Isahluko 18

U-Alma oMncinane Uyaguquka

U-Alma umisela abanye

UKumkani uMozaya wenza u-Alma inkokheli yeBandla eZarahemla. U-Alma waza wakhetha amanye amadoda ukuze amncedise ukufundisa amaNifayithi.

Mozaya 25:19; 26:8

Amakholwa etshutshiswa

U-Alma noKumkani uMozaya babekhathazekile kukuba abangakholwayo babesenza amalungu eBandla atshutshiseke ngenxa yeenkolo zawo.

Mozaya 27:1

U-Alma Omncinane

U-Alma wayenonyana ogama lingu-Alma. U-Alma Omncinane akazange azikholelwe iimfundiso zikayise wakhe kwaye waba yindoda engumenzi wobubi.

Mozaya 27:8

U-Alma Omncinane kunye nonyana abane baka Kumkani uMozaya

U-Alma Omncinane kunye noonyana abane bakaKumkani uMozaya balilwa iBandla. Bakhokelela abantu abaninzi ukuba bayeke iBandla kwaye babe ngabenzi bobubi.

Mozaya 27:8

U-Alma ethandaza

U-Alma wathandazela unyana wakhe ukuba afunde inyaniso kwaye aguquke.

Mozaya 27:14

U-Alma Omncinane kunye noonyana bakaKumkani uMozaya

U-Alma Omncinane kwakunye noonyana bakaKumkani uMozaya baqhubeka ukuzama ukutshabalalisa iBandla.

Mozaya 27:10

ingelosi ibonakala kwindoda

Ngenye imini ingelosi yabonakala kubo. Ingelosi yathetha ngelizwi elikhulu elashukumisa umhlaba.

Mozaya 27:11

amadodana esothuswa yingelosi

Amadodana amahlanu ayekhwankqisekile kangangokubana ade awa phantsi. Ekuqaleni ayengakwazi ukuyiqonda into ingelosi eyayiyithetha.

Mozaya 27:12

ingelosi ithetha no-Alma Omncinane

Ingelosi yaza iyimpendulo yemithandazo yamalungu ebandla. Ingelosi yabuza u-Alma Omncinane kutheni esilwa ngokuchasene nebandla.

Mozaya 27:13–14

U-Alma Omncinane

Umhlaba washukuma njengoko ingelosi yayixelela u-Alma omncinane ukuba ayeke ukuzama ukutshabalalisa ibandla.

Mozaya 27:15–16

amakhwenkwe esiwa phantsi

U-Alma Omncinane kunye noonyana bakaMozaya bawela phantsi kwakhona. Babebone ingelosi, kwaye babesazi ukuba ngamandla kaThixo awayeshukumise umhlaba.

Mozaya 27:18

U-Alma Omncinane ephantsi

U-Alma Omncinane wayemangele wade akakwazi nokuthetha. Waye waba buthathaka wade akakwazi nokushukumisa izandla zakhe.

Mozaya 27:19

U-Alma Omncinane efunquliwe

Oonyana bakaMozaya bamfunqula u-Alma Omncinane bamsa kuyise wakhe bamxelela konke okuthe kwenzeka kubo.

Mozaya 27:19–20

U-Alma ethandaza

U-Alma waye wavuya. Wayesazi ukuba uThixo wayeyiphendulile imithandazo yakhe.

Mozaya 27:20

U-Alma Omncinane ebhedini

U-Alma wabizela abantu abaninzi ndawonye ukuba babone into iNkosi eyayiyenzele unyana wakhe kunye noonyana bakaMozaya.

Mozaya 27:21

U-ALma esikelela unyana wakhe

U-Alma, kunye nezinye iinkokheli zeBandla, bazila ukutya baze bathandaza bacela uThixo ancede u-Alma Omncinane ukuba aphinde omelele.

Mozaya 27:22

U-Alma Omncinane ethetha notata wakhe

Emveni kweentsuku ezimbini nobusuku bazo, u-Alma Omncinane wakwazi ukuthetha nokushukuma.

Mozaya 27:23

U-Alma Omncinane ethetha nabanye

Wabaxelela abantu ukuba uguqukile ezonweni zakhe kwaye uThixo umxolele.

Mozaya 27:24

U-Alma Omncinane efundisa

Wafundisa ukuba umntu wonke kufuneka abelilungisa ukuze angene kubukumkani bukaThixo. Wathetha nangentlungu enkulu athe wayiva ngenxa yezono zakhe.

Mosiah 27:25–26, 29

U-Alma Omncinane

U-Alma Omncinane wayevuya kuba waye waguquka kwaye uThixo waye wamxolela. Wayesazi ukuba uThixo uyamthanda.

Mozaya 27:28

amadoda efundisa

U-Alma Omncinane kunye noonyana bakaKumkani uMozaya baqalisa ukufundisa inyaniso kwilizwe jikelele, bexelela wonke umntu abakubonileyo nabakuvileyo.

Mozaya 27:32

U-Alma Omncinane efundisa abantu

Bazama ukulungisa ububi abathe babenza. Bazicacisa izibhalo ebantwini bebafundisa ngoYesu Krestu.

Mozaya 27:35

U-Alma Omncinane abhapatiza abanye

UThixo wamsikelela u-Alma Omncinane kunye noonyana bakaMozaya njengokuba babefundisa ivangeli. Abantu abaninzi babaphulaphula kwaye babakholelwa.

Mozaya 27:36