matag adlaw. Siya buot nga ang iyang mga katawhan sa kanunay mahinumdom sa Dios ug magmatinud-anon.
Siya misulti sa mga ginikanan nga dili tugotan ang ilang mga anak mag-away o maglalis.
Siya misulti sa pagtudlo sa ilang mga anak sa pakamatinihuron ug sa paghigugma ug sa pag-alagad sa usag usa.
Siya miahimangno sa mga katawhan sa pagbantay diha sa ilang gihunahuna, gisulti, ug gibuhat. Sila kinahanglang magmatinud-anon ug maghupot sa mga kasugoan sa tibuok nilang mga kinabuhi.
Si Haring Benjamin nangutana sa mga katawhan kon sila mituo ba sa iyang mga pagtulon-an. Silang tanan miingon nga sila mituo. Ang Espiritu Santo miusab kanila, ug sila dili na buot magpakasala.
Silang tanan nakigsabut, o misaad, sa pagsunod sa mga kasugoan sa Dios. Si Haring Benjamin nahimuot.
Si Haring Benjamin mihatag sa iyang anak nga lalaking si Mosiah sa katungod nga mahimong bag-o ng hari. Tulo ka mga tuig ang milabay si Haring Benjamin namatay.
Si Mosiah usa ka matarong nga hari. Siya mitrabaho pag-ayo ug mialagad sa iyang mga katawhan sama sa iyang amahan.