Tuanga 44
Te eeuanga tei orongaia mai kia Iosepha Timeti te Peroveta e Sidney Rigdon, i Kirtland, Ohio, i te pae openga o Peperuare, 1831 (History of the Church, 1:157). Kia tau ki tei akatakaia i roto i te tataanga nei, kua iki te Akonoanga i tetai uipaanga maata kia raveia i te pae mua o te marama ko Tiunu te ka aru mai.
1ā3, Kia putuputu mai te au ereta ki te uipaanga maata; 4ā6, Kia angaanga kapiti ratou kia tau ki te au ture o te enua, e ma te akono i te putaua.
1 I na, te tuatua maira te Atu kia korua e taku nga tavini, e mea tau rava i roto iaku kia akaputuputu te au ereta o taku akonoanga ki te ngai okotai, mei te itinga e mei te opunga, mei te apatokerau e mei te apatonga, na roto i te reta, e me kore ra i tetai ravenga ke.
2 E ka tae akera, e mei te mea e kua tu akarongo ratou, e kua taangaanga i to ratou akarongo i roto iaku, ka riringi atu au i toku Vaerua ki rungaŹ¼o ia ratou i te rÄ e uipaŹ¼i ratou ki te ngai okotai.
3 E ka tae akera e ka aere ratou ki roto i te au tuanga enua e pini uake, ma te apii atu i te tataraara ki te au tangata katoatoa.
4 E maata te ka ariu mai, e ka rauka i reira ia korua te mana kia akatumu ia kotou uaorai kia tau ki te au ture a te tangata nei;
5 Kia kore i reira e mana o to kotou au enemi ki rungaŹ¼o ia kotou; e kia akaoraia oki kotou i roto i te au mea ravarai; e kia rauka ia kotou kia akono i taku au ture; e kia tataraia te au tapeka katoatoa ta te enemi e kimi nei i te takore i toku iti tangata.
6 I na, te tuatua atu nei au kia kotou, kia atoro atu kotou e tikaŹ¼i i tei putaua e tei ngere ma te oronga atu i te tauturu, e kia akonoia oki ratou e tae uatu ki te tuatau e oti ei te au mea ravarai kia tau ki taku ture tei rauka ia kotou na. Amene.