Isahluko 49

UMormoni neeMfundiso Zakhe

amaqela amabini amadoda

Kwiminyaka emininzi emveni kokuba uYesu Krestu wayetyelele amaNifayithi, iqelana labantu lalishiya ibandla lazibiza amaLeymenayithi.

4 Nifayi 1:20

iqela liyathetha

Ekugqibeleni phantse bonke abantu baba ngaboni, amaNifayithi namaLeymenayithi.

4 Nifayi 1:45

U-Amaroni efihla iimbali ezingcwele

Indoda enobulungisa, u-Amaroni, waye neembali ezingcwele. UMoya Oyingcwele wamxelela ukuba makazifihle ukuze zikhuseleke.

4 Nifayi 1:48–49

U-Amaroni uthetha noMormoni omncinci.

U-Amaroni waxelela uMormoni, inkwenkwe eneminyaka elishumi, ukuba iimbali ezingcwele zazifihlwe phi. U-Amaroni wayeyazi ukuba angamthemba uMormon.

Mormoni 1:2–3

U-Amaroni noMormoni

Xa enama-24, uMormon wayemele ukuba ayokuthabatha amacwecwe kaNifayi aze abhale kuwo ngabantu bakhe.

Mormoni 1:3–4

AmaNifayithi namaLeymenayithi esilwa

Xa uMormoni wayeneminyaka eli-11, kwaqala imfazwe phakathi kwamaNifayithi namaLeymenayithi. AmaNifayithi aphumelela kwakho uxolo kwakhona.

Mormoni 1:6, 8–12

Abantu abaselayo

Kodwa amaNifayithi ayesona yade iNkosi yathatha abafundi bayo abathathu, kwaze kwaphela imimangaliso nokuphilisa. UMoya Oyingcwele waze wayeka ukukhokela abantu.

Mormoni 1:13–14

Mormoni

Xa uMormoni wayene-15, watyelelwa nguYesu Krestu. UMormoni wafunda okuninzi ngoMsindisi nokulunga kwakhe.

Mormoni 1:15

UMormoni ebukele amadoda amabini

UMormoni wayefuna ukushumayela ebantwini, kodwa uYesu akazange ayivume loo nto ngoba abantu babekhohlakele kakhulu. Iintliziyo zabo zazichasene noThixo.

Mormoni 1:16–17

UMormoni njengenkokheli yomkhosi

Kungekudala yaqala enye imfazwe. UMormoni wayemkhulu kwaye omelele, kwaye amaNifayithi akhetha yena ukuba makakhokele umkhosi wawo.

Mormoni 2:1

UMormoni ethetha nomkhosi

AmaNifayithi alwa namaLeymenayithi iminyaka emininzi. UMormoni wazama ukukhuthaza abantu bakhe ukuba balwele iintsapho namakhaya abo.

Mormoni 2:23

idabi

AmaNifayithi ayekhohlakele kangangokuba iNkosi yayingabancedisi.

Mormoni 2:26

UMormoni ethetha namadoda

UMormoni waxelela amaNifayithi ayezakusinda kuphela xa ayenokuguquka kwaye abhaptizwe. Kodwa abantu abavuma.

Mormoni 3:2–3

UMormoni ejonge umkhosi

Baqhayisa ngamandla abo, besithi bangawabulala onke amaLeymenayithi. Ngenxa yenkohlakalo yamaNifayithi, uMormon wala ukuwakhokela.

Mormoni 3:9–11

UMormoni eme nomkhosi

AmaLeymenayithi aqalisa ukoyisa amaNifayithi kuyo yonke imilo. UMormoni wenza isigqibo sokukhokela umkhosi wamaNifayithi kwakhona.

Mormoni 4:18; 5:1

UMormoni uhleli

Wayeyazi ukuba amaNifayithi akhohlakeleyo akasoze ayiphumelele imfazwe. Akazange aguquke okanye athandazele uncedo awayeluswele.

Mormoni 5:2

UMormoni etyhila amacwecwe

UMormoni wawathatha onke amacwecwe kwinduli apho u-Amaroni wayewafihle khona waze wabhalela abantu ababezakuthi ngenye imini bazifunde ezi mbali.

Mormoni 4:23; 5:9, 12

UMormoni neembali ezingcwele

Wayefuna wonke umntu, kuquka namaYuda, ukuba azi ngoYesu Krestu, aguquke kwaye abhaptizwe, kwaye aphile ivangeli kwaye asikelelwe.

Mormoni 5:14; 7:8, 10

UMormoni ubhala kwiimbali ezingcwele

UMoya Oyingcwele waphembelela uMormoni ukuba afake amacwecwe amancini kaNifayi, awayequlathe iziprofetho malunga nokuza kukaKrestu, kunye namacwecwe kaMormoni.

Mormoni 1:3–7

Umkhosi kaMormoni

UMormoni wawakhokela amaNifayithi ukuya kumhlaba waseKhumora, apho azilungiselela ukulwa namaLeymenayithi kwakhona.

Mormoni 6:4

Mormoni ebambe amacwecwe

UMormoni wayesaluphala. Wayeyazi ukuba le yayiyimfazwe yokugqibela. Wayengafuni ukuba amaLeymenayithi azifumane iimbali ezingcwele azitshabalalise.

Mormoni 6:6

UMormoni unika uMoronayi amacwecwe

Wanikeza ngamacwecwe kaMormoni kunyana wakhe, uMoronayi, wafihla amanye amacwecwe kwinduli yaseKhumora.

Mormoni 6:6

AmaNifayithi esifa

AmaLeymenayithi ahlasela kwaye abalula onke amaNifayithi ngaphandle kwangama-24. UMormoni wayenzakele.

Mormoni 6:8–11

UMormoni owonzakeleyo

UMormoni wayekhathazekile ngenxa yokuba amaNifayithi amaninzi ayeswelekile, kodwa wayeyazi ukuba ayeswelekile ngenxa yokwala uYesu.

Mormon 6:16–18

UYesu Krestu

UMormoni wayezamile ukufundisa amaNifayithi inyaniso. Wayewaxelele ukuba kubaluleke kangakanani na ukuba nokholo kuYesu Krestu.

Moronayi 7:1, 33, 38

UMormoni efundisa

Wayezamile ukubafundisa ukuba babenethemba ngenxa yeNtlawulelo kaYesu Krestu babe nothando lokwenene, olo iluthando olumsulwa lukaKrestu.

Moronayi 7:40–41, 47

UMormoni ebhala iincwadi

Kwaye uMormoni wayebhale iincwadi eziya kunyana wakhe, uMoronayi, owayefundise amaNifayithi ivangeli.

Moronayi 8:1–2

UMoronayi efunda incwadi

UMormoni wabhala ngenkohlakalo egqithiseleyo yamaNifayithi. Waxelela uMoronayi ukuba ahlale ethembekile kuYesu Krestu.

Moronayi 9:1, 20, 25

UMormoni ubulewe

AmaLeymenayithi ambulala uMormoni kunye nawo onke amaNifayithi ngaphandle koMoronayi, owagqibezela iimbali.

Mormoni 8:2–3