Tuanga 91
Te eeuanga tei orongaia mai na roto ia Iosepha Timeti te Peroveta, i Kirtland, Ohio, i te rā 9 o Mati, 1833 (History of the Church, 1:331–332). Te rave ra te Peroveta i te akaurianga o te Koreromotu Taito i taua taime ra. Kia tae aia ki taua tuanga o te au tataanga taito tei tuatuaia e Apokiripa, kua ui atu aia ki te Atu e kua rauka mai teia akamāramaanga.
1–3, Kua tika te akauriangaia o te maataanga o te Apokiripa i na ra e maata te au tuatua tei akauriuriia mai e te au rima o te au tangata e kare e tika ana; 4–6, Ka puapinga no ratou te ka akamāramaramaia e te Vaerua.
1 Tika tikai, te tuatua maira te Atu kia koe no runga i te au Apokiripa—E manganui oki te au mea tei vai ki roto i teia mea nei tei kiteaia mai e kua tika, e kua akauriia mai te maataanga ma te tika tikai;
2 E manganui katoa te au mea tei vai ki roto tei kitea mai e kare i tika, tei akauriuriia e te rima o te tangata nei.
3 Tika tikai, taku e karanga atu kia koe, kare oki e anoanoia te Apokiripa kia akauriia.
4 No reira, ko te ka tatau i te reira, kia mārama aia e, ka akakite mai oki te Vaerua i te tuatua-mou;
5 E ko te ka akamāramaia e te Vaerua, ka rauka iaia te puapinga mei reira mai;
6 E ko tei kore e ariki mei ko mai i te Vaerua, kare aia e puapingaia. No reira, kare e anoanoia kia akauriia. Amene.