Ɔfã 129
Nkyerɛkyerɛ a Joseph Smith Nkɔnhyɛnyi no dze mae, wɔ Nauvoo, Illinois, Kwakwar 9, 1843 ɔkyerɛɛ nsaafee etsitsir ebiasa no a ɔma wotum hu nokwar su a ɔda abɔfo hɔn som na esunsum hɔn som ntamu.
1–3, Nkorɔfo a woewuwu na wɔasoɛr efi owu mu nye hɔn a wɔwɔ esunsum nyimpadua nyinara wɔ sor; 4–9, Wɔama nsaafee a ɔbɛma woehu asomafo a wɔwɔ ntwamutam no ekyir.
1 Abɔdze ahorow ebien na wɔwɔ asor. Hɔn nye: bAbɔfo, a wɔyɛ cnyimpa-su bi a woewu na wɔasoɛr, wɔwɔ honam na mbiew nyimpadua—
2 Mfatoho bi nye dza, Jesus kãe no: Hom nsuo mo mu nhwɛ, osiandɛ sunsum nnyi ahonam na mbiew dɛ mbrɛ hom hu me dɛ mowɔ yi.
3 Otsĩa ebien nyimpa aatseneneefo a woedzi mu hɔn besunsum, hɔn a wɔnnsoɛree mmfii owu mu, na mbom woenya dɛm enyimnyam kor no ara bi.
4 Sɛ ɔsomafo bi ba na ɔse ɔdze nsɛm bi fi Nyankopɔn hɔ nam a, tsen wo nsa ma no na se no dɛ onkyia wo.
5 Sɛ ɔyɛ ɔbɔfo a obekyia wo, na ebɛtse nkã dɛ esuo ne nsamu.
6 Sɛ ɔyɛ nyimpa tsenenee a wɔama oedzi mu no sunsum a, ɔbɛba wɔ n’enyimnyam mu; osiandɛ ɔno nko nye kwan a obotum afa do aba—
7 Bisa no dɛ ɔmfa ne nsa nto wo nsamu nkyia wo, na ɔnnkɛkekã noho da, osiandɛ otsia sor mbra dɛ ɔtseneneenyi bɛdaadaa obi; na mbom ɔbɔkɔ do dze ne nsɛm a ɔdze nam no ama.
8 Sɛ ɔyɛ aabɔnsam a ɔadan noho kan bɔfoe a, sɛ ebisa no dɛ ɔmfa ne nsa nto wo nsamu nkyia wo a, ɔbɛtsen ne nsa ama wo, na ennkɛtse hwee wɔ wo nsamu; na dɛm ntsi eetum ehu no.
9 Dɛm nsaafee tsitsir ebiasa yi na hom botum afa do ehu sɛ dwumadzi biara fi Nyankopɔn hɔ.