Tuanga 92
Te eeuanga tei orongaia mai kia Iosepha Timeti te Peroveta, i Kirtland, Ohio, i te rā 15 o Mati, 1833 (History of the Church, 1:333). Kua orongaia teia eeuanga kia Frederick G. Williams, ko tei ikiia mai i taua nga taime ra ei konitara i roto i te Ruru Peresideni Mua.
1–2, E akaueanga no runga i te akatomoanga ki te Akanooanga Taokotai.
1 Tika tikai, te tuatua maira te Atu, ka oronga atu au ki te akanooanga taokotai tei akatumuia kia tau ki te akaueanga tei orongaia atu i mua ake, e eeuanga e te akaueanga no runga i taku tavini ko Frederick G. Williams, kia ariki kotou iaia ki roto i teia akanooanga. Ko taku e tuatua nei ki tetai, te tuatua nei au no te katoatoa rava.
2 E pera katoa, te karanga atu nei au kia koe e taku tavini e Frederick G. Williams, ka riro koe ei mema oraora tikai i roto i teia akanooanga; e mei te mea e ka vai akarongo tikai koe i te akonoanga i te au akaueanga mua katoatoa ka akameitakiia mai koe e tuatau uatu. Amene.