Afã

Kyerɛwsɛm

Nkyerɛkyerɛ na Ahyɛmudzi

Dza Ɔwɔ Mu
Mbueienyi na Dza Ɔwɔ Mu a Wɔahyehyɛ no Esiado Esiado
Afã
Asɔr Dawurbɔ

Afã

Ɔfã 1
1–7, Kɔkɔbɔ ndze no wɔ hɔ ma nyimpa nyinara; 8–16, Gyedzi ho asehwe na emumuyɛdze bɛba ansaana Mbaa a Otsĩa Ebien no asõ; 17–23, Wɔfrɛɛ Joseph Smith dɛ ɔnsan mfa Ewuradze no nokwar na no tum mbra asaase do; 24–33, Wɔdze Mormon Nwoma no puee guado na wɔkyekyeer nokwar Asɔr no; 34–36, Wobeyi asomdwee efi asaase do; 37–39, Hom nhwehwɛ dɛm mbrasɛm yinom mu.
Ɔfã 2
1, Elijah bɛda asɔfodzi no edzi akyerɛ; 2–3, Wɔdze egyanom anohoba ahyɛ mba akoma mu.
Ɔfã 3
1–4, Ewuradze n’akwan yɛ kor na ɔkɔ aprɔw na onnyi ewiei; 5–15, ɔwɔ dɛ Joseph Smith nu noho, ɔno ɔbɛyew nkyerɛase akyɛdze no; 16–20, Mormon Nwoma baa dɛ ɔrebɛgye Lehi n’asefo nkwa.
Ɔfã 4
1–4, Akokodur som gye Ewuradze n’asɔfoe nkwa; 5–6, Nyame su ma wɔfata ɔsomdwumadzi no; 7, Ɔwɔ dɛ wɔhwehwɛ Nyame ne ndzɛmba ekyir kwan.
Ɔfã 5
1–10, Ɔnam Joseph Smith do na dɛm ebusuasantsen yi nsa bɛkã Ewuradze n’asɛm; 11–18, Adasefo baasa bɛgye Mormon Nwoma no ho dase; 19–20, Ewuradze n’asɛm bɛyɛ hɔ dɛ mbrɛ ɔyɛɛ hɔ mber a abasen kɔ no mu no; 21–35, Martin Harris botum enu noho na ɔabɛyɛ adasefo no mu kor.
Ɔfã 6
1–6, Edwumayɛfo a wɔwɔ Ewuradze ne haban mu no nya nkwagye; 7–13, Akyɛdze biara nnyi hɔ a, ɔkyɛn nkwagye akyɛdze no; 14–27, Wɔnam Sunsum no tum do nya nokwar no ho dase; 28–37, Hom nhwɛ Christ, na hom nyɛ papa daa nyina.
Ɔfã 7
1–3, John a Wɔdɔɔ no no bɛtsena ase ekodu dɛ Ewuradze bɛba; 4–8, Peter, James, na John na wokitsa asɛmpa ne nsaafee no.
Ɔfã 8
1–5, Nyikyerɛ nam Sunsum Krɔnkrɔn no tum do ba; 6–12, Nyame n’esumasɛm ho nyimdzee na tum a wɔdze kyerɛ tsetseberdo abakɔsɛm ase no nam gyedzi do ba.
Ɔfã 9
1–6, Tsetseberdo abakɔsɛm bi so wɔ hɔ a ɔwɔ dɛ wɔkyerɛ ase; 7–14, Wɔnam osũa na sunsum ne pi si do kyerɛ Mormon Nwoma no ase.
Ɔfã 10
1–26, Satan nunu emumuyɛfo ma wotsia Ewuradze N’edwuma; 27–33, Ɔper hwehwɛ dɛ ɔsɛɛ nyimpa akra; 34–52, Asɛmpa no bodua Mormon Nwoma no do akɔ Lamanfo nye aman nyina hɔ; 53–63, Ewuradze bɛkyekyer N’Asɔr na N’asɛmpa no wɔ adasa mu; 64–70, Ɔbɔboaboa hɔn a woenu hɔnho no ano akɔ N’Asɔr mu na Ɔagye hɔn a wɔyɛ setsie no nkwa.
Ɔfã 11
1–6, Edwumayɛfo a wɔwɔ wenyin ture no mu no benya nkwagye; 7–14, Per hwehwɛ nyansa, bɔ nnuho ho dawur, twer Sunsum no; 15–22, Dzi mbrasɛm no do, na sũa Ewuradze n’asɛm no; 23–27, Mma mpow nyikyerɛ sunsum nye nkɔnhyɛ no; 28–30, Hɔn a wɔgye Christ no bɛyɛ Nyankopɔn ne mba.
Ɔfã 12
1–6, Edwumayɛfo a wɔwɔ wenyin ture no mu benya nkwagye; 7–9, Hɔn a wɔpɛ nyinara na wɔfata no botum aboa Ewuradze n’edwuma.
Ɔfã 13
Ɔdze Aaron Asɔfodzi ne nsaafee na tum no to gua.
Ɔfã 14
1–6, Edwumayɛfo a wɔwɔ wenyin ture no mu no benya nkwagye; 7–8, Onnyiewiei nkwa nye Nyame n’akyɛdze no mu dza ɔyɛ kɛse; 9–11, Christ na ɔbɔɔ sor na asaase.
Ɔfã 15
1–2, Ewuradze n’abasa kata asaase nyina do; 3–6, Ebɛkã asɛmpa no na agye akra nkwa no nye adze a ɔsom bo kɛse.
Ɔfã 16
1–2, Ewuradze n’abasa kata asaase nyina do; 3–6, Ebɛka asɛmpa no na agye akra nkwa no nye adze a ɔsom bo kɛse.
Ɔfã 17
1–4, Adasegyefo Baasa no nam gyedzi do bohu mprɛtse no nye ndzɛmba krɔnkrɔn binom so; 5–9, Christ gye dase dɛ Mormon Nwoma no fi Nyame hɔ.
Ɔfã 18
1–5, Kyerɛwsɛm kyerɛ mbrɛ wonsi nkyekyer Asɔr no; 6–8, emumuyɛ rodɔɔ sõ wɔ wiadze; 9–16, Akra som bo kɛse; 17–25, Sɛ nyimpa benya nkwagye a, ɔwɔ dɛ wɔfa Christ ne dzin to hɔn do; 26–36, Woyi Duebien no a wɔbɛfrɛ hɔn no nye dwuma a wobedzi no kyerɛ; 37–39, Oliver Cowdery na David Whitmer na ɔwɔ dɛ wɔhwehwɛ Duebien no; 40–47, Nyimpa benya nkwagye a, ɔwɔ dɛ wonu hɔnho, wonuma hɔn na wodzi mbrasɛm no do.
Ɔfã 19
1–3, Christ wɔ tum nyina; 4–5, Nyimpa nyinara wɔ dɛ wonu hɔnho annyɛ dɛm a, wobohu amandze; 6–12, Onnyiewiei ntsẽa yɛ Nyankopɔn ne ntsẽa; 13–20, Christ hun amandze maa obiara, ama sɛ wonu hɔnho a, woeennhu amandze; 21–28, Kã nnuho asɛmpa no; 29–41, Bɔ asɛmpa no dawur.
Ɔfã 20
1–16, Mormon Nwoma no kyerɛ mu pefee dɛ da a odzi ekyir dwumadzi no fi Nyame hɔ; 17–28, Osi nkyerɛkyerɛ a ɔfa abɔdze, asehwe, werdambɔ, na enuma ho no pi; 29–37, Mbra a ɔhwɛ nnuho, bemdzi, ahosan, na enuma do no nyina wɔ hɔ; 38–67, Woetwitwa elderfo, asɔfo, akyerɛkyerɛfo na deaconfo hɔn ndwuma ho asɛm esinesin; 68–74, Asɔrmba hɔn ndwuma, mbrɛ wonsi nhyira mbofra, nye mbrɛ wonsi nnuma nyina oeyi akyerɛ; 75–84, Wɔdze sakrament mpaabɔ na nhyehyɛɛ a wɔdze hwɛ Asɔrmba do no nyina ama.
Ɔfã 21
1–3, Wɔfrɛ Joseph Smith ma ɔbɛyɛ adzehunyi, nyia ɔkyerɛ adze ase, nkɔnhyɛnyi, ɔsomafo na elder; 4–8, N’asɛm bɛkyerɛ Zion kwan; 9–12, Ahotseweefo no bɛgye n’asɛm a ɔnam Ɔwerɛkyekyefo no do bɛka no edzi.
Ɔfã 22
1, Enuma yɛ ahyɛmudzi fofor a ɔwɔ hɔ daapem; 2–4, Enuma a nyia wɔama no tumdzi a ɔfata no na wɔrohwehwɛ.
Ɔfã 23
1–7, Wɔfrɛɛ dɛm tsetse esuafo yinom dɛ wɔnkã nyamesɛm nkyerɛ, wontu fo, na wɔnhyɛ Asɔr no dzen.
Ɔfã 24
1–9, Wɔfrɛ Joseph Smith dɛ ɔnkã asɛmpa na ɔnkyerɛkyerɛ ndzɛmba ase, onsansan kyerɛwsɛm no mu; 10–12, Wɔfrɛ Oliver Cowdery dɛ ɔnkã asɛmpa no; 13–19, Wɔda mbra a ɔfa anwanwadze ho, ndom, ananadze huntuma mpopoee na sika-kotoku anaa bɔtɔ a onnyi dɛ wɔfa dze fir edzi.
Ɔfã 25
1–6, Wɔfrɛɛ Emma Smith, ewuraba a wɔasan mu eyi no no dɛ ɔmboa no kun na ɔnkyekye no werɛ; 7–11, Wɔfrɛɛ no so dɛ ɔnkyerɛw, na onsansan kyerɛwsɛm mu, na ɔnhwehwɛ mu nyiyi asɔr ndwom; 12–14, Atseneneefo hɔn ndwontow yɛ mpaabɔ ma Ewuradze; 15–16, Setsie ho mbrasɛm a ɔwɔ nyikyerɛ no mu yi yɛ obiara dze.
Ɔfã 26
1, Ɔahyɛ hɔn dɛ wonsũa kyerɛwsɛm no na wɔnkã asɛmpa no; 2, Wosi do kã adwen kor ho mbra no.
Ɔfã 27
1–4, Wɔkyerɛ ndzɛmba a wɔmfa ndzi sacrament no; 5–14, Christ na No nkowaa a wofi mberano to mberano nyina no bedzi sacrament no; 15–18, Hom nhyɛ Nyame N’akodze no nyina.
Ɔfã 28
1–7, Joseph Smith na okura esumasɛm ho nsaafee, na ɔno nko na onya nyikyerɛ ma Asɔr no; 8–10, Ɔwɔ dɛ Oliver Cowdery kɛkã asɛmpa no kyerɛ Lamanfo no; 11–16, Satan daadaa Hiram Page na ɔmaa no ator nyikyerɛ.
Ɔfã 29
1–8, Christ boaboa Ne mpamufo no ano; 9–11, Ne mbaa no dze Mfe Apem no bɛba; 12–13, Duebien no bobu Israel nyina atsɛn; 14–21, Nsɛnkyerɛdze, ɔyardɔm na amamfoyɛ bɛba ansaana Mbaa a Otsĩa Ebien no asõ; 22–28, Owusoɛr a odzi ewiei no nye atsɛmbu a odzi ewiei no bedzi Mfe Apem no ekyir; 29–35, Ndzɛmba nyina yɛ sunsum ma Ewuradze; 36–39, Wɔpaam abɔnsam na no dɔm fii sor dɛ wɔmbɔsɔ nyimpa nhwɛ; 40–45, Asehwe no na Werdambɔ dze nkwagye ba; 46–50, Wɔnam Werdambɔ no do pon mbofra nkakramba.
Ɔfã 30
1–4, Wɔkã David Whitmer n’enyim dɛ ɔronnsom enyiberdo; 5–8, Wɔse Peter Whitmer Kakraba dɛ ɔnkã Oliver Cowdery ho nkɔ asɛmpakã dwumadzi wɔ Lamanfo mu; 9–11, Wɔfrɛ John Whitmer dɛ ɔnkɛkã asɛmpa no.
Ɔfã 31
1–6, Wɔfrɛ Thomas B. Marsh dɛ ɔnkã asɛmpa no na wɔma no awerɛhyɛmu wɔ n’ebusua ne yieyɛ ho; 7–13, Wotu no fo dɛ onya abotar, ɔmbɔ mpaa aber nyina, na ɔnyɛ setsei mma Ɔwerɛkyekyefo no.
Ɔfã 32
1–3, Wɔfrɛ Parley P. Pratt na Ziba Peterson dɛ wɔnkɛkã asɛmpa no nkyerɛ Lamanfo no na wɔnkɛkã Oliver Cowdery na Peter Whitmer Kakraba ho; 4–5, Ɔwɔ dɛ wɔbɔ mpaa ama wɔaatse kyerɛwsɛm no ase.
Ɔfã 33
1–4, Wɔfrɛ edwumayɛfo dɛ wɔmbɔ asɛmpa no dawur wɔ dɔn a otsĩa dubiako no mu; 5–6, Wɔakyekyer Asɔr no na ɔwɔ dɛ wɔboa mpamufo no ano; 7–10, Hom nnu homho, na sor ahenman no abɛn; 11–15, Woesi Asɔr no wɔ asɛmpa no botan do; 16–18, Hom nsiesie homho mma Ayeforkun ne mbae no.
Ɔfã 34
1–4, Agyedzifo nam Werdambɔ no do bɛyɛ Nyame ne mba; 5–9, Asɛmpakã no siesie kwan mu dze ama Mbae a Otsĩa Ebien no; 10–12, Nkɔnhyɛ nam Sunsum Krɔnkrɔn no tum do ba.
Ɔfã 35
1–2, Mbrɛ ɔbɛyɛ ma nkorɔfo etum abɛyɛ Nyame ne mba; 3–7, Wɔfrɛ Sidney Rigdon dɛ onnuma na ɔmfa Sunsum Krɔnkrɔn no mma; 8–12, Wɔnam gyedzi do yɛ nsɛnkyerɛdze na anwanwadze; 13–16, Ewuradze no nkowaa nam Sunsum no tum do bɔpose aman; 17–19, Joseph Smith kura esumasɛm ne nsaafee; 20–21, Mpamufo no botum egyina Ewuradze ne mbaa da no ano; 22–27, Wɔbɛgye Israel nkwa.
Ɔfã 36
1–3, Ewuradze dua Sidney Rigdon ne nsa do dze Ne nsa gu Edward Partridge do; 4–8, Wɔfrɛ banyin biara a ɔgye asɛmpa no na asɔfodzi no dɛ omfir edzi na ɔnkɛkã asɛmpa no.
Ɔfã 37
1–4, Wɔfrɛ Ahotseweefo no dɛ wɔmboa hɔn ano wɔ Ohio no.
Ɔfã 38
1–6, Christ na ɔbɔɔ ndzɛmba nyina; 7–8, Ɔwɔ N’Ahotseweefo no a ɔnnkɛkyɛr na woehu No no mu; 9–12, Honam nyinara aprɔw wɔ N’enyim; 13–22, Oesiesie anohoba asaase ato hɔ ama N’Ahotseweefo wɔ aber yi nye mbersantsen mu; 23–27, Wɔhyɛ Ahotseweefo dɛ wɔnyɛ kor na wɔmfa obu mma hɔnho nkorkor dɛ wɔyɛ enuanom; 28–29, Wɔhyɛ akõkoekõ ho nkɔm; 30–33, Wɔbɛma Ahotseweefo no tum efi sor na wɔakɔ aman nyinara mu; 34–42, Wɔhyɛ Asɔr no dɛ wɔnhwɛ ehiafo na abɔbɔfo, na wɔmper nhwehwɛ mbersantsen ahonyadze no.
Ɔfã 39
1–4, Ahotseweefo no wɔ tum dɛ wɔbɛyɛ Nyame ne mba; 5–6, Egye asɛmpa no a, nna agye Christ; 7–14, Wɔhyɛ James Covel dɛ ɔmma wonnuma no na ɔnyɛ edwuma wɔ Ewuradze no wenyin ture mu; 15–21, Ewuradze no nkowaa wɔ dɛ wɔkã asɛmpa no ansaana Mbaa a Otsĩa Ebien no aso; 22–24, Wɔbɔboaboa hɔn a wɔgye asɛmpa no hɔn ano wɔ aber yi nye mbersantsen mu.
Ɔfã 40
1–3, Atseetsee ho suro nye wiadze yi mu akɔdadwen ntsi na ɔma wɔpow asɛmpa no.
Ɔfã 41
1–3, Elderfo no nam nyikyerɛ sunsum do bɔhwɛ Asɔr no do; 4–6, Esuafo nokwafo no nsa bɛkã Ewuradze ne mbra no na woedzi do; 7–12, Wɔbɔ Edward Partridge ne dzin dɛ ɔnyɛ bishop mma Asɔr no.
Ɔfã 42
1–10, Wɔfrɛ elderfo no dɛ wɔnkã asɛmpa no, wonnuma hɔn a wɔasakyer no, na wɔnkyekyer Asɔr no; 11–12, Ɔwɔ dɛ wɔfrɛ hɔn na wɔhyɛ hɔn asɔfo na wɔkɛkyerɛkyerɛ asɛmpa ne fapem no a ɔwɔ kyerɛwsɛm no mu no; 13–17, Ɔwɔ dɛ wodua Sunsum no tum do kyerɛkyerɛ na wɔhyɛ nkɔm; 18–29, Wɔhyɛ Ahotseweefo no dɛ mma wonndzi ewu, wonnwia adze, wonndzi ator, wonndzi honam akɔndɔ ekyir, wɔnntõ awar, anaadɛ wɔnnkã nsɛm bɔn nntsia binom; 30–39, Wɔhyɛ mbra a wɔnam do dze hɔn ahodze bɔbɔ afɔr ama Ewuradze; 40–42, Wɔkasa tsia ahantanyɛ na enyihaw; 43–52, Ɔwɔ dɛ wodua ngo sera ayɛdze na gyedzi do sã yarba; 53–60, Kyerɛwsɛm na wɔdze hwɛ Asɔr no do na ɔwɔ dɛ wɔbɔ no dawur kyerɛ wiadze; 61–69, Wɔbɛda bea a wɔbɛkyekyer Jerusalem Fofor no nye ahenman no n’esumasɛm no edzi; 70–73, Ɔwɔ dɛ wɔdze ahodze a wɔdze abɔ afɔr ama Ewuradze no boa Asɔr mu edzibewdzifo no; 74–93, Wɔdze mbra a wɔdze bɔhwɛ ndwamanbɔ, awartõ, ewudzi, adzewia, nye bɔnkã do no ma.
Ɔfã 43
1–7, Nyikyerɛ na mbrasɛm fi nyimpa kortonoo a woeyi no esi hɔ mu ba; 8–14, Wɔtsew Ahotseweefo ho wɔ ber a woridzi dwuma wɔ krɔnkrɔnyɛ mu wɔ Ewuradze n’enyim no; 15–22, Wɔsoma elderfo dɛ wɔnkɛkã nnuho ho asɛm na wonsiesie adasa mfa mma Ewuradze Ne da kɛse no; 23–28, Ewuradze dua nankasa Ne ndze na abɔdze no tum do frɛ nyimpa; 29–35, Mfe Apem no na Satan ne nkyekyeree no bɛba.
Ɔfã 44
1–3, Elderfo no wɔ dɛ wohyia mu wɔ nhyiamu kɛse no ase; 4–6, Ɔwɔ dɛ wɔhyehyɛ biribiara dɛ mbrɛ mbra a ɔwɔ asaase no do se na wɔhwɛ ehiafo no.
Ɔfã 45
1–5, Christ yɛ hɛn dzimafo wɔ Egya N’enyim; 6–10, Asɛmpa no yɛ ɔsomafo a oribesiesie kwan wɔ Ewuradze N’enyim; 11–15, Ewuradze gyee Enoch na no nuanom no maa Noho; 16–23, Christ yii Ne mbaa ho nsɛnkyerɛdze kyerɛɛ dɛ mbrɛ woyii kyerɛe wɔ Bepɔw Olives do no; 24–38, Wɔdze asɛmpa no bɛsan aba, Amanamamfo hɔn mber no bɛhyɛ mã, na amamfoyɛ yarba akata asaase no do; 39–47, Nsɛnkyerɛdze, anwanwadze, na Owusoɛr no na obedzi Mbae a Otsĩa Ebien no enyim; 48–53, Christ begyina Bepɔw Olives do, na Jewfo no bohu Ne nsamu na N’anan ho pirakur no; 54–59, Ewuradze bedzi hen wɔ Mfe Apem no mu; 60–62, Wɔhyɛɛ Nkɔnhyɛnyi no dɛ ɔnhyɛ ase nkyerɛ Ahyɛmu Fofor no ase, ama woeedua do ada nsɛm a ho hia no edzi; 63–75, Wɔhyɛ Ahotseweefo no dɛ wɔmboa hɔn ano na wɔnkyekyer Jerusalem Fofor no, hɔ na nkorɔfo befi aman nyinara mu aba.
Ɔfã 46
1–2, Elderfo wɔdɛ wɔhwɛ som dwumadzi do dɛ mbrɛ Sunsum Krɔnkrɔn no bɛkyerɛ; 3–6, Mma wɔmmpam hɔn a wɔreperhwehwɛ nokwar no mmfi sacrament som ase; 7–12, Wombisa Nyankopɔn na wɔmper nhwehwɛ Sunsum n’akyɛdze no; 13–26, Wɔbobɔ Sunsum n’akyɛdze binom edzin no dze ma; 27–33, Wɔma Asɔr no mu banodzifo no tum ama woeetum ehu Sunsum n’akyɛdze no.
Ɔfã 47
1–4, Wɔdze hyɛ John Whitmer nsa dɛ ɔnkyerɛw Asɔr n’abakɔsɛm no na ɔnkyerɛw mma Nkɔnhyɛnyi no.
Ɔfã 48
1–3, Ahotseweefo a wɔwɔ Ohio no wɔ dɛ wɔnye hɔn nuanom no kyɛ hɔn nsaase no; 4–6, Ahotseweefo no wɔ dɛ wɔtɔ nsaase, wɔkyekyer kuropɔn, na wodzi afotu a hɔn dwumadzi mu banodzifo dze bɛma hɔn no do.
Ɔfã 49
1–7, Da na dɔn no a Christ bɛba no wonnkohu kɛpem dɛ Ɔbɛba; 8–14, Ɔsɛ dɛ nyimpa nu hɔnho, wɔgye asɛmpa no dzi, na wɔyɛ ayɛdze ama woeenya nkwagye; 15–16, Nyankopɔn na ɔhyehyɛɛ awar; 17–21, Wɔpen bɔnam ne dzi do; 22–28, Zion bɛyɛ prɔmprɔm, na Lamanfo bɛpaa dɛ nhyiren ansaana Mbae a Otsĩa Ebien no asõ.
Ɔfã 50
1–5, Esunsum atorfo pii atahye asaase do; 6–9, Enyidosomkyerɛfo no wondue na hɔn a woetwa hɔn efi Asɔr no mu akyen no; 10–14, Elderfo wɔ dɛ wɔdze Sunsum kã asɛmpa no; 15–22, Hɔn a wɔkã nyamesɛm nye etsiefo nyina hia dɛ Sunsum no kenyan hɔn; 23–25, Dza ɔmma ntowdo no mmfi Nyame; 26–28, Hɔn a wodzi nokwar no wɔ adze nyina; 29–36, Wotsie hɔn a hɔn ho tsew no hɔn mpaabɔ; 37–46, Christ nye Oguanhwɛfo Pa na Israel Ɔbo no.
Ɔfã 51
1–8, Woyi Edward Partridge dɛ ɔnhwɛ dwumadzi horow na egyapadze no; 9–12, Ɔwɔ dɛ Ahotseweefo no dzi nokwar na wɔkyɛ biribiara pɛpɛɛpɛr; 13–15, Ɔwɔ dɛ wonya bishop n’adzekorabea, na wɔhyehyɛ egyapadze no dɛ mbrɛ Ewuradze ne mbra se; 16–20, Ɔwɔ dɛ Ohio yɛ bea a wɔbɔboa hɔn ano wɔ mber tsiabaa mu.
Ɔfã 52
1–2, Wɔhyehyɛ dɛ wɔbɛyɛ ehyiadzi no a odzi do no wɔ Missouri; 3–8, Wɔda elderfo binom a ɔsɛ dɛ wɔbɔ mu tu kwan no edzi; 9–11, Ɔwɔ dɛ elderfo no kyerɛkyerɛ dza asomafo na nkɔnhyɛfo no akyerɛw no; 12–21, Hɔn a Sunsum no ekenyan hɔn no sow ayɛyi na nyansa aba; 22–44, Woyiyi elderfo binom a sɛ worutu kwan akɔ akɛyɛ ehyiadzi wɔ Missouri a, wɔnkã asɛmpa no wɔ kwan mu.
Ɔfã 53
1–3, Sidney Gilbert ne frɛ na dzibew wɔ Asɔr no mu nye wɔbɛhyɛ no elder; 4–7, Ɔnsom dɛ bishop n’ananmusinyi so.
Ɔfã 54
1–6, Ɔwɔ dɛ Ahotseweefo no dzi asɛmpa n’ahyɛmu no do ama woeehu hɔn mbɔbɔr; 7–10, Ɔwɔ dɛ wosie abotar wɔ abɛbrɛsɛ mu.
Ɔfã 55
1–3, Wɔfrɛ William W. Phelps na wɔasan mu eyi no dɛ wonnuma no, na wɔnhyɛ no elder, na ɔnkã asɛmpa no; 4, Ɔwɔ dɛ ɔkyerɛw nwoma so dze ma mbofra a, wɔwɔ Asɔr no skuul mu no; 5–6, Ɔwɔ dɛ otu kwan kɔ Missouri, hɔ nye bea a ɔbɛyɛ n’edwuma.
Ɔfã 56
1–2, Ɔwɔ dɛ Ahotseweefo no fa hɔn mbeamudua no na wɔkã Ewuradze do ama woeenya nkwagye; 3–13, Ewuradze hyɛ mbra na ɔdan no, na wotwa asokyewfo no kyen; 14–17, Esikafo a wɔmmboa ehiafo wondue, na ehiafo a hɔn akoma mmbobɔe wondue; 18–20, Nhyira nkã ehiafo a hɔn akoma mu tsew, na hɔn na wobenya asaase no edzi.
Ɔfã 57
1–3, Independence, Missouri, nye bea a wɔbɛkyekyer Zion Kuropɔn na temple no; 4–7, Ɔwɔ dɛ Ahotseweefo no tɔ nsaase na wonya egyapadze wɔ dɛm bea no do; 8–16, Ɔwɔ dɛ Sidney Gilbert bue fiadze, William W. Phelps so tsintsim mbuukuu, na Oliver Cowdery so kenkan nsɛm a wɔbɛkyerɛw no, osiesie no yie, ama wɔdze epue guado.
Ɔfã 58
1–5, Wɔdze enyimnyam ahenkyɛw bɛhyɛ hɔn a wɔsɔw abɛbrɛsɛ no; 6–12, Ɔwɔ dɛ Ahotseweefo no siesie hɔnho dze ma eguambaa n’ayeforhyia na Ewuradze n’edzidzi no; 13–18, Bishopfo no nye ɔdodow atsɛmbuafo; 19–23, Ɔwɔ dɛ Ahotseweefo no dzi ɔman no no mu mbra do; 24–29, Ɔwɔ dɛ nyimpa dua hɔn pɛ do yɛ papa; 30–33, Ewuradze ma mbra na ɔkantse; 34–43, Sɛ nyimpa benya nnuho a, gyedɛ ɔkã no bɔn na ogyaa yɛ; 44–58, Ɔwɔ dɛ Ahotseweefo no tɔ hɔn egyapadze na wɔboa hɔn ano wɔ Missouri; 59–65, Ɔwɔ dɛ wɔkã asɛmpa no kyerɛ abɔdze biara.
Ɔfã 59
1–4, Wobehyira Ahotseweefo nokwafo no a wɔwɔ Zion; 5–8, Ɔwɔ dɛ wɔdɔ Ewuradze, wɔsom no na wodzi Ne mbrasɛm do; 9–19, Sɛ Ahotseweefo no sie Ewuradze Ne da no krɔnkrɔn a, wobehyira hɔn wɔ honam nye sunsum mu; 20–24, Wɔbɔ atseneneefo no anohoba dɛ wobenya asomdwee wɔ wiadze yi mu nye onnyiewiei nkwa wɔ wiadze a ɔreba no mu.
Ɔfã 60
1–9, Ɔwɔ dɛ elderfo no kã asɛmpa no kyerɛ mboanofo emumuyɛfo no; 10–14, Onnyi dɛ wɔsɛɛ hɔn mber, anaa wɔdze hɔn talent sie; 15–17, Wobotum ahohor hɔn anan ho dze ayɛ dasegye etsia hɔn a wɔpow asɛmpa no.
Ɔfã 61
1–12, Ewuradze ahyɛ mom dɛ adzesɛɛ pii bɛba esu no do; 13–22, John dom esu no, na ɔsɛɛfo no nam nsu no do; 23–29, Binom wɔ tum a wɔdze kasa kyerɛ esu no; 30–35, Elderfo no wɔdɛ wotu kwan beenu beenu na wɔkã asɛmpa no; 36–39, Ɔwɔ dɛ wosiesie hɔnho dze ma Nyimpa Ba no ne mbae.
Ɔfã 62
1–3, Wɔkyerɛw adasegye wɔ sor; 4–9, Elderfo no wɔdɛ wotu kwan na wɔkɛkã nyamesɛm dɛ mbrɛ hɔn adwen bɛyɛ hɔn na mbrɛ Sunsum no bɛkyerɛ.
Ɔfã 63
1–6, Ebufuhyew da no bɛba emumuyɛfo do; 7–12, Nsɛnkyerɛdze nam gyedzi do ba; 13–19, Hɔn a wɔtõ awar wɔ hɔn akoma mu no bɔpow gyedzi no na wɔbɔtow hɔn akyen ogya baka no mu; 20, Anokwafo no benya egyapadze wɔ asaase a wɔasakyer no no do; 21, Wɔnndaa Nsakyer a osii Bepɔw no do no mu nsɛm nyina edzi nnkyerɛe; 22–23, Hɔn a wɔyɛ setsie no hɔn nsa kã ahenman no mu esumadze no; 24–31, Ɔwɔ dɛ wɔtɔ egyapadze a ɔwɔ Zion no; 32–35, Ewuradze hyɛ akõkoekõ ho ɔmom, na emumuyɛfo ku emumuyɛfo; 36–48, Ahotseweefo no wɔdɛ wɔboa hɔn ano kɔ Zion na wɔma sika ma wɔdze kyekyer; 49–54, Wɔbɔ anokwafo anohoba dɛ wobehyira hɔn wɔ Mbae a Otsĩa Ebien, Owusoɛr na Mfe Apem no mu; 55–58, Iyi nye kɔkɔbɔ da no; 59–66, Hɔn a wɔmmaa hɔn tumdzi na wɔdze Ewuradze ne dzin dzi dwuma no bɔ no gyangyan.
Ɔfã 64
1–11, Wɔhyɛ Ahotseweefo no dɛ wɔmfa hɔn bɔn nkyekyɛ hɔnho nkorkor, amma bɔn ne kɛse aammbɛda hɔn do; 12–22, Ɔwɔ dɛ hɔn a wonnu hɔnho no, wɔdze hɔn ba Asɔr enyim; 23–25, Ber a Ewuradze bɛba no, wɔrennhyew nyia otua ebupɛn du no; 26–32, Wɔbɔ Ahotseweefo no kɔkɔ dɛ mma wonnkitsa kaw; 33–36, Wobotwa etuatsewfo no efi Zion akyen; 37–40, Asɔr no bobu aman atsɛn; 41–43, Zion bɛyɛ prɔmprɔm.
Ɔfã 65
1–2, Wɔdze Nyankopɔn n’ahenman ne nsaafee no ama nyimpa wɔ asaase do, na asɛmpa no dwumadzi bedzi konyim; 3–6, Ɔsor Mfe Apem ahenman no bɛba abɛkã Nyankopɔn n’ahenman no a ɔwɔ asaase do no ho.
Ɔfã 66
1–4, Ahyɛmu a ɔwɔ hɔ daapem no nye asɛmpa ne mãhyɛ; 5–8, Elderfo no wɔdɛ wɔkã nyamesɛm, gye dase, na wɔnye nkorɔfo yi atsɛn; 9–13, Sɛ wɔyɛ ɔsomdwuma nokwar mu a osi egyapadze a ɔyɛ nkwa a onnyiewiei no pi.
Ɔfã 67
1–3, Ewuradze tsie elderfo hɔn mpaabɔ na Ɔhwɛ hɔn do; 4–9, Ɔnye onyansafo mapã no gye taferbanyinmbɔmu dɛ ɔno so ɔmma Ne nyikyerɛ no mu kakraabi mpo; 10–14, Sunsum no dze nkenyan bɛma elderfo nokwafo no na wobohu Nyankopɔn N’enyim.
Ɔfã 68
1–5, Sɛ Sunsum Krɔnkrɔn no kenyan elderfo no a, hɔn anomusɛm yɛ kyerɛwsɛm; 6–12, Elderfo no wɔdɛ wɔkã asɛmpa na wonuma, na nsɛnkyerɛdze bedzi agyedzifo nokwafo no hɔn ekyir; 13–24, Aaron ne mbabanyin hɔn abakamba botum asom dɛ Bishop Banodzifo (ɔkyerɛ dɛ, hɔn na wobokura president na n’apamfo no ne nsaafee dɛ ɔyɛ bishop) dɛ mbrɛ President a Odzi Kan na n’Apamfo no bɛkyerɛ; 25–28, Wɔhyɛ awofo dɛ wɔnkyerɛkyerɛ hɔn mba asɛmpa no; 29–35, Ɔwɔ dɛ Ahotseweefo no sie Ahomgyeda no Krɔnkrɔn, wɔyɛ edwuma enyiberdo na wɔbɔ mpaa.
Ɔfã 69
1–2, Woyi John Whitmer dɛ ɔnkã Oliver Cowdery ho nkɔ Missouri; 3–8, Ɔwɔ dɛ ɔkã nyamesɛm so na ɔboaboa kyerɛwsɛm ano, na ɔkyerɛw abakɔsɛm.
Ɔfã 70
1–5, Woyi ahwɛfo dɛ wɔmfa nyikyerɛ no mpue guado; 6–13, Hɔn a wodzi dwuma wɔ sunsum mu ndzɛmba ho no fata dɛ wonya hɔn akatua; 14–18, Ɔwɔ dɛ ahotseweefo no yɛ pɛr wɔ honam mu ndzɛmba mu.
Ɔfã 71
1–4, Wɔsoma Joseph Smith na Sidney Rigdon dɛ wɔnkɔbɔ asɛmpa no dawur; 5–11, Wɔbɛhyɛ Ahotseweefo no hɔn atamfo fɛr.
Ɔfã 72
1–8, Elderfo wɔ dɛ wobu hɔn dwumadzi ho nkontaa kyerɛ bishop no; 9–15, Bishop no na ɔhwɛ adzekorabea no do na ɔhwɛ ehiafo na abɔbɔfo no; 16–26, Bishop na ɔwɔ dɛ wodzi elderfo no hɔn mudzi ho dase.
Ɔfã 73
1–2, Elderfo wɔdɛ wɔkɔ do kã nyamesɛm no; 3–6, Joseph Smith na Sidney Rigdon wɔdɛ wɔkɔ do kyerɛ Bible no ase kɛpem dɛ wobowie.
Ɔfã 74
1–5, Paul tu Asɔr a ɔwɔ n’aber do no fo dɛ mma wonndzi Moses mbra no do; 6–7, Mbofra nkakramba yɛ krɔnkrɔn na wɔnam Werdambɔ no do atsew hɔnho.
Ɔfã 75
1–5, Elderfo nokwafo no a wɔkã asɛmpa no benya nkwa a onnyiewiei; 6–12, Bɔ mpaa fa nya Ɔwerɛkyekyefo no a, ɔno na ɔkyerɛkyerɛ ndzɛmba nyina no; 13–22, Elderfo bɛtsena ase ebu hɔn a wɔpoow hɔn nsɛm no atsɛn; 23–36, Asɛmpasomafo no hɔn ebusua-ebusua no wɔdɛ wɔgye mboa fi Asɔr no hɔ.
Ɔfã 76
1–4, Ewuradze nye Nyankopɔn; 5–10, Wɔbɛda ahenman no mu esumadze edzi akyerɛ nokwafo nyinara; 11–17, Nyimpa nyina befir edzi akɔ atseneneefo wusoɛr mu anaa afɔdzi wusoɛr mu; 18–24, Nkorɔfo a wɔtse wiadze horow nyinara mu no nam Jesus Christ No Werdambɔ no do bɛyɛ Nyankopɔn ne mbabanyin na ne mbabaa; 25–29, Nyame no bɔfoe hwee ase na ɔbɛyɛɛ abɔnsam; 30–49, Ɔsɛe mbambanyin no bohu amandze wɔ afɔbu a onnyiewiei no mu; na nkaa no nyinara benya nkwagye ne kyɛfa bi; 50–70, Wɔkyerɛ hɔn a wonya nkwagye ntowdo no hɔn enyimnyam na akatua wɔ celestial ahenman no mu; 71–80, Wɔkyerɛ hɔn a wobenya terrestrial ahenman no mu; 81–113, Wɔkyerɛkyerɛ hɔn a wɔwɔ telestial, terrestrial na celestial enyimnyam no hɔn gyinabew mu; 114–119, Nokwafo no bodua Sunsum Krɔnkrɔn no tum mu ehu Nyankopɔn n’aheman mu esumasɛm na wɔatse ase.
Ɔfã 77
1–4, Mbowa wɔ esunsum na wɔbɛtsena ase onnyiewiei enyigye mu; 5–7, Asaase yi bɛtsena hɔ mfe tsiabaa, mpemesuon; 8–10, Abɔfo ahorow san dze asɛmpa no ba asaase do na wɔsom; 11, Nyimpa mpem ɔha eduanan-anan hɔn nsɔwano; 12–14, Christ bɛba mfe mpemesuon n’ahyɛse no mu; 15, Nkɔnhyɛfo beenu na wobeyi hɔn ama Jewfo hɔn man no.
Ɔfã 78
1–4, Ahotseweefo no wɔ dɛ wohyia na wosi adzekoradan; 5–12, Sɛ wɔhwɛ hɔn egyapadze do yie a, obegya hɔn akɔ nkwagye mu; 13–14, Ɔnnsɛ dɛ Asɔr no twer asaase do tum; 15–16, Michael, (Adam) som wɔ Krɔnkrɔnnyi (Christ) no ne nkyerɛkyerɛ ase; 17–22, Nhyira akã agyedzifo, osiandɛ wobenya adze nyinara edzi.
Ɔfã 79
1–4, Wɔfrɛ Jared Carter dɛ ondua Ɔwerɛkyekyefo no do nkã asɛmpa no.
Ɔfã 80
1–5, Wɔfrɛ Stephen Burnett na Eden Smith dɛ wɔnkɛkã asɛmpa wɔ beebiara a wɔpɛ.
Ɔfã 81
1–2, President a Odzi Kan na n’Apamfo no na daa nyina wokura ahenman no ne nsaafee; 3–7, Sɛ Frederick G. Williams dzi nokwar wɔ no ɔsomdwumadzi mu a, obenya onnyiewiei nkwa.
Ɔfã 82
1–4, Nyia wɔama no dodow no, wɔbɛgye dodow efi no hɔ; 5–7, Sum na odzi hen wɔ wiadze; 8–13, Sɛ yedzi dza Ewuradze akã no do a, yɛbɔ No dua mu; 14–18, Ɔsɛ dɛ Zion tu mpon wɔ ahoɔfɛw na krɔnkrɔnyɛ mu; 19–24, Ɔwɔ dɛ nyimpa biara hwehwɛ ne nyɛnko ne yieyɛ.
Ɔfã 83
1–4, Kwan da hɔ dɛ mbaa na mba nya kyɛfa wɔdan hɔn kunnom na egyanom no ma wɔhwɛ hɔn 5–6, Kwan da hɔ dɛ ekunafo na ngyankaba nya kyɛfa wɔdan Asɔr no ma ɔhwɛ hɔn.
Ɔfã 84
1–5, Wɔbɛkyekyer Jerusalem Fofor no na woeesi temple no wɔ Missouri; 6–17, Wɔdze asɔfodzi santsen no fi Moses aber do dze bodu Adam aber do no ma; 18–25, Asɔfodzi a ɔkrɔn no na okitsa Nyankopɔn no ho nyimdzee saafee; 26–32, Asɔfodzi kuma no na okitsa abɔfo hɔn som ho nsaafee na odzi asɛmpa no ne nyienyim ho dwuma; 33–44, Nyimpa nam asɔfodzi nsewdzi na ahyɛmudzi do nya onnyiewiei nkwa; 45–53, Christ no Sunsum tsew nyimpa n’adwen mu, na wiadze tse bɔn mu; 54–61, Ahotseweefo no wɔ dɛ wɔgye dase wɔ ndzɛmba a hɔn nsa akã no ho; 62–76, Ɔwɔ dɛ wɔkã asɛmpa no, na nsɛnkyerɛdze bedzi ekyir; 77–91, Onnyi dɛ elderfo no fa sika kotoku anaa bɔtɔ, na Ewuradze bɔhwɛ hɔn ehiadze; 92–97, Ɔyardɔm na ndom wɔ hɔ ma hɔn a wɔpow asɛmpa no; 98–102, Wɔma Zion no ɔpon ho ndwom fofor no; 103–110, Wɔmma nyimpa biara ngyina nankasa ne dzibew na ɔnyɛ n’edwuma a wɔafrɛ no dɛ ɔnyɛ no; 111–120, Ɔwɔ dɛ Ewuradze no nkowaa bɔ amambɔe ekyiwadze a ɔbɛba nda a odzi ekyir no ho dawur.
Ɔfã 85
1–5, Zion egyapadze no, ɔwɔ dɛ wodua afɔrbɔ do wɔdze ma; 6–12, Obi a ɔyɛ otumfo na noho yɛ dzen na ɔdze Ahotseweefo no hɔn egyapadze bɛma hɔn wɔ Zion.
Ɔfã 86
1–7, Ewuradze kyerɛ abɛbusɛm a ɔfa ewifua na nworahaban ho no ase; 8–11, Ɔkyerɛ asɔfodzi nhyira mu kyerɛ hɔn a wɔyɛ adzedzifo wɔ mbra kwan do, dɛ mbrɛ honam afamu tse.
Ɔfã 87
1–4, Wɔhyɛ ɔkõ a obesi America Etsifi na America Anaafo ntamu ho nkɔm; 5–8, Ahokyer kɛse bɛba asaase mba nyina do.
Ɔfã 88
1–5, Ahotseweefo nokwafo no nya dɛm Ɔwerɛkyekyefo, no a ɔyɛ onnyiewiei nkwa anohoba no; 6–13, Christ Ne Kan no na ɔkora na ɔhwɛ adze nyina do; 14–16, Owusoɛr no fi Ɔpon mu ba; 17–31, Setsie a nyimpa bɛyɛ ama celestial, terrestrial, anaa telestial ho mbra no na osiesie nyimpa ma dɛm ahenman kor no na enyimnyam horow no mu biara; 32–35, Hɔn a wɔpɛ dɛ wɔtsena bɔn mu no bɛda ho atsena fĩ mu; 36–41, Wɔdze mbra hwɛ ahenman nyinara do; 42–45, Nyankopɔn ahyɛ mbra ama ndzɛmba nyina; 46–50, Nyimpa bɛtse Nyankopɔn mpo ase; 51–61, Abɛbusɛm a ɔfa ɔbarimba no a ɔsomaa no nkowaa ma wɔkɔr no kwã mu na ɔkɛseraa hɔn nkorkor no ho; 62–73, Hom ntwe mbɛn Ewuradze na hom bohu N’enyim; 74–80, Hom ntsew homho na hom nkyerɛkyerɛ homho ahenman no ho nkyerɛkyerɛ no; 81–85, Nyimpa biara a wɔabɔ no kɔkɔ no, no so mbɔ ne nyɛnko kɔkɔ; 86–94, Nsɛnkyerɛdze, wimuadze na asaase nye no mu ndwuma nsakyer, na abɔfo siesie kwan ma Ewuradze Ne mbae; 95–102, Abɔfo hɛn totorobɛnto dze frɛ ewufo wɔ hɔn nhyehyɛɛ do; 103–116, Abɔfo hɛn totorobɛnto dze bɔ asɛmpa no ne nsananamu, Babylon n’asehwe, nye Nyankopɔn no kõ kɛse no ho dawur; 117–126, Hom mper nsũa, hom nsi Nyankopɔn Ne (temple), na hom mfa ayamuyie mfura homho; 127–141, Wɔda Nkɔnhyɛfo Skuul no ho nhyehyɛɛ edzi, nye anan ho nhohoree ho ayɛdze no so.
Ɔfã 89
1–9, Wɔbra wenyin, nsãdzen, towa na anondze a ɔyɛ hyew; 10–17, Wohyira nhaban, nduadzewa, bɔnam na ewifua do ma nyimpa na mbowa dɛ wondzi; 18–21, Asɛmpa ne mbra, nye Enyansasɛm ho setsie dze honam mu na sunsum mu nhyira ba.
Ɔfã 90
1–5, Wɔdze ahenman ne nsaafee no ama Joseph Smith, na wodua no do dze ma Asɔr no; 6–7, Sidney Rigdon na Frederick G. Williams wɔ dɛ wɔsom wɔ President a Odzi Kan na n’Apamfo no mu; 8–11, Ɔwɔ dɛ wɔka asɛmpa no kyerɛ Israel aman, nye Amanamamfo, na Jewfo no; obiara wɔ dɛ ɔtse wɔ nankasa ne kasaa mu; 12–18, Joseph Smith na n’apamfo no wɔdɛ wɔtoto Asɔr no mu ndzɛmba esiado esiado; 19–37, Ewuradze tu ankorankor fo dɛ wɔnnantsew tɔɔtsen mu na wɔnsom wɔ N’ahenman mu.
Ɔfã 91
1–3, Esumadze no mu dodowara wɔkyerɛɛ ase yie na mbom no mu pii so nkorɔfo na wɔdze kãa ho a ɔnnyɛ nokwar; 4–6, Hɔn a sunsum no ama hɔn nyimdzee no nya mfaso fi mu.
Ɔfã 92
1–2, Ewuradze ma mbrasɛm a ɔfa mbrɛ wosi gye obi to nkabɔmu nhyehyɛɛ no mu.
Ɔfã 93
1–5, Hɔn a wodzi nokwar nyina bohu Ewuradze; 6–18, John gyee dase dɛ Nyankopɔn ne Ba no fii adom mu kɔr adom mu kɛpem dɛ Ne nsa kãa Egya no n’enyimnyam ne mãhyɛ no; 19–20, Nkorɔfo a wodzi nokwar na wofi adom mu kɔ adom mu no, so hɔn nsa bɛkã N’amãhyɛ no; 21–22, Hɔn a wɔnam Christ mu awo hɔn no yɛ Abakamba N’Asɔr no; 23–28, Christ ne nsa kãa nokwar nyina ne mãhyɛ no, na nyimpa so nam setsie do ne nsa bɛkã; 29–32, Ahyɛse no nna nyimpa nye Nyame wɔ hɔ; 33–35, Adzebɔdze no yɛ onnyiewiei, na nyimpa ne nsa botum akã enyigye ne mãhyɛ wɔ Owusoɛr no mu; 36–37, Nyankopɔn n’enyimnyam nye nyansa; 38–40, Osian Christ ne ɔpon no ntsi, mbofra nnyi mbrato wɔ Nyankopɔn enyim; 41–53, Wɔhyɛ enuanom a wodzi bano no dɛ wɔnhwɛ hɔn ebusua ebusua yie dɛ mbrɛ ɔsɛ.
Ɔfã 94
1–9, Ewuradze ma mbrasɛm a ɔfa dan a wobesi ama President na n’Apamfo Kuw no ma woedzi hɔn dwuma wɔ mu; 10–12, Wobesi dan a wobetsintsim nwoma wɔ mu; 13–17, Wɔkyɛɛ egyapadze bi dze mae.
Ɔfã 95
1–6, Wɔkã Ahotseweefo no enyim dɛ woenntum ennsi Ewuradze Ne fi no; 7–10, Ewuradze pɛ dɛ ɔdze tum fi sor kyɛ No nkorɔfo wɔ Ne fi mu; 11–17, Ɔwɔ dɛ wotu fie no si hɔ dze yɛ bea a wɔsom na Asomafo skuul.
Ɔfã 96
1, Ɔwɔ dɛ wɔhyɛ Kirtland Stake a ɔwɔ Zion no dzen; 2–5, Ɔwɔ dɛ bishop no kyekyɛ egyapadze no ma Ahotseweefo no; 6–9, Ɔwɔ dɛ wɔgye John Johnson to nkabɔmu nhyehyɛɛ no mu.
Ɔfã 97
1–2, Wohyira Ahotseweefo dodowara a wɔwɔ Zion (Jackson Mansin, Missouri) wɔ hɔn nokwardzi ho; 3–5, Wɔkamfo Parley P. Pratt wɔ dwuma a odzii wɔ Skuul a ɔwɔ Zion no ho; 6–9, Ewuradze gye hɔn a wodzi hɔn ahyɛmu do no; 10–17, Ɔwɔ dɛ wosi dan wɔ Zion, na no mu na hɔn a hɔn akoma mu tsew no bohu Nyame; 18–21, Zion nye hɔn a hɔn akoma mu tsew; 22–28, Sɛ Zion dzi nokwar a, wobefi Ewuradze n’ebufuhyew ano.
Ɔfã 98
1–3, Ahotseweefo hɔn amandzehu no bɔboa hɔn yieyɛ; 4–8, Ahotseweefo no wɔdɛ wofua amambusɛm mbra a ɔwɔ asaase no do no do; 9–10, Ɔwɔ dɛ wɔboa nokwafo, enyansafo, na apapafo no ma wobu man no; 11–15, Hɔn a wɔdze hɔn nkwa to hɔ wɔ Ewuradze no dwumadzi mu no benya onnyiewiei nkwa; 16–18, Wonkyir ɔkõ na wɔmbɔ asomdwee ho dawur; 19–22, Wɔkã Ahotseweefo a wɔwɔ Kirtland no enyim na wɔhyɛ hɔn dɛ wonnu hɔnho; 23–32, Ewuradze da Ne mbra a ɔkora atseetsee na amandze a No nkorɔfo ruhu no edzi; 33–38, Sɛ Ewuradze hyɛ dɛ wɔnkõ a nna ɔtsen; 39–48, Ahotseweefo wɔ dɛ wɔdze hɔn atamfo hɔn mfom kyɛ hɔn, na sɛ dɛm nkorɔfo no nu hɔnho a, wobefi Ewuradze n’ebufuhyew no mu.
Ɔfã 99
1–8, Wɔfrɛ John Murdock dɛ ɔmbɔ asɛmpa no dawur, na hɔn a wɔgye no no, gye Ewuradze na wobohu hɔn mbɔbɔr.
Ɔfã 100
1–4, Joseph na Sidney wɔdɛ wɔkɛkã asɛmpa no ama akra eenya nkwagye; 5–8, Dɔn no mu wɔdze dza ɔsɛ dɛ wɔnkã no bɛma hɔn; 9–12, Sidney nyɛ ɔkasamaafo na Joseph nyɛ obi a onya oyikyerɛfo, na ɔyɛ ɔdasegyefo mapã; 13–17, Ewuradze beyi nkorɔfo a hɔn ho tsew ama, na wɔbɛgye hɔn a wɔyɛ setsie no nkwa.
Ɔfã 101
1–8, Wɔtsẽa Ahotseweefo no na wohu amandze wɔ hɔn mbrato ntsi; 9–15, Ewuradze bohue n’ebufuhyew egu aman nyina do, na mbom wɔbɔboa No nkorɔfo ano na wɔakyekye hɔn werɛ; 16–21, Wɔbɛkyekyer Zion na ne stake nyina; 22–31, Wɔda mbrɛ Mfe Apem mu asetsena no bɛyɛ no edzi; 32–42, Wobehyira Ahotseweefo no na woenya hɔn akatua so; 43–62, Abɛbusɛm a ɔfa ɔdzefo na olive ndua ho no kyerɛ ɔhaw a ɔbɛba Zion do na ekyir no wɔbɔpon no no; 63–75, Ɔwɔ dɛ wɔkɔ do boaboa Ahotseweefo no ano; 76–80, Ewuradze hyehyɛɛ United States Amambusɛm no, 81–101, Ahotseweefo no wɔ kwan dɛ wɔdze hɔn asɛm kɔto enyim ma wɔhwehwɛ mu ma hɔn, tse dɛ mbrɛ abɛbusɛm a ɔfa ɔbaa na ɔtsɛmbuafo sisifo ho no.
Ɔfã 102
1–8, Woyi abaguafo etsitsir bi si hɔ dɛ hɔn na wɔbɔhwɛ esiesie nsɛm a ɔyɛ dzen a obesi Asɔr no mu no; 9–18, Wɔma akwan a wɔbɛfa do ebua nsɛm no; 19–23, President a ɔda abaguafo no ano no na obobua asɛm biara; 24–34, Wɔkyerɛw nhyehyɛɛ a wɔbɛfa do adan asɛm a woebua no to hɔ.
Ɔfã 103
1–4, Siantsir a Ewuradze maa kwan ma wɔtseetsee Ahotseweefo no a wɔwɔ Jackson Mansin no; 5–10, Sɛ Ahotseweefo no dzi mbrasɛm no do a, wobedzi konyim; 11–20, Wɔnam tum do bɔpon Zion, na Ewuradze bedzi No nkorɔfo enyim akɔ; 21–28, Ɔwɔ dɛ Ahotseweefo no boa hɔn ano wɔ Zion, na hɔn a wɔdze hɔn nkwa to hɔ no benya no bio; 29–40, Wɔfrɛ enuanom binom dɛ wɔnhyehyɛ Zion ne nseraban, na womfi hɔ nkɛtsena Zion; wɔbɔ hɔn anohoba dɛ sɛ wodzi nokwar a wobedzi konyim.
Ɔfã 104
1–10, Ahotseweefo a wɔtõ nkabɔmu nhyehyɛɛ no mu mbra no ndom bɛkã hɔn; 11–16, Ewuradze wɔ nankasa No kwan a ɔfa do dze boa N’Ahotseweefo; 17–18, Asɛmpa mbra no na ɔhwɛ ma wɔboa ehiafo; 19–46, Wɔkyekyɛ dwumadzi na nhyira ma enuanom binom; 47–53, Nkabɔmu nhyehyɛɛ a ɔwɔ Kirtland no na nhyehyɛɛ a ɔwɔ Zion no no mu biara wɔdɛ odzi nankasa no dwuma; 54–66, Woetu Ewuradze no foto a wɔatsew ho no esi hɔ dɛ wɔdze betsintsim kyerɛwsɛm no; 67–77, Ɔwɔ dɛ wɔyɛ adwen kor dze hwɛ nkabɔmu nhyehyɛɛ ne sikakorabew nyina no do; 78–86, Hɔn a wɔwɔ nkabɔmu nhyehyɛɛ no mu no wɔdɛ wotua hɔn akaw nyina, na Ewuradze beyi hɔn efi ohia nkowaasom mu.
Ɔfã 105
1–5, Wɔbɛkyekyer Zion dɛ mbrɛ celestial ahenman mbra no tse; 6–13, Wɔtwẽ Zion no mponee no kɔ ekyir, hyɛber kakra; 14–19, Ewuradze bɔkõ Zion ɔkõ no; 20–26, Ber a Ahotseweefo no roboa hɔn ano no, ɔwɔ dɛ wohu nyansa, onnyi dɛ wotuw wɔ ndwuma akɛse ho; 27–30, Nsaase a ɔwɔ Jackson nye amansin a ɔtoatoa do no ɔwɔ dɛ wɔtɔ; 31–34, Elderfo no wɔ dɛ hɔn nsa ka endowment wɔ Ewuradze ne fi a ɔwɔ Kirtland no mu; 35–37, Wɔbɛtsew Ahotseweefo a wɔafrɛ hɔn nye hɔn a wɔasan mu eyi hɔn no nyina ho; 38–41, Ahotseweefo no wɔdɛ wɔma asomdwee frankaa do kyerɛ wiadze.
Ɔfã 106
1–3, Wɔfrɛ Warren A. Cowdery dɛ ɔnhwɛ asɔr a ɔwɔ apaamu hɔ no do; 4–5, Mbae a Otsĩa Ebien no remmba kan mba no do dɛ owifo; 6–8, Nhyira kɛse bedzi hɔn a wɔsom nokwar mu wɔ asɔr no mu no hɔn ekyir.
Ɔfã 107
1–6, Asɔfodzi ahorow ebien na ɔwɔ hɔ; Melchizedek dze na Aaron dze; 7–12, Hɔn a wokura Melchizedek asɔfodzi no wɔ tum dɛ wodzi dwuma wɔ Asɔr no mu dzibew nyina mu; 13–17, Bishop na n’apamfo na wɔhwɛ Aaron Asɔfodzi no do, dza odzi enyido ayɛdze ho dwuma no; 18–20, Melchizedek Asɔfodzi no na okura sunsum mu nhyira nyina ne nsaafee no; Aaron Asɔfodzi no na okura abɔfo hɔn som ne nsaafee; 21–38, President a Odzi Kan na n’Apamfo no, Duebien no, nye Eduosuon, hɔn a wɔbɔmu yɛ quorumfo banodzifo ahorow no, hɔn na ɔwɔ dɛ wɔbɔ adwenpɔw wɔ biribiara ho wɔ koryɛ na tseneneeyɛ mu; 39–52, Patriarch nhyehyɛɛ no fi Adam aber do dze kesi Noah aber do; 53–57, Tsetseberdo Ahotseweefo no hyiaa mu wɔ Adam-ondi-Ahman, na Ewuradze yii noho kyerɛɛ hɔn; 58–67, Duebien no wɔ dɛ wɔdze Asɔr no mu dzibew dzifo no sisi hɔn sibew do; 68–76, Bishopfo no nye atsɛmbuafo wɔ Israel; 77–84, President a Odzi Kan no na n’Apamfo no nye Duebien no na wɔbɔmu yɛ Asɔr n’asɛndzifo tsitsir; 85–100, Asɔfodzi presidentfo no na wɔhwɛ hɔnara quorum ahorow no do.
Ɔfã 108
1–3, Wɔdze Lyman Sherman no bɔn akyɛ no; 4–5, Wɔbɛkan no akã elderfo a wɔyɛ Asɔr no mu banodzifo no ho; 6–8, Wɔfrɛ no dɛ ɔnkã asɛmpa no na ɔnhyɛ n’enuanom no dzen.
Ɔfã 109
1–5, Wosi Kirtland Temple no dɛ ɔyɛ bea a Nyimpa Ba no bɛba abɛsera hɔ; 6–21, Ɔbɛyɛ mpaabɔ, akɔnkye, gyedzi, adzesũa, enyimnyam na fi a wɔyɛ ndzɛmba esiado esiado, na Nyankopɔn ne fi; 22–33, Ama nyia onnu noho na otsia Ewuradze no nkorɔfo no n’enyim egu ase; 34–42, Ama Ahotseweefo no akɔboaboa atseneneefo no ano dze hɔn akɔ Zion wɔ tum mu; 43–53, Ama wɔagye Ahotseweefo no efi ndzɛmba huhu a worubohue egu emumuyɛfo do wɔ nda a odzi ekyir no mu; 54–58, Ama aman na nkorɔfo nye asɔrasɔr esiesie hɔnho ama asɛmpa no; 59–67, Ama wɔapon Jewfo, Lamanfo na Israel nyina; 68–80, Ama wɔafa enyimnyam na abɔdzin ahyɛ Ahotseweefo no ahenkyɛw, na woenya onnyiewiei nkwagye no.
Ɔfã 110
1–10, Ewuradze Jehovah puee wɔ enyimnyam mu na ɔgye Kirtland Temple no to mu dɛ Ne fie; 11–12, Moses na Elias hɔn mu kor biara puee na wɔdze hɔn mber ano ho nsaafee ma; 13–16, Elijah san ba na ɔdze ne mber ano ho nsaafee ma dɛ mbrɛ Malachi bɔɔ ho anohoba no.
Ɔfã 111
1–5, Ewuradze hwɛ No nkowaa hɔn honam afamu ehiadze; 6–11, Ɔnye Zion bedzi no ehumbɔbɔr mu na Oesiesie ndzɛmba nyina ama No nkowaa hɔn yieyɛ.
Ɔfã 112
1–10, Duebien no wɔ dɛ wɔdze asɛmpa no kɔ na wɔma kɔkɔbɔ ndze do dze bɔ aman na nkorɔfo nyina kɔkɔ; 11–15, Ɔwɔ dɛ wɔfa hɔn mbeamudua, wɔkã Jesus do, na wɔnyɛn No nguan no; 16–20, Hɔn a wɔgye President a Odzi Kan no na n’Apamfo no gye Ewuradze; 21–29, Sum kata asaase do, na hɔn a wɔgye dzi na wonuma hɔn no na wɔbɛgye hɔn nkwa; 30–34, President a Odzi Kan no na n’Apamfo nye Duebien no na wokura mberano ne mãhyɛ ne nsaafee no.
Ɔfã 113
1–6, Jesse no dusin, odubaa a ofi mu bae, nye Jesse no ndwow no wɔda no edzi; 7–10, Wɔfrɛ Zion n’asefo no a wɔabɔ hɔn apetse no dɛ wɔnsan mbra Ewuradze hɔ na wɔwɔ asɔfodzi no ho kwan.
Ɔfã 114
1–2, Hɔn a wokura dzibew wɔ Asɔr no mu a wonndzi nokwar no, wɔdze hɔn dzibew no bɛma binom.
Ɔfã 115
1–4, Ewuradze to N’Asɔr no dzin Jesus Christ N’Asɔr a ɔwɔ hɔ ma Nda a Odzi Ekyir Ahotseweefo; 5–6, Zion na ne stake yɛ bambɔ na sumabew ma Ahotseweefo no; 7–16, Wɔhyɛ Ahotseweefo no dɛ wonsi Ewuradze Ne fi wɔ Far West; 17–19, Joseph Smith kura Nyankopɔn n’ahenman ne nsaafee wɔ asaase do.
Ɔfã 116
Ɔfã 117
1–9, Ɔnnsɛ dɛ Ewuradze no nkowaa hɔn enyi ber wiadze ndzɛmba, na “egyapadze yɛ ebɛnadze ma Ewuradze?” 10–16, Ɔwɔ dɛ wɔpow ɔkra a ɔyɛ sunsum mu ketseaba, na hɔn afɔrbɔ bɛyɛ krɔnkrɔn ama Ewuradze.
Ɔfã 118
1–3, Ewuradze bɔhwɛ Duebien no hɔn ebusua ebusua; 4–6, Wɔhyɛ dzibew a wɔada hɔ pan wɔ Duebien no mu mba mu no ananmu.
Ɔfã 119
1–5, Ɔwɔ dɛ Ahotseweefo no dze hɔn ahodze a ɔabor do no ma, na nkyii mfaso a wobenya wɔ hɔn dwuma a wobedzi wɔ afe no mu no, wɔkyɛ mu du, na wɔdze kor etua hɔn ebupɛn du; 6–7, Dɛm nyɛe yi bɛtsew Zion asaase ho.
Ɔfã 120
Ɔfã 121
1–6, Nkɔnhyɛnyi no totɔ serɛ Ewuradze dze ma Ahotseweefo no a woruhu amandze no; 7–10, Ewuradze kã asomdwee ho nsɛm kyerɛ no; 11–17, Ndom nkã hɔn a wɔkã mbrato tsia Ewuradze no nkorɔfo no; 18–25, Worinnya kyɛfa wɔ asɔfodzi no mu na wobobu hɔn fɔ; 26–32, Wɔdze enyimnyam nyikyerɛ bɔ hɔn a wɔsɔw nsɔhwɛ akokodur mu no anohoba; 33–40, Siantsir a wɔafrɛ dodowara na kumaabi na wɔasan mu eyi hɔn; 41–46, Ɔwɔ dɛ wɔdze asɔfodzi no dzi dwuma wɔ kwan tsenenee nko do.
Ɔfã 122
1–4, Asaase n’ano n’ano bɔhwehwɛ Joseph Smith ne dzin ekyir kwan; 5–7, N’esian na ne yaw bɛma no ntɔhunii a ɔbɔboa ne yieyɛ; 8–9, Nyimpa Ba no duaa iyinom nyina mu.
Ɔfã 123
1–6, Ahotseweefo no wɔ dɛ wɔboaboa ano na wɔkyerɛw hɔn amandzehu nye atseetsee ho nsɛm na wotsintsim dze pue guado; 7–10, Dɛm sunsum kor no ara a ɔdze atorsɛm bae no, ɔnoara so na ɔma wɔtseetsee Ahotseweefo no; 11–17, Asɔrasɔr mu nkorɔfo dodowara hɔn nsa bɛkã nokwar no.
Ɔfã 124
1–14, Wɔhyɛ Joseph Smith dɛ ɔmbɔ asɛmpa no dawur awɔse mu nkyerɛ ɔmampanyin a ɔhwɛ United States nye ambradofo, nye aman nyina do ahemfo; 15–21, Osian Hyrum Smith, David W. Patten, Joseph Smith Panyin, nye binom so a wɔkã atseasefo nye ewufo ho no, hɔn nokwardzi na papayɛ ntsi, wobehyira hɔn; 22–28, Wɔhyɛ Ahotseweefo dɛ wonsi enyigyebea mma ahɔho na wonsi temple so wɔ Nauvoo; 29–36, Ɔwɔ dɛ wɔyɛ enuma dze ma ewufo wɔ temple mu; 37–44, Mber nyina Ewuradze no nkorɔfo si temple ama wɔaayɛ ayɛdze krɔnkrɔn wɔ mu; 45–55, Wɔ se Ahotseweefo no dɛ osian hɔn atamfo a wɔretseetsee hɔn ntsi, mma wonnsi temple wɔ Jackson County; 56–83, Wɔkyerɛɛ kwan a wɔmfa do nsi Nauvoo Dan no; 84–96, Wɔfrɛɛ Hyrum Smith dɛ ɔmbɛyɛ patriarch, dɛ ɔngye nsaafee no, na ongyina Oliver Cowdery n’anan mu; 97–122, Wotuu William Law na binom fo wɔ hɔn edwumayɛ ho; 123–145, Wɔbobɔɔ wiadze mfɛndzanan na apaamu dzibewdzifo binom hɔn edzin na wɔdze hɔn quorum ndwuma a ɔsɛ dɛ wodzi hyɛ hɔn nsa.
Ɔfã 125
1–4, Ahotseweefo no wɔ dɛ wɔkyekyer nkurow na wɔboa hɔn ano kɔ stake dodow a ɔwɔ Zion no mu no.
Ɔfã 126
1–3, Wɔkamfo Brigham Young no dwumadzi na wɔse no dɛ mma onntu kwan nnkɔ ekyir bio.
Ɔfã 127
1–4, Joseph Smith dzi dɛw wɔ atseetsee na abɛbrɛsɛ mu; 5–12, Ɔwɔ dɛ wɔkyerɛw enuma a wɔyɛ ma ewufo ho nsɛm to hɔ.
Ɔfã 128
1–5, Apaamu na wiadze mfɛndzanan Asɔr akyerɛwfo no wɔ dɛ wɔkyerɛw gye dase wɔ enuma a wɔyɛ ma ewufo no ho nokwar; 6–9, Hɔn dza wɔakyerɛw no wɔkyekyer no asaase do na wɔkyerɛw no wɔ ɔsor so; 10–14, Enuma bura no gyina hɔ ma owumaa mu; 15–17, Elijah dze tum a wɔdze yɛ enuma ma ewufo no asan ama; 18–21, Wɔdze tsetseberdo nsaafee, ahoɔdzen na tum na tumdzi asan ama; 22–25, Wɔkã enyigye na enyimnyam nsɛm no kyerɛ atseasefo nye ewufo.
Ɔfã 129
1–3, Nkorɔfo a woewuwu na wɔasoɛr efi owu mu nye hɔn a wɔwɔ esunsum nyimpadua nyinara wɔ sor; 4–9, Wɔama nsaafee a ɔbɛma woehu asomafo a wɔwɔ ntwamutam no ekyir.
Ɔfã 130
1–3, Egya na Ɔba no botum eyi hɔnho ankasa akyerɛ nyimpa; 4–7, Abɔfo tse celestial wiadze mu; 8–9, Celestial asaase no bɛyɛ Urim na Thummim kɛse bi; 10–11, Wɔdze ɔbo fitaa ma hɔn a wɔhɛn celestial wiadze mu nyina; 12–17, Wɔdze Mbae a Otsĩa Ebien no esuma Nkɔnhyɛnyi no; 18–19, Nyansa biara a yebenya wɔ dɛm asetsena yi mu no, nye hɛn bɔsoɛr wɔ Owusoɛr no mu; 20–21, Nhyira nyina nam setsie a yɛdze ma mbra no do ba; 22–23, Egya no na Ɔba no wɔ honam na mbiew nyimpadua.
Ɔfã 131
1–4, Celestial awar ho hia ma nkwagye ntowdo a ɔwɔ ɔsorsor no; 5–6, Wɔkyerɛkyerɛ mbrɛ wosi sɔw nyimpa ano ma onnyiewiei nkwa mu; 7–8, Sunsum nyina yɛ abɔdze-dze.
Ɔfã 132
1–6, Wɔnam ahyɛmudzi fofor a ɔwɔ hɔ daapem no do nya nkwagye ntowdo; 7–14, Wɔda dɛm ahyɛmudzi no ho mbra na nhyehyɛɛ; 15–20, Celestial awar na ebusuatɔw no nkɔdo no nna ɔma nyimpa tum bɛyɛ enyame; 21–25, Kwan tsẽaba na no mu yɛ nkekãnkekã no na wɔfa do kɔ onnyiewiei nkwa mu; 26–27, Mbra a wɔdze mae a ɔfa hɔn a wɔkasa tsia Sunsum Krɔnkrɔn no; 28–39, Onnyiewiei ndɔree na nkwagye ntowdo ho anohoba no wɔdze bɔ nkɔnhyɛfo na Ahotseweefo no wɔ mber nyina mu; 40–47, Wɔma Joseph Smith tum dɛ ɔnkyekyer na ɔnsɔw ano wɔ asaase na sor; 48–50, Ewuradze sɔw no nkwagye ntowdo ano wɔ no do; 51–57, Wotu Emma Smith fo dɛ onnya gyedzi na ondzi nokwar; 58–66, Wɔda mbra a wɔdze hwɛ awar pii do edzi.
Ɔfã 133
1–6, Wɔhyɛ Ahotseweefo no dɛ wonsiesie hɔnho mma Mbae a Otsĩa Ebien no; 7–16, Wɔhyɛ nyimpa nyina dɛ wonguan mfi Babylon, wɔmbra Zion, na wonsiesie hɔnho mma Ewuradze Ne da kɛse no; 17–35, Obegyina Bepɔw Zion do, aman nyina bɛyɛ asaase kor, Israel ebusuakuw a ɔayew no bɛsan aba; 36–40, Wɔnam Joseph Smith do dze asɛmpa no asan aba aama wɔaakã wɔ wiadze nyina mu; 41–51, Ewuradze besian emumuyɛfo do wɔ awerdzi mu; 52–56, Ɔbɛyɛ no wɔ No ɔpon ber no mu; 57–74, Ɔwɔ dɛ wɔdze asɛmpa no kɔ ma ɔkɛgye Ahotseweefo no nkwa na ɔsɛɛ emumuyɛfo no.
Ɔfã 134
1–4, Aban wɔdɛ ɔkora obiara ne fahodzi wɔ dza nankasa ne tsibowa se no ho na ɔsom wɔ kwan a ɔpɛ do; 5–8, Nyimpa nyina wɔ dɛ wɔgye hɔn aban abamba na wɔkyerɛ obu na enyidzi ma mbra no; 9–10, Ɔnnsɛ dɛ nyamesomfo ekuwekuw no nya tum a wɔdze bobua amansɛm; 11–12, Nyimpa wɔ mbra kwan dɛ wɔsoɛr gyina bɔ hɔnho na hɔn egyapadze ho ban.
Ɔfã 135
1–2, Wokum Joseph na Hyrum wɔ hɔn gyedzi ho ntsi wɔ Carthage Efiadze; 3, Wɔda Nkɔnhyɛnyi no gyinabew a ɔkrɔn no edzi; 4–7, Hɔn bɔgyaa a afɔdzi biara nnyi ho no gye dase wɔ nokwar no nye dwuma a ofi sor ho.
Ɔfã 136
1–16, Mbrɛ wobesi ahyehyɛ Israel n’asese no dze atweɔn kwan a wobotu akɔ anee afamu no wɔkyerɛ mu; 17–27, Wɔma Ahotseweefo no asɛmpa ho nkyerɛkyerɛ pii a wɔbɛfa do dze abɔ hɔn bra; 28–33, Ahotseweefo no wɔdɛ wɔtow ndwom, saw, bɔ mpaa na wosũa nyansa; 34–42, Woku nkɔnhyɛfo ama wɔaabɔ hɔn abɔdzin na woeebu emumuyɛfo fɔ.
Ɔfã 137
1–6, Nkɔnhyɛnyi no hu no nuabanyin Alvin wɔ celestial ahenman no mu; 7–9, Wɔda ewufo hɔn nkwagye ho nkyerɛkyerɛ edzi kyerɛ; 10, Wɔgye mbofra nyina nkwa wɔ celestial ahenman no mu.
Ɔfã 138
1–10, President Joseph F. Smith dwendwen Peter ne kyerɛwsɛm no nye hɛn Ewuradze ne sera a, ɔkɛseraa esunsum wiadze no ho; 11–24, President Smith ohu atseneneefo a woewuwu no dɛ woehyia mu wɔ paradise, na Christ ne somdwumadzi wɔ hɔn mu; 25–37, Ohu mbrɛ wosii hyehyɛɛ asɛmpakã dwuma no wɔ esunsum no mu; 38–52, Ohu Adam, Eve na nkɔnhyɛfo krɔnkrɔn pii wɔ sunsum wiadze, na wosusu dɛ hɔn sunsum asetsena a nna wɔwɔ mu ansaana wɔrobɔsoɛr efi ewufo mu no tse dɛ wɔwɔ nkowaasom mu; 53–60, Ahotseweefo a woewuwu aber yi mu kɔ do yɛ hɔn edwuma wɔ sunsum wiadze mu.