Akwụkwọ nke Abụọ nke Nifaị

1 Ma ugbua o wee ruo na mgbe mụ, Nifaị, bịaruworo n’isi ngwụcha nke ikuziri ụmụnne m, ^anna anyị Lihaị kwukwaara ha ọtụtụ ihe, ma kwụgharịara ha, ụdi nnukwu ihe Onye-nwe mewooro ha n’ịkpọpụta ha site n’ala Jerusalem.

2 Ma ọ gwara ha okwu gbasara ^annupụ isi ha n’elu mmiri ahụ, na ebere nile nke Chineke site n’ihapụrụ ha ndụ ha, nke mere na elodaghị ha n’ime osimiri ahụ.

3 Ma ọ gwakwara ha okwu gbasara ala e kwere na nkwa, nke ha nwetaworo—ụdị obi ebere Onye-nwe nwere n’ịdọ anyị aka na ntị ka anyị gbapụ site n’ala Jerusalem.

4 N’ihi na, lee, o kwuru, a hụwo m ^aọ́hụ̀, nke m si n’ime ya mata na e bibiwo ^bJerusalem; ma ọ bụrụ na anyị gaara nọrọ n’ime Jerusalem, anyị gaara abụ ndị ^clara n’iyi.

5 Ma na, o kwuru, na-agbanyeghị mkpagbu anyị nile, anyị enwetawo ^aala e kwere na nkwa, ala a ^bhọọrọ karịa ala ndị ọzọ; ala nke Onye-nwe Chineke jiworo mee ihe ^cọgbụgba-ndụ mụ na ya, kwesịrị ịbụ ala nke nketa mkpụrụ-afọ m. E, Onye-nwe ejiwo ala a mee ihe ọgbụgba-ndụ nye m, ma nye ụmụ m ruo mgbe nile, na kwa ndị nile a ga-edupụta site na mba ọzọ nile site n’aka nke Onye-nwe.

6 Ya mere, mụ, Lihaị, na-ebu amụma dịka ọrụ nile nke Mụọ nke di n’ime m siri dị, na ^aọdịghị onye ọbụla ga-abịa n’ime ala a ma ọbụghị na a kpọtara ndị ahụ site n’aka nke Onye-nwe.

7 Ya mere, ^aala a ka e doworo nsọ nye ya bụ onye ọ ga-kpọta. Ma ọbụrụ na ha ga-ejere ya ozi site n’idebe iwu-nsọ nile ahụ nke o nyeworo, ọ ga-abụ ala nke ^bntọhapụ nye ha; ya mere, ọdịghị mgbe a ga-ewedata ha ala na ndọkpụ n’agha; ọbụrụ otu a, ọ ga-abụ n’ihi mmebi iwu, n’ihi na ọbụrụ na mmebi iwu ga-aba ụba, a ^cga-abụ ala ahụ ọnụ n’ihi ha, ma na nye ndị ezi-omume, a ga-agọzi ya ruo mgbe nile.

8 Ma lee, Ọ bụ amamihe ka ezobegodi ala a, ka ndị mba ọzọ ghara ịmata maka ya; n’ihi na lee, ọtụtụ mba ga-emeri ala ahụ na agha, nke ga-eme ka a ghara kwa inwe ebe maka nketa.

9 Ya mere, mụ, Lihaị, enwetawo nkwa, na ^aọbụrụraa na ndị nile Onye-nwe Chineke ga-akpọpụta site n’ala Jerusalem ga-edebe iwu-nsọ ya nile, ha ga-enwe ^bọga n’iru n’elu iru nke ala nke a; ma a ga-edebe ha iche n’ebe mba ndị ọzọ nọ, ka ha wee-nwere ala a n’onwe ha. Ma ọbụrụ na ha ^cga-edebe iwu-nsọ ya nile, a ga-agọzi ha n’elu iru ala a, ma ọdịghị onye ga-emegide ha, ma-ọbụ napụ ha ala ahụ bụ nke nketa ha, ma ha ga-ebi na-enweghị nsogbu ruo mgbe nile.

10 Ma lee, mgbe oge ruru na ha ga-ala azụ site n’ekweghị ekwe, mgbe ha nwetasịworo nnukwu ngọzi ndị a nile site n’aka nke Onye-nwe—ebe ha matara ihe gbasara okike nke ụwa, na mmadụ nile, matakwa nnukwu na oke ọrụ ịtụ n’anya nile nke Onye-nwe site n’okike ụwa; ebe e nwere ike e nyere ha ime ihe nile site n’okwukwe, nwere iwu-nsọ nile site na mmalite; na ebe a kpọtara ha site n’ịdị mma ya na-enweghị òkè n’ime ala nke a dị oke-ọnụ-ahịa e kwere na nkwa—lee, A sị m, ọbụrụ na ụbọchị ga-abịa na ha ga-ajụ Onye-Nsọ nke Israel, ezi ^aMesaịa, Onye-mgbapụta ha na Chineke ha, lee, ikpe nile nke ya zịrị ezi ga-abịakwasị ha.

11 E, Ọ ga-eweta ^amba ndị ọzọ tinyere ha, ma ọ ga-enye ha ike, ọ ga-anakwara ha ala nile nke onwunwe ha, ma ọ ga-eme ha ka ha ^bgbasasịa ma e tie ha ihe otiti.

12 E, dịka otu ọgbọ na-agafe ruo n’ọzọ, a ga-enwe ^ankwafu ọbara, na ọtụtụ nnukwu nleta n’etiti ha; ya mere, ụmụ m, ọ ga-adị m mma ma ọbụrụ na unu ga-echeta; e, ọ ga-adị m mma ma ọ bụrụ na unu ga-an̄a ntị n’okwu m nile.

13 O ọ dị m ka a sị na unu ga eteta n’ụra; teta n’ụra dị omimi, e, ọbụna site n’ụra nke ^aala mụọ, ma hụchapụ ^bagbụ nke di egwu nke e jiri kee unu, nke bụ agbụ kere ụmụ nke mmadụ, nke bụ na a dọkpụrụ ha n’agha gbada ruo ^colulu ịhụju-anya na ahụhụ ebighi-ebi.

14 Tetanụ! ma bilienụ site n’uzuzu, ma nụrụnụ okwu nile nke onye ^amụrụ unu onye na-ama jijiji, onye nke unu ga-atọgbọ anụ arụ ya n’ala na nso nso a n’oyi ọtụtụ na ịda jụụ nke ^bili, site n’ebe ọdịghị onye ije nwere ike ịlọta; mkpụrụ ụbọchị ole na ole fọdụrụ ka m gaa ^cụzọ nke ụwa nile.

15 Ma lee, Onye-nwe ^aagbapụtawo mkpụrụ-obi m site n’ala mụọ; A hụwo m otuto ya, ma ^baka nke ^cịhụnanya ya gbara m gburu-gburu ruo mgbe ebighi-ebi.

16 Ma a na m achọsike na unu ga-echeta idebe ^aiwu nile e dere ede na ikpe nile nke Onye-nwe; lee, nke a abụrụwọrị ihe mkpụrụ-obi m na-echekasị onwe ya site na mmalite.

17 Mkpụrụ-obi m ka iru uju nyịdaworọrị site n’oge ruo n’oge, n’ihi egwu atụwo m, na eleghị anya n’ihi imesike nke obi unu nile ka Onye-nwe Chineke unu ga-apụta n’uju nke ^aoke iwe ya, bịakwasị unu, na a ^bga-ebepụ ma bibie unu ruo mgbe nile.

18 Ma ọbụ, na ịbụ-ọnụ ga-abịakwasị unu mgbe ^aọtụtụ ọgbọ gasịworo, ma a ga-eji mma-agha leta unu, na ụnwụ, ma a ga-akpọ unu asị, ma a ga-eduru unu dịka uche na ndọkpụ n’agha nke ^bekwensu siri dị.

19 O ụmụ m ndịkom, ka ihe ndị a nile ghara ịbịakwasị unu, ma ka unu bụrụ ^andị ahọpụtara na ndị Onye-nwe gosiri iru ọma. Ma lee, ka uche ya mee; n’ihi na ụzọ ya nile bụ ^bụzọ ezi-omume ruo mgbe nile.

20 Ma O kwuwo na: ^aỌbụrụraa na unu ga-edebe ^biwu-nsọ m nile unu ga-enwe ^cọgan’iru n’ala ahụ; ma ọbụrụraa na unu agaghị edebe iwu-nsọ m nile a ga-ebepụ unu site n’ebe m nọ.

21 Ma ugbua ka obi m wee nweta ọn̄ụ n’ime unu, na kwa ka mkpụrụ-obi m wee hapụ ụwa nke a n’obi ụtọ n’ihi unu, ka aghara iwedata m na mwuta na iru uju n’ala ili, bilie site n’uzuzu, ụmụ m, ma bụrụnụ ndịkom ^andị nwoke, ma nweenụ mkpebi ^bn’otu uche na n’otu obi, dị n’otu n’ihe nile, ka unu ghara ịgbadata n’ime ndọkpụ n’agha.

22 Ka a ghara iji ọbụbụ-ọnụ nke oke iwe bụọ unu ọnụ; na kwa, ka unu ghara ịdaba n’ime ịkpasu ^aChineke nke na-ekpe ikpe zịrị ezi obi ọjọọ n’aru unu, ruo na mbibi, e, mbibi nke mgbe ebighi-ebi nke mkpụrụ-obi na arụ.

23 Teta, ụmụ m ndị nwoke; yikwasịnụ ^angwa-ọgụ nke ezi-omume. Hụchapụ agbụ nile ahụ nke e jiri kee unu, ma si nụ n’ọchịchịrị pụta, ma bilie site n’uzuzu.

24 Unu e nupukwala isi ọzọ megide nwanne unu nwoke, onye nke echiche ya diworo otuto, na onye debeworo iwu-nsọ nile site n’oge anyị hapụrụ Jerusalem; na onye nke buworọrị ngwa-ọrụ n’aka nile nke Chineke, site n’ịkpọpụta anyị rute n’ala e kwere na nkwa; n’ihi na a sị na ọbụghị ya, anyị gaara alaworịị n’iyi site ^an’agụụ n’ime ọzara; otu o sila dị, unu chọrọ ^biwepụ ndụ ya, e, ma ọ hụsiwo anya nke mwute n’ihi unu.

25 Ma a na m atụ nnukwu egwụ na-ama jijiji n’ihi unu, ka ọ ghara ịhụsianya ọzọ; n’ihi na lee, unu ebowo ya ebubo na ọ chọrọ ike na ikike iwu iji chịwa unu; mana a ma m na ọ chọghịrịị ike ma-ọbụ ^aikike iwu iji chịwa unu, kama ọ chọwororịị otuto nke Chineke, na ọdịmma nke mgbe ebighi-ebi unu.

26 Ma unu atamuwo n’ihi na ọ na-ekwupụtara unu ezi-okwu. Unu sị na o jiwo ^aimesi-ike; unu sị na o wesowo unu iwe; ma lee, imesi-ike ya bụ imesị-ike nke ike nke okwu Chineke, nke dịịrị n’ime ya; ma ihe ahụ unu na-akpọ iwe bụụrụ ezi-okwu, dịka ihe ahụ dị n’ime Chineke siri dị, nke ọ na-enweghị ike igbochị, na-igosịpụta nke ọma gbasara ajọọ-omume unu nile.

27 Ma ọ ga abụrịrị na ^aike nke Chineke dịnyere ya, ọbụna ruo na inye unu iwu na unu ga-eruberịrị-isi na olu ya. Ma lee, ọbụghị ya, ma-ọbụ ^bMụọ nke Onye-nwe nke di n’ime ya, nke ^cmeghere ọnụ ya n’ikwu okwu nke mere na onweghịkwa ike ikpuchi ya.

28 Ma ugbua nwa m nwoke, Leman, na kwa Lemuel na Sam, na kwa ụmụ m ndị nwoke bụ ụmụ Ịshmel, lee, ọbụrụ na unu ga an̄a ntị n’ọlụ nke Nifaị, unu agaghị ala-n’iyi. Ma ọbụrụ na unu ga an̄a ntị n’olu ya, a na m arapụrụ unu ^angọzi, e, ọbụna ngọzi nke mbụ m.

29 Ma o bụrụ na unu agaghị an̄a ntị n’olu ya, a ga m ewepụ ^angọzi nke mbụ m, e, ọbụna ngọzi m, ma ọ ga-adakwasị ya.

30 Ma ugbua, Zoram, a na m agwa gị: lee, ị bụ ^anwa oru nke Leban; otu o sila dị, a kpọpụtawo gị site n’ala Jerusalem, ma a ma m na ị bụ ezigbo enyi nwa m nwoke, Nifaị, ruo mgbe nile.

31 Ya mere, n’ihi na i kwesịrị ntụkwasị-obi, mkpụrụ-afọ gị ka a ga-agọzi ha na ^amkpụrụ-afọ nke ya, ka ha nwe ike bie n’ọgan’iru ogologo oge n’elu ala nke a; ma ọdighị ihe ọbụla ma ọbụghị ajọọ-omume n’etiti ha ga-emerụ ha arụ ma-ọbụ nye nsogbu n’ebe ọgan’iru ha dị n’elu iru nke ala nke a ruo mgbe nile.

32 Ya mere, ọbụrụ na unu ga-edebe iwu-nsọ nile nke Onye-nwe, Onye-nwe edowo ala nke a nsọ maka nchekwa nke mkpụrụ-afọ gị ya na mkpụrụ-afo nwa m nwoke.