1 Nokwar, dɛm na Ewuradze kã dze kyerɛ hom a hom yɛ mo nkowaa, ^aabɛbusɛm a ɔfa ewifua na nworahaban ho no:

2 Hwɛ, nokwar, mese dɛ, kwã no nye wiadze, na asomafo no nye hɔn a worudua aba no;

3 Na ber a wɔdedae no, asɔr no ne ɔtseetseefo kɛse no, otuatsewnyi no, edwamambɔnyi no, ^aBabylon mpo a ɔma aman nyina nom no kuraba ano no, nyia n’akoma mu na ɔtamfo no, Satan no tse mu dzi hen wɔ no—hwɛ, ɔno na odua nworahaban no; dɛm ntsi, nworahaban no mia ewifua no na ɔpam ^basɔr no kɔ sar no do.

4 Na hwɛ, ^anda a odzi ekyir no, seseiara mpo a Ewuradze rehyɛ ase dze n’asɛm no aba yi, na ewifua n’ahaban ahyɛ ase rupuepue na ɔda ho yɛ afɔr—

5 Hwɛ, nokwar, mese hom dɛ, adzekyee na adzesaa nyina ^aabɔfo a wɔayɛ krado rotweɔn Ewuradze ma wɔaasoma hɔn ma ^bwoeebotwa kwã no egu famu;

6 Mbom Ewuradze se hɔn dɛ, mma wonntutu nworahaban no wɔ ber a ewifua no nnyinii no (osiandɛ nokwar, hom gyedzi yɛ mberɛw) bɛyɛ na hom asɛɛ ewifua no so.

7 Dɛm ntsi, hom mma ewifua na nworahaban no nyina nnyin nkesi twaber no; na twaber no na hom bedzi kan aboaboa ewifua no ano efi nworahaban no mu, na sɛ hom wie a, hwɛ, hom bɛkyekyer nworahaban no efiefi na wɔahyew no.

8 Dɛm ntsi, dza Ewuradze kã kyerɛ hom a ^aasɔfodzi no hyɛɛ ase fii hom egyanom do dze ebesi hom do no—

9 Na hom nye mbra mu ^aadzedzifo ankasa wɔ honam afamu, na wɔdze hom akã Christ ho wɔ Nyame mu ^behuntsa wiadze—

10 Dɛm ntsi, hom nkwa na asɔfodzi no etsim, na ɔsɛ dɛ odua hom nye ebusuasantsen do tsim kɛpem dɛ wɔdze ndzɛmba nyinara ne ^ansanananmu, dɛ mbrɛ a nkɔnhyɛfo ahotseweefo dze hɔn ano kãe fitsi wiadze ahyɛse no.

11 Dɛm ntsi, sɛ hom kɔ do wɔ me papayɛ mu, na hom yɛ ^akan ma Amanamamfo, na hom nam asɔfodzi yi do, hom yɛ agyenkwa bi ma me nkorɔfo ^bIsraelfo a, nhyira akã hom. Ewuradze na ɔse. Amen.