Nkyerɛkyerɛ na Ahyɛmudzi

Dza Ɔwɔ Mu
Mbueienyi na Dza Ɔwɔ Mu a Wɔahyehyɛ no Esiado Esiado
Afã
Asɔr Dawurbɔ

Asɔr Dawurbɔ

Asɔr Dawurbɔ 1
Bible na Mormon Nwoma no kyerɛkyerɛ dɛ awarfo beenu nko ntamu awar nye Nyame ne gyinapɛn ma awar gyedɛ Ɔnoara kyerɛ adze fofor. (Hwɛ 2 Samuel 12:7–8 na Jacob 2:27, 30). Nyikyerɛ a wɔdze maa Joseph Smith ekyir do no, Ɔhyehyɛɛ awar pii ne nyɛe wɔ Asɔrmba abɔasefo mu afe 1840 ahyɛse no mu (hwɛ ɔfã 132). Fitsi afe 1860 ber kesi 1880 ber mu no, United States aban hyɛɛ mbra a ɔmaa nyamesom nyɛe yi betsĩaa mbra. Ewiei no U.S. Asɛndzibea a Ɔkrɔn no gyee mbra yinom too mu. Onyaa nyikyerɛ ekyir no, President Wilford Woodruff dze Mpaamukã a odzi do yi too gua, a Asɔr no gyee too mu dɛ tum wɔ mu na ɔkyekyer hɔn wɔ Ɔbɛsɛ 6, 1890. Iyi ma wogyaa awar pii ne nyɛe wɔ Asɔr no mu.
Asɔr Dawurbɔ 2
Mormon Nwoma no kyerɛkyerɛ dɛ “hɔn nyinara yɛ adze kor ma Nyame,” a “bibinyi na borɔnyi, akowa na fahodzinyi, ɔbarimba na ɔbaa” kã ho (2 Nephi 26:33). Asɔr n’abakɔsɛm mu nyina no, woenuma nkorɔfo a wɔwɔ ebusuakuw na nyimpakuw a wofi aman pii mu na wɔabɛyɛ asɔrmba anokwafo. Joseph Smith n’aber do no wɔdze asɔfodzi no maa ebibifo mbanyin kumabaa binom. Asɔpɔkan abakɔsɛm mu no, Asɔr banodzifo gyaa dɛ wɔdze asɔfodzi no rema mbanyin a wɔyɛ Ebibifo asefo. Asɔr nkyerɛwee nnkyerɛ biribiara pɔkyee a ɔfa nyɛe yi ahyɛase. Nna Asɔr banodzifo no wɔ gyedzi dɛ wohia nyikyerɛ fi Nyame hɔ dze asesã nyɛe yi na mpaabɔ mu ara wɔhwehwɛɛ akwankyerɛ. Nyikyerɛ no baa Asɔr no ne President Spencer W. Kimball do na Asɔr banodzifo nkaa no sii no pi wɔ Obiradzi 1, 1978. Nyikyerɛ no yii dza osiw asɔfodzi ho kwan nyinara a nkyɛ ɔfa ebusuakuw ho no.