Scriptures
Te Apiianga E Te Au Koreromotu 80


Tuanga 80

Te eeuanga tei orongaia mai na roto ia Iosepha Timeti te Peroveta, i Hiram, Ohio, Mati 1832 (History of the Church, 1:257).

1–5, Kua kapikiia a Stephen Burnett e Eden Smith kia tutu ki roto i te ngai ua ta raua ka iki.

1 Tika tikai, te tuatua maira te Atu kia koe e taku tavini e Stephen Burnett: E aere koe, e aere koe ki roto i te ao nei e tutu atu i te evangelia ki te au mea ora te ka na raro mai i te tangi o toou reo.

2 E me ka inangaro koe i tetai tokorua noou, ka oronga atu au i taku tavini ia Eden Smith.

3 No reira, e aere korua e tutu i taku evangelia, me ki te tokerau e me ki te tonga, ki te itinga e me ki te opunga, kare e manatā, kare oki korua e ngaro.

4 No reira, e akakite i te au mea ta korua i akarongo, e irinaki tikai, e i kite e kua tika.

5 I na, ko te anoano tikai o tei kapiki ia korua, to korua Akaora, koia a Iesu Mesia. Amene.