Isahluko 18
U-Alma oMncinane Uyaguquka
U-Alma noKumkani uMozaya babekhathazekile kukuba abangakholwayo babesenza amalungu eBandla atshutshiseke ngenxa yeenkolo zawo.
U-Alma wayenonyana ogama lingu-Alma. U-Alma Omncinane akazange azikholelwe iimfundiso zikayise wakhe kwaye waba yindoda engumenzi wobubi.
U-Alma Omncinane kunye noonyana abane bakaKumkani uMozaya balilwa iBandla. Bakhokelela abantu abaninzi ukuba bayeke iBandla kwaye babe ngabenzi bobubi.
U-Alma wathandazela unyana wakhe ukuba afunde inyaniso kwaye aguquke.
U-Alma Omncinane kwakunye noonyana bakaKumkani uMozaya baqhubeka ukuzama ukutshabalalisa iBandla.
Ngenye imini ingelosi yabonakala kubo. Ingelosi yathetha ngelizwi elikhulu elashukumisa umhlaba.
Amadodana amahlanu ayekhwankqisekile kangangokubana ade awa phantsi. Ekuqaleni ayengakwazi ukuyiqonda into ingelosi eyayiyithetha.
Ingelosi yaza iyimpendulo yemithandazo yamalungu ebandla. Ingelosi yabuza u-Alma Omncinane kutheni esilwa ngokuchasene nebandla.
Umhlaba washukuma njengoko ingelosi yayixelela u-Alma omncinane ukuba ayeke ukuzama ukutshabalalisa ibandla.
U-Alma Omncinane kunye noonyana bakaMozaya bawela phantsi kwakhona. Babebone ingelosi, kwaye babesazi ukuba ngamandla kaThixo awayeshukumise umhlaba.
U-Alma Omncinane wayemangele wade akakwazi nokuthetha. Waye waba buthathaka wade akakwazi nokushukumisa izandla zakhe.
Oonyana bakaMozaya bamfunqula u-Alma Omncinane bamsa kuyise wakhe bamxelela konke okuthe kwenzeka kubo.
U-Alma waye wavuya. Wayesazi ukuba uThixo wayeyiphendulile imithandazo yakhe.
U-Alma wabizela abantu abaninzi ndawonye ukuba babone into iNkosi eyayiyenzele unyana wakhe kunye noonyana bakaMozaya.
U-Alma, kunye nezinye iinkokheli zeBandla, bazila ukutya baze bathandaza bacela uThixo ancede u-Alma Omncinane ukuba aphinde omelele.
Emveni kweentsuku ezimbini nobusuku bazo, u-Alma Omncinane wakwazi ukuthetha nokushukuma.
Wabaxelela abantu ukuba uguqukile ezonweni zakhe kwaye uThixo umxolele.
Wafundisa ukuba umntu wonke kufuneka abelilungisa ukuze angene kubukumkani bukaThixo. Wathetha nangentlungu enkulu athe wayiva ngenxa yezono zakhe.
U-Alma Omncinane wayevuya kuba waye waguquka kwaye uThixo waye wamxolela. Wayesazi ukuba uThixo uyamthanda.
U-Alma Omncinane kunye noonyana bakaKumkani uMozaya baqalisa ukufundisa inyaniso kwilizwe jikelele, bexelela wonke umntu abakubonileyo nabakuvileyo.
Bazama ukulungisa ububi abathe babenza. Bazicacisa izibhalo ebantwini bebafundisa ngoYesu Krestu.
UThixo wamsikelela u-Alma Omncinane kunye noonyana bakaMozaya njengokuba babefundisa ivangeli. Abantu abaninzi babaphulaphula kwaye babakholelwa.