1 Mana, lee, ^an’ụbọchị ịkpe-azụ nile, ma-ọbụ n’ụbọchị nile nke ndị Jentaịlụ—e, lee mba nile nke ndị Jentaịlụ na kwa nke ndị Juu, ma ndị ga-abịa n’elu ala nke a, na ndị ga-anọ n’elu ala ndị ọzọ, e, ọbụna n’elu ala nile nke ụwa, lee, ha ga-an̄ụbiga ajọọ-omume na ihe arụ nile dị iche iche oke—

2 Ma mgbe ụbọchị ahụ ga-abịa, ha ga-enwe nleta nke Onye-nwe nke usuu nile nke ndị-agha, site na egbe-elu-igwe na site na ala ọma-jijiji, na site na nnukwu oke mkpọtụ, na site na ebili-mmiri, na site na oke ebili mmiri, na site na ^aire nke ọkụ nrepịa.

3 Ma ^amba nile ndị ^bna-alụ ọgụ megide Zaịọn, na ndị na-enye ya nnukwu nsogbu, ga-adị ka nrọ nke ọ́hụ̀ abalị; e, ọ ga-adịrị ha, ọbụna dịka onye agụụ na-agụ nke rọrọ nrọ ma lee, ọ ga-eri nri ma teta ma ọdịghị ihe dị na ime mkpuru obi ya; ma-ọbụ dịka onye akpịrị na-akpọ-nkụ nke rọrọ nrọ, ma lee ọ n̄ụrụ mmiri ma teta ma lee, ọ dara mba, ma agụụ na-agụ mkpụrụ-obi ya; e, ọbụna otu a ka igwe mmadụ ndị mba nile ga-adị bụ ndị na-alụ ọgụ megide ugwu Zaịọn.

4 N’ihi na lee, unu nile ndị na-eme ihe ọjọọ, nọdunu ebe unu nọ ma chee echiche, n’ihi na unu ga-eti mkpu akwa, ma kwaa akwa; e, unu ga-an̄ụra-anya ma ọbụghị site na mmanya, unu ga-abụ ndị na-azọjọgharị ụkwụ ma na ọbụghị n’ihi ihe ọn̄ụn̄ụ siri ike.

5 N’ihi na lee, Onye-nwe awụpụtaworo unu mụọ nke ụra dị omimi. N’ihi na lee, unu emechiwo anya unu nile, ma unu ajụwo ndị-amụma nile; na ndị ọchịchị unu nile, ma ndị ọhụ-ụzọ nile ka o kpuchiworo n’ihi ajọọ-omume unu.

6 Ma ọ ga-eru na Onye-nwe Chineke ^aga-ewepụtara unu okwu nile nke si n’otu ^bakwụkwọ, ma ha ga-abụ okwu nke ndị rahụwororịị ụra.

7 Ma lee a ga-arachị akwụkwọ ahụ ^aarachi; ma n’ime akwụkwọ ahụ ka a ga-enwe ^bmkpughe si n’ebe Chineke nọ bịa, site na mmalite nke ụwa ruo ^cn’ọgwugwu ya.

8 Ya mere, n’ihi ihe nile ndị ^aarachịrị arachi, ihe nile ndị arachịrị arachị ka ^bna-agaghị enye n’ụbọchị nke ajọọ-omume na ihe arụ nile nke ndị mmadụ. Ya mere akwụkwọ ahụ ka a ga-ezonarị ha.

9 Mana akwụkwọ ahụ ka a ga-enye ^aotu nwoke, ma ọ ga-enye okwu nile nke si n’akwụkwọ ahụ, nke bụ ọkwụ nile nke ndị rarụworọrịị ụra n’ime uzuzu, ma ọ ga-enye ^bonye ọzọ okwu ndị a nile;

10 Mana okwu nile ndị arachịrị arachị ka ọ na-agaghị enye, ọbụghị ma ọ ga-enye akwụkwọ ahụ. N’ihi na akwụkwọ ahụ ka a ga-arachị site n’ike nke Chineke, ma mkpughe ahụ nke arachịrị arachị ka a ga-edebe n’ime akwụkwọ ahụ wee ruo mgbe oge Onye-nwe na onwe ya zuru, na ha ga-apụta; n’ihi na lee, ha na-ekpughe ihe nile site na ntọ-ala nke ụwa ruo na nsọtụ ya.

11 Ma ụbọchị na-abịa na okwu nile nke akwụkwọ ahụ nke arachiworo ga-abụ ihe a ga-agụ n’elu-ụlọ nile; ma a ga-agụ ha site n’ike nke Kraịst; ma ihe nile ka a ^aga-ekpughere ụmụ nke mmadụ ndị biworọrịị n’etiti ụmụ nke mmadụ oge nile, na ndị ga-ebi oge nile, ọbụna wee ruo na nsọtụ nke ụwa.

12 Ya mere, n’ụbọchị ahụ mgbe a ga-enye nwoke ahụ m kwuworo maka ya akwụkwọ ahụ, a ga-ezo akwụkwọ ahụ site n’anya nke ụwa, ka anya onye ọbụla ghara ịhụ ya ma ọbụghị na ^andị-aka-ebe mmadụ ^batọ ga-ahụ ya, site n’ike nke Chineke, tinyere ya bụ onye a ga-enye akwụkwọ ahụ; ma ha ga-agba ama banyere ezi-okwu nke akwụkwọ ahụ na ihe ndị dị n’ime ya.

13 Ma onweghị onye ọzọ ga-ahụ ya anya, nanị ma-ọbụ ole na ole dịka ọchịchọ nke Chineke siri dị, ịgba ama banyere okwu ya nye ụmụ nke mmadụ; n’ihi na Onye-nwe Chineke ekwuwo na okwu nile nke ndị okwukwe ga-ekwu dịka o ^asitere na ndị nwụrụ anwụ.

14 Ya mere, Onye-nwe Chineke ga-aga n’iru iwepụta okwu nile nke akwụkwọ ahụ; na n’ọnụ ndị aka-ebe ole o chere dị ya mma ka ọ ga-ehiwe okwu ya; ma ahụhụ ga-adịrị ya bụ onye ^aga-ajụ okwu Chineke!

15 Mana lee, ọ ga-eru na Onye-nwe Chineke ga-agwa ya bụ onye ọ ga-enye akwụkwọ ahụ: Were okwu ndị a bụ ndị ana-arachighị-arachị ma nye ha onye ọzọ, ka o wee gosị ha onye nwere mmụta, na-asị: ^aGụọ nke a, a na m arịọ gị. Ma onye nwere mmụta ga-asị: Wetara m akwụkwọ ndị ahụ na aga m agụ ha.

16 Ma ugbua, n’ihi otuto nke ụwa na-inweta ^auru ka ha ga-ekwu nke a, ma ọbụghị maka otuto nke Chineke.

17 Ma nwoke ahụ ga-asị: Enweghị m ike iweta akwụkwọ ahụ, n’ihi na arachịrị ya arachi.

18 Mgbe ahụ ka onye-nwere mmụta ga-asi: Enweghị m ike ịgụ ya.

19 Ya mere ọ ga-eru, na Onye-nwe Chineke ga-enye kwa akwụkwọ ahụ ọzọ na okwu nile ndị dị n’ime ya n’aka onye ahụ na-enweghị mmụta; ma nwoke ahụ na-enweghị mmụta ga-asị: Enweghị m mmụta.

20 Mgbe ahụ ka Onye-nwe Chineke ga-asị ya: Ndị nwere mmụta agaghị agụ ha, n’ihi na ha ajụwo ha, ma e nwere m ike ịrụ ọrụ nke m; ya mere ị ga-enwe ike ịgụ okwu nile nke m ga-enye gị:

21 ^aEmetụkwala aka n’ihe ndị nile arachịrị arachi, n’ihi na a ga m ewepụta ha mgbe oge nke m zuru; n’ihi na a ga m egosị ụmụ nke mmadụ na e nwere m ike ịrụ ọrụ nke m.

22 Ya mere, mgbe ị gụworo okwu nile nke m nyeworo gị n’iwu, ma nweta ^andị aka-ebe nile nke m kweworo gị na nkwa, mgbe ahụ ka ị ga-arachị kwa akwụkwọ ahụ ọzọ, ma zoo kwara m ya, ka m wee dokwaa okwu ahụ nile nke ị na-aka-agụghị, ruo mgbe m ga-ahụ oge dabara adaba na amamihe nke m ikpughe ihe nile nye ụmụ nke mmadụ.

23 N’ihi na lee, a bụ m Chineke; ma a bụ m Chineke nke ^aọrụ ebube; ma a ga m egosị ụwa na a bụ m ^botu ihe ahụ ụnyahụ, taa, na ruo mgbe nile; ma anaghị m arụ ọrụ n’etiti ụmụ nke mmadụ ma ọbụghị ^cdịka okwukwe ha siri dị.

24 Ma ọzọ ọ ga-eru na Onye-nwe ga-asị onye ahụ ga-agụ okwu nile a ga-enye ya:

25 ^aN’ihi na ndị a na-abịakwute m nso site n’ọnụ ha, na site n’egbụgbere-ọnụ ha ka ha na ^basọpuru m, ma na ha ewepụwo obi ha nile ebe dị anya site n’ebe m nọ, ma egwu ha na-atụ m bụ ihe akụziri site ^cn’ozizi nke mmadụ.

26 Ya mere, a ga m a ga n’iru ịrụ ^aọrụ dị ịtụ n’anya n’etiti ndị a, e, ^bọrụ dị ịtụ n’anya na ihe iju anya, n’ihi na amamihe nke ndị ha maara ihe na ndị nwere mmụta ga-ala-n’iyi, ma nghọta nke ndị ha na-akpachapụ anya ka a ga-ezopu.

27 Ma ^aahụhụ na-adịrị ha bụ ndị na-achọsike izonarị Onye-nwe ndụmọdụ ha! Ma ọrụ ha nile bụ n’ọchịchịrị; ma ha na-asị: Onye na-ahụ anyị, ma onye na amata anyị? Ma ha na-asị kwa: N’ezie, ịtụgharị ihe nile isi n’ala ka a ga-ewere dịka ^bụrọ onye-ọkpụ-ite. Mana lee, a ga m egosị ha, ka Onye-nwe nke usuu nile nke ndị-agha kwuru, na a ma m ọrụ ha nile; N’ihi na, ọrụ, ọ ga-ekwu maka onye mere ya, ọbụghị ya mere m? Ma-ọbụ ihe atụrụ-atụ, ọ ga-ekwu maka onye tụrụ ya, o nweghị nghọta?

28 Mana lee, ka Onye-nwe nke usuu nile nke ndị-agha kwuru: A ga m egosị ụmụ nke mmadụ na-ọfọdụrụ nwa oge nta ka Lebanọn tụgharịa ghọọ ala na-amị mkpụrụ; ma ala ahụ na-amị mkpụrụ ka a ga-ewere dịka oke ọhịa.

29 ^aMa n’ụbọchị ahụ ka ndị ntị chiri ga-anụ okwu nile nke akwụkwọ ahụ, ma anya nile nke ndị kpụrụ-isi ga-ahụ ụzọ site n’enweghị ìhè nke ọma na site n’ọchịchịrị.

30 Ma ^andị dị nwayo ga-abawanye, ma ^bọn̄ụ ha ga-abụ n’ime Onye-nwe, ma ndị ogbenye n’etiti ụmụ mmadụ ga-an̄ụrị ọn̄ụ n’ime Onye-Nsọ nke Israel.

31 N’ihi dịka o siri wee anya na Onye-nwe na-adị ndụ, ha ga-ahụ na ^aonye-ahụ dị egwụ ka ewedatara n’ihe efu, ma onye ọkwa-emu ka a ga-erechapụ, ma ndị nile na-ele anya ajọọ-omume ka a ga-ebepụ;

32 Ma ndị na-eme ka mmadụ bụrụ ^aonye mmehie site n’otu okwu ọnụ, ma sie ọnya debere onye na-aba mba n’ọnụ ^bụzọ-ama, ma ^cdebe n’akụkụ onye ezi-omume n’ihi ihe efu.

33 Ya mere, otu a ka Onye-nwe kwuru, onye gbapụtara Abraham, gbasara ụlọ nke Jekọb: Jekọb agaghị abụ onye ihere ga-eme ugbua, ọbụghị ma iru ya ọ ga-abụwanye ihe na-achapụghị achapụ ugbua.

34 Ma mgbe ọ ^aga-ahụ ụmụ ya, ọrụ nke aka m abụọ, n’etiti ya, ha ga-edo aha m nsọ ma doo Onye-Nsọ nke Jekọb nsọ, ma ha ga-atụ egwụ Chineke nke Israel.

35 Ha kwa bụ ndị ^amehiere n’ime mụọ ga-abịa na nghọta, ma ndị ahụ tamuru ntamu ga ^bamụta ozizi.