Ɔfã 87
Nyikyerɛ na nkɔnhyɛ a ɔfa ɔkõ ho a, wɔnam Joseph Smith Nkɔnhyɛnyi no do dze mae, wɔ Kirtland Ohio, anaa bea a ɔbɛn, Mumu 25, 1832. Aber yi mu no nna wentwiwentwi a ɔrokɔ do wɔ United States a ɔfa ndɔnkɔyɛ nye Carolina Anaafo a wogyaa dɛ wɔbɛgyegye tow ama federal ɔman no atahye. Joseph Smith n’abakɔsɛm no kã dɛ “ɔhaw a orupuepue wɔ amanaman ntamu no reda edzi” kyerɛ Nkɔnhyɛnyi no “kyɛn nkyɛ mbrɛ ɔtse dadaw no fitsi ber a Asɔr no hyɛɛ n’akwantu ase a ɔdze rifi sar do no.”
1–4, Wɔhyɛ ɔkõ a obesi America Etsifi na America Anaafo ntamu ho nkɔm; 5–8, Ahokyer kɛse bɛba asaase mba nyina do.
1 Nokwar, dɛm na Ewuradze se wɔ akõkoekõ a ɔnnkɛkyɛr na ɔaba ho, ɔbɛhyɛ ase efi aCarolina Anaafo dɛ etuatsew, na ɔdze nkakrankakra ne nsunsuando ekowie akra pii hɔn wu na amandze hu.
2 Na mber bi bɛba a aɔkõ besi aman nyina mu, na ɔbɛhyɛ ase efi bea yi do.
3 Na hwɛ, America Anaafo bɛtsew etua wɔ America Etsifi, na America Anaafo mu mba bɔto nsa afrɛ aman binom tse dɛ Ngyeresi Abɔrekyir man, dɛ mbrɛ wɔfrɛ no no, na hɔn so bɔto nsa afrɛ aman binom, dɛ mbrɛ ɔbɛyɛ a wobotum akõ agye hɔnho efi aman nkaa no nsa; na afei, aɔkõ besi aman nyina do.
4 Na ɔbɛba dɛ nda pii ekyir no, andɔnkɔfo bɔsoɛr etsia hɔn wuranom, na hɔn so wɔbɔboa hɔn ano nye hɔn akõ dze atsẽa hɔn.
5 Na ɔbɛba so dɛ koromanfo a wɔaka asaase no do no bɔboa hɔn ano, na hɔn bo bofuw kɛsenara, na wɔdze atseetsee a ɔyɛ dzen bɛtseetsee Amanamamfo no.
6 Na dɛm ntsi, nkrantsee a wɔbɔtwe nye bɔgya a obogu no bɛma hɔn a wɔwɔ asaase do aesi nkrum, na bɔkɔm, na ɔyardɔm, na asaasewosow, na sor mpaapaamu, na asenaman yerɛyerɛw huuhu so, bɛma hɔn a wɔwɔ asaase do no ehu Nyankopɔn Tumfo no n’ebufuw, na n’ebufuhyew, na ne cntsẽa nsa; ekesi dɛ ɔhyew a wɔahyehyɛ dɛ ɔbɛba daman do no bowie sã.
7 Na ahotseweefo hɔn sũ nye hɔn abɔgyaa begyaa dɛ ofi asaase do fow sor du bSabaoth Ewuradze n’asomu dɛ ondzi hɔn atamfo hɔn wer mma hɔn.
8 Dɛm ntsi, hom angyina mbea krɔnkrɔn do, na mma hom nnhihim, nkɛpem dɛ Ewuradze ne da no bɛba; na hwɛ, ɔreba bntsɛntsɛm, Ewuradze na ɔse. Amen.