Isahluko 32

UKhapteni Moronayi kunye Nentshinga yeNkululeko

U-Amalikhaya ethetha

Indoda ekhohlakeleyo ebizwa u-Amalikhaya yayifuna ukuba yikumkani yamaNifayithi. Uninzi lwamaNifayithi lwaluyishiyile iCawe ukwenzela ukumlandela.

Alma 46:1, 4–5, 7

Amalikhaya

Ukuba u-Amalikhaya wayenokuba yikumkani, wayezakuzama ukutshabalalisa iBandla likaThixo kwaye athathe inkululeko yabantu.

Alma 46:9–10

UMoronayi ugade u-Amalikhaya

Xa uKhapteni uMoronayi, inkokheli yemikhosi yamaNifayithi esiva ngecebo lika-Amalikhaya lokuba yikumkani, waba nomsindo.

Alma 46:11

UMoroni ubhala kwintshinga

UMoronayi wakrazula isambatho sakhe ukuze enze intshinga. Kuyo wabhala umyalezo wokukhumbuza abantu ukuba bakhusele inkolo yabo, inkululeko, kunye noxolo.

Alma 46:12

UMoronayi ethandaza

UMoronayi waxhoma intshinga kwisibonda waze wayibiza ngokuba yintshinga yenkululeko. Waza enxibe isikrweqe sakhe, waguqa ukuze athandaze.

Alma 46:13

UMoronayi ethandaza

Yena wacela uThixo ukuba akhusele abo babekholelwa kuYesu Krestu kwaye wathandazela inkululeko kwilizwe elo, elibiza ngokuba lilizwe lenkululeko.

Alma 46:16–18

UMoronayi uphephezelisa intshinga

UMoronayi waya ebantwini. Ephephezelisa intshinga yenkululeko, wababiza ukuba beze bancede ukukhusela inkululeko yabo.

Alma 46:19–20

Abantu bangqunge uMoronayi

Abantu baza besuka kulo lonke ilizwe elo. Bona bathembisa ukuthobela imithetho kaThixo kwaye balwele inkululeko.

Alma 46:21–22, 28

U-Amalikhaya nabalandeli bebaleka

Xa u-Amalikhaya wabona ubungakanani bamaNifayithi azimanya noMoronayi, woyika. Yena kunye nabalandeli bakhe bemka baya kuzimanya namaLeymenayithi.

Alma 46:29–30

UMoronayi kunye nomkhosi wakhe

UMoronayi kunye nomkhosi wakhe bazama ukubathintela, kodwa u-Amalikhaya kunye namanye wamadoda akhe ambalwa abaleka.

Alma 46:31–33

Intshinga ibhabha kwinqaba yokugada

UMoronayi waxhoma intshinga yenkululeko kuyo yonke inqaba kwilizwe lamaNifayithi. AmaNifayithi ayeyigcinile inkululeko yawo kwaye kwakhona enoxolo.

Alma 46:36–37