Tuanga 40
Te eeuanga tei orongaia mai kia Iosepha Timeti te Peroveta e Sidney Rigdon, i Fayette, New York, Tianuare 1831 (History of the Church, 1:145). I mua ua ake i te tataanga o teia eeuanga nei, ko teia ta te Peroveta i tata atu: “No tei patoi a James Covill i te tuatua a te Atu, ma te oki atu ki tana au apiianga mua e tona iti tangata katoa, kua oronga mai te Atu kiaku e Sidney Rigdon katoa i teia eeuanga nei” (History of the Church, 1:145).
1–3, Na te mataku i te takingakino e te anoano o te ao nei i akatupu i te patoianga i te evangelia.
1 I na, tika tikai taku e karanga atu kia korua, kua tika oki te ngakau o taku tavini ko James Covill ki mua iaku, no te mea kua koreromotu mai aia kiaku e ka akono aia i taku tuatua.
2 E kua ariki aia i te tuatua ma te rekareka tikai, i na ra, kua viviki a Satani i te timata iaia; e kua riro te mataku o te takingakino e te au anoano o te ao nei ei akariro iaia kia patoi atu i te tuatua.
3 No reira, kua aati aia i taku koreromotu, e ka vai ua rai kiaku i taku ka rave kiaia kia tau ki taku ka manako. Amene.