Tuanga 131
Te au apiianga na Iosepha Timeti te Peroveta, tei orongaia i Ramus, Illinois, i te rā 16 e te 17 o Me, 1843 (History of the Church, 5:392–393).
1–4, Ko te akaipoipo tiretiera ka anoanoia e tikaʼi kia rauka te akateiteianga i roto i te rangi teitei rava; 5–6, I naea te tangata i te topiriangaia ki te oraanga mutukore; 7–8, E apinga te au mea vaerua katoatoa.
1 I roto i te kakā tiretiera e toru oki rangi, me kore ra tuanga;
2 E kia rauka te tuanga teitei rava atu, kia tomo rava tetai tangata na roto i teia akanooanga nei o te kautaunga e tikaʼi, [koia te koreromotu ou e te mutukore o te akaipoipoanga];
3 E me kare aia e pera, kare e rauka iaia.
4 Ka rauka iaia kia tomo atu ki roto i tetai, i na ra, ko te openga ïa o tona basileia; kare ana e akamaataia mai.
5 (Te rā 17 o Me, 1843.) Ko te tuatua papu o te totou, koia oki te kiteanga te tangata nei e kua topiriia aia ki te ora mutukore, na roto i te eeuanga e te vaerua o te totou, na roto i te mana o te Kautaunga Tapu.
6 Kare e rauka kia akaora i tetai tangata i roto i te kite kore.
7 Kare oki tetai mea mei roto mai i te kare. Ko te au vaerua e apinga ïa, i na ra e tu angiangi tikai e na te nga mata tiamā ua e kite i te reira;
8 Kare tatou e kite i te reira; i na ra, me akatukeia to tatou au kopapa ka kite tatou i reira e e apinga katoatoa ïa.