Kapitulo 33
Mga Tawo nga Maki-Hari batok sa mga Tawo nga Gawasnon
Sa diha nga si Pahoran midumili, ang mga katawhan nasuko ug buot tangtangon si Pahoran isip labaw nga maghuhukom. Sila buot nga makabaton ug usa ka hari, dili mga maghuhukom.
Gitawag og mga tawo nga maki-hari, sila naglaum nga ang usa kanila mahimong hari ug adunay gahum ibabaw sa mga katawhan.
Ang mga Nephite nga buot mopabilin si Pahoran isip labaw nga maghuhukom gitawag og mga tawo nga gawasnon. Sila buot nga gawasnon sa pagpuyo ug sa pagsimba ingon sa ilang kagustohan.
Ang mga katawhan mipili tali sa mga tawo nga gawasnon ug sa mga tawo nga maki-hari. Kadaghanan kanila mipili alang sa mga tawo nga gawasnon.
Sa sama nga higayon, si Amalickiah nagpundok ug usa ka dako nga mga sundalo sa mga Lamanite aron sa pagsulong sa mga Nephite.
Sa diha nga ang mga tawo nga maki-hari nakadungog nga ang mga Lamanite umaabot, sila nahimot ug midumili sa pagtabang sa pagpanalipod sa ilang nasud.
Si kapitan Moroni nasuko sa mga tawo nga maki-hari tungod kay dili makig-away. Siya naningkamot pag-ayo magpabilin ang mga Nephite nga gawasnon.
Siya mihangyo sa gobernador alang sa gahum sa paghimo sa mga tawo nga maki-hari sa bisanhain pagpakig-away sa mga Lamanite o ipapatay.
Sa diha nga ang gobernador nga si Pahoran, mihatag kang Moroni niini nga gahum, si Moroni nangulo sa iyang mga sundalo batok sa mga tawo nga maki-hari.
Daghan sa mga tawo nga maki-hari ang napatay; ang pipila gibalhug sulod sa bilanggoan. Ang nahabilin miuyon sa pagtabang sa pagpanalipod sa ilang nasud batok sa mga Lamanite.