1 Ma ugbua, ụmụnne m ndị m hụrụ n’anya, a gụwo m ihe nile ndị a ka unu wee mata ihe gbasara ^aọgbụgba-ndụ nile nke Onye-nwe nke o gbaworo ya na ụlọ nile nke Israel—

2 Na ọ gwawo ndị Juu okwu, site n’ọnụ nke ndị-amụma ya nile dị nsọ, ọbụna site na mmalite gbada, site n’ọgbọ ruo n’ọgbọ, wee ruo mgbe oge ruru na a ga ^aeweghachi ha nye nzukọ-nsọ nke ezi-okwu ahụ na otu nke Chineke; Mgbe a ^bga-achịkọta ha baa n’ụlọ ^cn’ala nile nke nketa ha, ma a ga-ehiwe ha n’ala ha nile e kwere na nkwa.

3 Lee, ụmụnne m nwoke ndị m hụrụ n’anya, a na m agwa unu ihe ndị a ka unu wee n̄ụrịa ọn̄ụ, ma ^awelie isi unu ruo mgbe nile, n’ihi na ngọzi nile nke Onye-nwe Chineke ka a ga-awụkwasị ụmụ unu.

4 N’ihi na a ma m na unu achọwo nnukwu, ọtụtụ n’ime unu, ịmata maka ihe ndị ga-abịa abia; ya mere a ma m na unu matara na anụ arụ anyị ga-ala-n’iyi ma nwụọ; otu o sila dị, ^an’arụ anyị nile, anyị ga-ahụ Chineke.

5 E, a ma m na unu matara na n’arụ ọ ga-egosị onwe ya nye ndị nọ na Jerusalem, bụ ebe anyị siri bịa; n’ihi na ọ dị mkpa na ọ ga-abụ otu n’ime ha; n’ihi na ọ baara nnukwu ^aOnye-okike uru na o kwenyere n’onwe ya ka ọ ghọọ onye mmadụ ga-edu n’anụ arụ, ma nwụọ n’ihi ^bnmadụ nile, ka mmadụ nile wee nọrọ n’okpuru ya.

6 N’ihi na dịka ọnwụ gafetaworo mmadụ nile, i ji mejupụta ^aatụmatụ obi ebere nke nnukwu Onye-okike ahụ, o kwesịrị na a ga-enwe ikike nke ^bmbilite n’ọnwụ, ma mbilite n’ọnwụ kwesịrị ịbịakwasị mmadụ n’ihi ^cọdịda ahụ; ma ọdịda ahụ bịara n’ihi njehie; ma n’ihi na mmadụ aghọwo onye dara ada, ^debepụrụ ha site n’ebe Onye-nwe nọ.

7 Ya mere, o kwesịrị ka ọ bụrụ ^aaja mgbaghara mmehie ^bna-enweghị oke—-ma ọbụghị na ọ ga-abụ aja mgbaghara mmehie enweghị oke ire ure a enweghị ike iyịkwasị ereghị-ure. Ya mere, ^cikpe mbụ nke bịakwasịrị mmadụ kwesịrị ka ọ ^ddịgide ruo oge agwụgh-agwụ. Ma o bụrụ otu a, anụ arụ a kwesịrị idebe n’ala ka o ree ure na ka ọ tụrịsịa n’ime nne ya bụ ala, ka ọ ghara ibilite ọzọ.

8 O ^aamamihe nke Chineke, ^bobi ebere na ^camara ya! N’ihi na lee, ọbụrụ na ^danụ arụ agaghị ebilite ọzọ, mụọ anyị ga-anọzi n’okpuru mụọ-ozi ahụ onye si n’ebe Chineke ebighi-ebi ahụ nọ ^edapụ, ma ghọọ ^fekwensu, nke na-agaghị ebilite ọzọ.

9 Ma mụọ anyị nile ga-adịworịị ka ya, ma anyị aghọọ ekwensu nile, ^andị mụọ-ozi nke ekwensu, ndị a ^bga-emechibido ụzọ site n’ebe Chineke anyị nọ, na ịnọgide ha na nna nke ^cokwu ụgha nile, n’ọnọdụ nhujụ anya, dịka ya na onwe ya, e, onye ahụ nke ^dghọgburu nne na nna anyị mbụ, nke ^emegharịworo onwe ya ruo ịbụ ^fmụọ-ozi nke ìhè, ma na-akpasu ụmụ nke mmadụ n’ime ^gntụgwa nzuzo nile nke igbu mmadụ na ụdị ọrụ nzuzo nile nke ọchịchịrị.

10 O lee otu nnukwu ịdị mma nke Chineke anyị dị, onye-na-akwadoro anyị ụzọ maka mgbalaga site na njidesi ike nke ajọọ anụ ahụ di egwụ; e, ajọọ anụ ahụ, ^aọnwụ na ^bala mụọ, nke m na-akpọ ọnwụ nke arụ, na kwa ọnwụ nke mụọ.

11 Ma n’ihi ^aụzọ-nnapụta nke Chineke anyị, Onye-Nsọ nke Israel, ^bọnwụ a nke m kwuworo maka ya, bụ nke arụ, ga-ewepụta ndị ya nwụrụ anwụ; ọnwụ nke ahụ bụ ili.

12 Ma ^aọnwụ a nke m kwuworo maka ya, nke bụ ọnwụ nke mụọ, ga-ewepụta ndị ya nwụrụ anwụ; nke ọnwụ nke mụọ ya bụ ala mụọ; ya mere, ọnwụ na ^bala mụọ ga-ewepụtarịrị ndị ha nwụrụ anwụ, ma ala mụọ ga-ewepụtarịrị mụọ ndị ọ dọkpụụrụ n’agha, ma ili ga-ewepụtarịrị arụ ndị ọ dọkpụụrụ n’agha, ma arụ ndị a na ^cmụọ ndị a nke ụmụ mmadụ ka a ga ^deweghachi otu na ibe ya; ma ọ bụ site n’ike nke mbilite n’ọnwụ nke Onye-Nsọ nke Israel.

13 O lee ka nnukwu ^aatụmatụ ya ha, nke Chineke anyị! N’ihi na n’aka nke ọzọ, ^bparadaịs nke Chineke ga-ewepụtarịrị mụọ nile nke ndị ezi-omume, ma ili ahụ ewepụta arụ nke ndị ezi-omume; ma mụọ ahụ na arụ ahụ ka a ^cga-eweghachi kwara onwe ya ọzọ, ma mmadụ nile ga-aghọ ndị na-agaghị ere ure, na ^dagaghị-anwụ anwụ, ma ha bụ mkpụrụ-obi dị ndụ, nwere ^eọmụma-ihe ^fzuru oke dịka anyị n’ime anụ arụ, ma ọbụghị na amamihe anyị ga-ezu oke.

14 Ya mere, anyị ga-enwe ^aamamihe zuru oke maka ^bikpe-ọmụma nke anyị, na adịghị ọcha anyị, na ^cịgba-ọtọ anyị, ma ^dndị ezi-omume ga-enwe amamihe zuru oke maka inwe ọn̄ụ ha, na ezi-omume ha, ebe ^eeyịkwasịrị ha ^fenweghị ntụpọ dịka uwe, e, ọbụna i ji ^guwe-mwụda nke ezi-omume.

15 Ma ọ ga-eru na mgbe mmadụ nile ga-agafeworiị ọnwụ nke mbụ a baa na ndụ, ebe ọ bụ na ha a ghọwo ndị na-anaghị anwụ-anwụ, ha ga-apụta n’iru ^aoche-ikpe nke Onye-Nsọ nke Israel; ma mgbe ahụ ka ^bikpe ga-abịa, ma mgbe ahụ ka a ga-ekperịrị ha ikpe dịka usoro nke ikpe dị nsọ nke Chineke siri dị.

16 Ma dịka o siri bụrụ ezi-okwu, na Onye-nwe na-adị ndụ, n’ihi na Onye-nwe Chineke ekwuwo ya, ma ọ bụ ^aokwu ebighi-ebi ya, nke na-agaghị ^bagabiga, na ndị nile bụ ndị ezi-omume ga-abụ kwa ndị ezi-omume, ma ndị ruru inyi ga-abụ kwa ndị ^cruru inyi; ya mere, ndị ahụ ^druru inyi bụ ^eekwensu na ndị mụọ-ozi ya; ma ha ga-apụ baa n’ime ^fọkụ mgbe nile na-adigide; a kwadobere ha; na ahụhụ ha ga-adị ka ^gọdọ ọkụ na nkume ọkụ, nke ire ọkụ ya na-arigoro n’elu ruo mgbe nile na mgbe nile na-enweghị ọgwụgwụ.

17 O ịdị ukwuu na ^aikpe-zịrị-ezi nke Chineke anyị! N’ihi na o na-emezu okwu ya nile, ma ha apụtawo site n’ọnụ ya, ma iwu ya ka a ga-emezurịrị.

18 Ma, lee, ndị ezi-omume, ^andị-nsọ nke Onye-Nsọ nke Israel, ndị kwenyeworo n’Onye-Nsọ nke Israel, ndị nagideworo ^bobe nile nke ụwa, ma lelịa ihere dị ya, ha ^cga eketa ^dala-eze nke Chineke, nke a kwadobere maka ha ^esite na ntọ-ala nke ụwa, ma ọn̄ụ ha ga eju eju ^fruo mgbe nile.

19 O ịdị ukwuu nke obi ebere nke Chineke, Onye-Nsọ nke Israel! N’ihi na O na-^aanapụta ndị nsọ ya site n’aka ajọọ ^banụ ahụ dị egwụ bụ ekwensu, na ọnwụ, ^cna ala mụọ, na ọdọ ọkụ ahụ na nkume ọkụ, nke bụ ahụhụ agwụgh-agwụ.

20 O lee ka nnukwu ^aịdị nsọ nke Chineke anyị ha! N’ihi na ọ ^bmazuru ihe nile, ma ọdịghị ihe ọbụla ma ọbụghị na ọ matara ya.

21 Ma ọ bịaworo n’ime ụwa ka o wee ^azọpụta mmadụ nile ma ọbụrụ na ha ga an̄a nti n’olu ya; n’ihi na lee, o na-ata ahụhụ ^bmgbu nke mmadụ nile, e, mgbu nke ihe nile ekere eke dị ndụ, ma ndị nwoke, ndị nwanyị, na ụmụ-ntakịrị, bụ ndị ezi na ụlọ ^cAdam.

22 Ma ọ na-ata ahụhụ a ka mbilite n’ọnwụ ruo mmadụ nile, ka ha nile wee guzoro n’iru ya na nnukwu ụbọchị ikpe ahụ.

23 Ma o nyere mmadụ nile iwu na ha garịrị ^aechegharị, ma ^bmee baptism n’aha ya, nwere okwukwe zuru-oke n’Onye-Nsọ nke Israel, ma-ọbụ agaghị azọpụta ha n’ala-eze Chineke.

24 Ma ọbụrụ na ha agaghị echegharị ma kwere ^an’aha ya, ma mee baptism n’aha ya, ma ^bnọgide ruo ọgwụgwụ, a ga ^cama ha ikpe; n’ihi na Onye-nwe Chineke, Onye-Nsọ nke Israel, ekwuwo ya.

25 Ya mere, o nyewo ^aiwu; ma ebe ana-enweghị ^biwu e nyere, e nweghị ntaram-ahụhụ, ma ebe ana-enweghị ntaram-ahụhụ e nweghị amam-ikpe; ma ebe ana-enweghị amam-ikpe, ebere nile nke Onye-Nsọ nke Israel na-agbapụta ha, n’ihi aja mgbaghara mmehie ahụ; n’ihi na a na-anapụta ha site n’ike nke ya.

26 N’ihi na ^aaja mgbaghara mmehie ahụ kwụzuru ụgwọ nke ^bikpe ya ziri-ezi n’arụ ndị nile ^cna-enweghị ^diwu enyere ha, na a na-anapụta ha n’aka ajọọ anụ ahụ dị egwụ, ọnwụ na ala mụọ na ekwensu na ọdọ ọkụ na nkume ọkụ, nke bụ ahụhụ agwụgh-agwụ; ma akpọghachị ha nye Chineke ahụ onye nyere ha ^eume-okuku, nke bụ Onye-Nsọ nke Israel.

27 Ma ahụhụ na-adịrị ya bụ onye nwere ^aiwu e nyere, e, nke nwere iwu-nsọ nile nke Chineke, dịka anyị, ma bụrụ onye na-ejehie ha, na onye na-ala ụbọchị nile nke mnwale ya n’iyi, n’ihi na egwu ka ọnọdụ ya dị!

28 O ^aatụmatụ aghụghọ nke ajọọ-onye ahụ! O ^babaghị uru, na esịghị-ike nile, na nzuzu nile nke ụmụ mmadụ! Mgbe ha ^cmụtaworo akwụkwọ ha na-eche na ha ^dma ihe, ma ha anaghị an̄a ntị na ^endụmọdụ nke Chineke, n’ihi na ha na ewezuga ya n’akụkụ, na-eche na ha ma nke onwe ha, ya mere, amamihe ha bụ nzuzu ma ọ gaghị abara ha uru. Ma ha ga-ala-n’iyi.

29 Mana ịmụta akwụkwọ dị mma ma ọbụrụ na ha ^an̄aa ntị na ^bndụmọdụ nile nke Chineke.

30 Mana ahụhụ na-adịrị ^aọgaranya, ndị bara ụba n’ihe nile nke ụwa. N’ihi na maka na ha bụ ọgaranya ha na-eleda ^bndị ogbenye anya, ma ha na-esogbu ndị dị umeala n’obi, ma obi ha nile dị n’ebe akụ ha dị; ya mere, akụ ha bụ chi ha. Ma lee, akụ ha ga-esokwa ha laa n’iyi.

31 Ma ahụhụ na-adịrị ndị ntị-ike ndị na-agaghị ^aanụ ihe; n’ihi na ha ga-ala-n’iyi.

32 Ahụhụ na-adịrị ndị-ìsì na-agaghị ahụ ụzọ; n’ihi na ha ga-ala kwa n’iyi.

33 Ahụhụ na-adịrị ndị na-ebịghị ụgwụ n’obi, n’ihi na mmata nke ajọọ-omume ha ga-emekpa ha arụ n’ụbọchị ikpe-azụ ahụ.

34 Ahụhụ na-adịrị ^aonye okwu ụgha, n’ihi na a ga-atụba ya ^bn’ala mụọ.

35 Ahụhụ na-adịrị onye ogbu-mmadụ nke na-akpachapụ anya ^ana-egbu, n’ihi na ọ ^bga-anwụ.

36 Ahụhụ na-adịrị ndị ^ana-agba akwụna, n’ihi na a ga-atụba ha n’ala mụọ.

37 E, ahụhụ na-adịrị ndị ^ana-efe arụsị apịrị-apị, n’ihi na ekwensu nke ekwensu nile nwere mmasị n’ebe ha nọ.

38 Ma, na nke-nke, ahụhụ na-adịrị ndị nile na-anwụ n’ime mmehie ha; n’ihi na ha ^aga-alaghachịkwute Chineke, ma lee iru ya, ma nọgide n’ime mmehie ha nile.

39 O, ụmụnne m nwoke ndị m hụrụ n’anya, cheta ịdị egwụ dị n’ime ijehie megide Chineke ahụ dị nsọ, na kwa ịdị egwụ nke ikwenye na ndufu nile nke ^aonye-aghụghọ ahụ. Cheta, na itinye-uche ^bn’ihe nke ụwa bụ ^cọnwụ, ma itinye-uche n’ihe nke mụọ bụ ^dndụ ^eebighi-ebi.

40 O, ụmụnne m nwoke m hụrụ n’anya, nye ntị n’okwu m nile. Cheta ịdị ukwuu nke Onye-Nsọ nke Israel. Unu asịkwala na mụ ekwuwo ihe siri ike megide unu; n’ihi na ọbụrụ na unu emee nke a, unu ga-emegide ^aezi-okwu; n’ihi na ekwuwo m okwu nke Onye meworo unu. A ma m na ezi-okwu ^bna-esi ike megide adịghị-ọcha nile: ma na ndị ezi-omume anaghị atụ ha egwu, n’ihi na ha hụrụ ezi-okwu n’anya ma ọ naghị atụgharị ha.

41 O mgbe ahụ, ụmụnne m nwoke ndị m hụrụ n’anya, ^abịakwute nụ Onye-nwe, Onye-Nsọ ahụ. Cheta na ụzọ ya nile bụ ezi-omume. Lee, ^bụzọ nke mmadụ dị ^cmkpafa, ma na ọ tọgbọrọ n’okporo ụzọ guzoro kwe m n’iru ya, ma onye nche nke ^dọnụ-ụzọ ama ahụ bụ Onye-Nsọ nke Israel; ma ọ naghị enye oru ọbụla ọrụ n’ebe ahụ; ma ọdịghị ụzọ ọzọ ma ọbụghị site n’ọnụ ụzọ ahụ; n’ihi na e nweghị ike ịghọgbu ya, n’ihi na Onye-nwe Chineke bụ aha Ya.

42 Ma onye-ọbụla kụrụ-aka, ọ bụ ya ka ọ ga-emeghere; ma ^aonye amamihe, na onye nwere mmụta, na ndị bara ọgaranya, ndị ^bna-afuli-elu n’ihi ọmụmụ ihe ha, na amamihe ha, na akụ na ụba ha—e, ha bụ ndị ọ na-akpọ asị; ma, ma ọbụghị na ha ga atufu ihe ndị a, ma were onwe ha ka ^cndị nzuzu n’iru Chineke, ma wedata onwe ha n’ime omimi nile nke ^dobi umeala, ọ gaghị emeghere ha ụzọ.

43 Ma na ihe nile nke ndị amamihe na ndị na-akpachapụ anya ka a ^aga-ezonarị ha ruo mgbe nile—e, an̄ụrị ahụ nke akwadobere ndị nsọ nile.

44 O, ụmụnne m nwoke m hụrụ n’anya, cheta okwu m nile. Lee, eyipụwo m uwe m nile, ma ahụchasịwo m ha n’iru unu; A na m ekpe ka Chineke nke nzọpụta m na ọ ga-eji ^aanya ịchọta ihe nile ya lee m; ya mere, unu ga amata n’ụbọchị ikpe-azụ, mgbe a ga-ekpe mmadụ nile ikpe site n’ọrụ ha nile, na Chineke nke Israel gbara aka-ebe na m ^bhụchapụrụ ajọọ-omume unu site na mkpụrụ-obi m, ma na m guzoro n’ịdị ọcha n’iru ya, na ^cewezugawo m n’ọbara unu.

45 O, ụmụnne m nwoke ndị m hụrụ n’anya, tụgharịanụ site na mmehie unu nile; hụchapụ ^aụdọ-igwe nke onye ahụ ga-eke unu agbụ ọsọ-ọsọ; bịakwute Chineke ahụ nke bụ ^bnkume nke nzọpụta unu.

46 Kwadobe mkpụrụ-obi unu maka ụbọchị otuto ahụ mgbe a ga-ekpe ndị ezi-omume ^aikpe zịrị ezi, ọbụna ụbọchị ^bikpe, ka unu ghara ịmịpụ site n’ụjọ dị egwụ; ka unu ghara icheta ^cikpe-ọmụma ahụ dị egwụ n’izu-oke ya, ma bụrụ ndị a ga-akwagide iti-mkpu: Nsọ, nsọ ka ikpe gị nile dị, O Onye-nwe Chineke ^dPụrụ Ime Ihe nile—ma na a ma m ikpe-ọmụma m; E jehiere m iwu gị, ma njehie m nile bụ nke m; ma ekwensu enwetawo m, nke na a bụ m anụ ịkpa-nri nye nhuju anya dị egwụ nke ya.

47 Ma lee, ụmụnne m nwoke, ọ dị mkpa na m ga-emete unu ka unu hụ ezi-okwu dị egwu si n’ihe ndị a nile? A ga m ata mkpụrụ-obi unu ahụhụ ma ọbụrụ na obi unu dị ọcha? A ga m ekwupụtara unu ezi-okwu dịka nkwupụta ezi-okwu ma ọbụrụ na agbapụtara unu na mmehie?

48 Lee, ọbụrụ na unu dị nsọ a ga m agwa unu okwu maka ịdị nsọ; mana ebe ọbụ na unu a dịghị nsọ, ma unu na-elekwasị m anya dịka onye-nkuzi, ọ ga-adịrịrị mkpa na m ^aga-akụziri unu ihe ^bmmehie na-eweta.

49 Lee, mkpụrụ-obi m na-akpọ mmehie asị, ma obi m na-enwe an̄ụrị n’ime ezi-omume; ma a ga m ^aeto aha nsọ nke Chineke m.

50 Bịanụ, ụmụnne m nwoke, onye ọbụla nke akpịrị kpọrọ nkụ, bịanụ na ^ammiri nile ahụ; ma onye nke na-enweghị ^bego, bịa zụrụ ma rie; e, bịa zụrụ mmanya na mmiri-ara na-ejighi ego na na-enweghị ọnụ ahịa.

51 Ya mere, akwụla ego n’ihe nke na-enweghị ọnụ ahịa, ma-ọbụ ^aọrụ aka unu maka ihe na-enweghị ike inye afọ-ojuju. N̄aa m ntị nke ọma, ma cheta okwu nile nke m kwuworo; ma bịakwute Onye-Nsọ nke Israel, ma ^brie oriri n’elu ihe na-anaghị ala-n’iyi, na-abụghị ma ọ ga ere ure, ma ka mkpụrụ-obi unu nwe an̄ụrị n’ibu ibu.

52 Lee, ụmụnne m nwoke ndị m hụrụ n’anya, cheta okwu nile nke Chineke unu; na-ekpere ya mgbe nile n’ehihie, ma nye aha nsọ ya ^aekele n’abalị. Ka obi unu n̄ụrịa ọnụ.

53 Ma lee, ka ịdị ukwuu ^aọgbụgba-ndụ nile nke Onye-nwe ha, ma lee ka ịdị ukwuu mwedata-onwe-ala ya nile ha n’ebe ụmụ nke mmadụ nọ; ma n’ihi ịdị ukwuu ya, ma amara na ^bobi ebere ya, o kwewo anyị nkwa na mkpụrụ-afọ anyị agaghị abụ ihe ebibiri kpam kpam, dịka n’anụ arụ, mana, ya ga-edokwa ha; ma n’ọgbọ dị n’iru ha ga-aghọ ^cngalaba ezi-omume nye ụlọ nke Israel.

54 Ma ugbua, ụmụnne m nwoke, a ga m agwa unu okwu karịa; mana echi a ga m ekwupụtara unu okwu m nile fọdụrụ. Amen.