Ɔfã 131
Nkyerɛkyerɛ a Joseph Smith Nkɔnhyɛnyi no dze mae, wɔ Ramus, Illinois, Esusow Aketseaba 16 na 17, 1843.
1–4, Celestial awar ho hia ma nkwagye ntowdo a ɔwɔ ɔsorsor no; 5–6, Wɔkyerɛkyerɛ mbrɛ wosi sɔw nyimpa ano ma onnyiewiei nkwa mu; 7–8, Sunsum nyina yɛ abɔdze-dze.
1 Sor ahorow ebiasa anaadɛ ntwerba ebiasa na ɔwɔ acelestial enyimnyam mu,
2 Sɛ nyimpa pɛ dɛ onya dza aɔkrɔn koraa no a, ɔsɛ dɛ ɔkɛhɛn dɛm asɔfodzi nhyehyɛɛ yi mu [mekyerɛ awar bna ahyɛmudzi fofor a ɔwɔ hɔ daapem no].
3 Na sɛ ɔannyɛ dɛm a, onnkotum enya.
4 Obotum ahɛn fofor mu, mbom ɔno bɛyɛ n’ahendzi n’ewiei, na onnkotum enya ampontu biara.
5 (Esusow Aketseaba 17, 1843.) aNkɔnhyɛ asɛm a osi pi mbordo nye ber a nyimpa bohu dɛ wɔnam nyikyerɛ na nkɔnhyɛ sunsum do basɔw no ano dze ama connyiewiei nkwa wɔ Asɔfodzi Krɔnkrɔn no tum no mu.
6 Wonnkotum aagye nyimpa nkwa wɔ no bkotooyɛ mu.
7 Abɔdze-dze biara nnyi hɔ a ɔnnyɛ hwee. aSunsum nyinara yɛ abɔdze-dze, mbom ɔyɛ mehemehe anaadɛ ɔtsew, gyedɛ benyi a ho tsew nko na oeetum ehu;
8 Yennkotum ehu no, na mbom ber a wɔbɛtsew hɛn nyimpadua ho no, yebohu dɛ adze nyina yɛ abɔdze-dze.