Kapitulo 1
Giunsa Nato Pagkuha ang Basahon ni Mormon
Usa ka adlaw niana si Joseph mibasa sa Santiago 1:5 diha sa Biblia: “Kon kinsa kaninyo nagkulang sa kaalam, papangutana siya sa Dios.” Si Joseph nagkinahanglan nga mahibalo hain and tinuod nga simbahan busa siya mabuuton sa pagpangutana sa Dios.
Sa usa ka tingpamulak nga buntag si Joseph miadto sa mga kakahuyan duol sa iyang pinuy-anan aron mag-ampo.
Samtang siya miluhod ug misugod sa pag-ampo, si Satanas misulay sa pagsanta kaniya. Si Joseph mi-ampo pag-ayo, nangayo og panabang sa Langitong Amahan.
Ang Langitong Amahan ug si Jesukristo mipakita ngadto ni Joseph dinha sa usa ka gilis sa kahayag. Ang Langitong Amahan mitudlo ngadto ni Jesus ug miingon: “Mao kini ang Akong Pinangga nga Anak. Paminawa Siya!”
Si Joseph nangutana kon hain nga simbahan siya kinahanglan nga mopasakop. Si Jesus misulti kaniya sa dili pag-pasakop sa bisan hian kanila tungod kay silang tanan pulos sayop.
Sa diha nga si Joseph misulti ngadto sa pipila ka mga tawo unsa ang iyang nakita ug nadungog, sila mikatawa ngadto kaniya. Ang mga pangulo sa daghan nga lokal nga mga simbahan milutos kaniya.
Tulo ka mga tuig mga milabay. Usa ka gabii si Joseph nag-ampo aron mapasaylo ang iyang mga sala ug aron makahibalo kon unsa ang iyang kinahanglan nga buhaton.
Usa ka anghel nga ginganlan og Moroni mipakita ug misulti ni Joseph mahitungod sa usa ka basahon nga gisulat diha sa bulawan nga mga palid. Si Joseph maoy muhubad niini nga mga palid ngadto sa Ingles.
Human si Mormon mibiya, si Joseph naghunahuna mahitungod sa gisulti ni Moroni kaniya. Si Moroni mibalik sa makaduha pa ka mga higayon niana nga gabhiona.
Sa sunod adlaw si Joseph miadto sa ibabaw sa Bungtod Cumorah, diin iyang nakita sa usa ka panan-awon. Didto siya nakakita og usa ka dako nga bato. Siya miukal sa bato pinaagi sa usa ka sanga.
Ilalum sa bato mao ang usa ka bato nga kahon. Samtang si Joseph mitan-aw sa sulod sa kahon, iyang nakita ang bulawan nga mga palid.
Si Moroni mipakita ug misulti kang Joseph sa dili pagkuha sa mga palid apan sa pagbalik sa sama nga adlaw matag tuig sulod sa upat ka mga tuig. Sa matag higayon si Joseph miadto, si Moroni nagtudlo kaniya.
Human sa upat ka mga tuig si Joseph sa katapusan gitugutan sa pagkuha sa bulawan nga mga palid. Siya migamit sa Urim ug Thummim aron sa paghubad sa pipila kanila.
Ang mga manunulat mitabang kang Joseph pinaagi sa pagsulat sa mga pulong samtang siya mihubad kanila gikan sa bulawan nga mga palid.
Si Joseph Smith midala sa gihubad nga mga pulong ngadto sa usa ka tig-imprinta ug mipabuhat kanila ngadto sa usa ka basahon.
Kasaysayan sa Simbahan 1:71
Ang basahon gitawag og ang Basahon ni Mormon. Kini nagsaysay mahitungod sa mga tawo kinsa nagpuyo sa Amerika sa daghan na nga katuigan. Kini usab nagsaysay mahitungod ni Jesukristo, ang anak sa Dios.