Isahluko 3

ULihayi Uyahamba eYerusalem

Iphupha likaLihayi ngohambo

INkosi yayikholisekile nguLihayi kwaye ngabusuku bunye yathetha naye ephupheni. Yona yaxelela uLihayi ukuba athathe usapho lwakhe kwaye ahambe eYerusalem. ULihayi wayithobela iNkosi.

1 Nifayi 2:1–3

usapho entlango

Usapho lukaLihayi lwaqokelela ukutya kunye neentente. Bashiya indlu yabo kunye negolide yabo kunye nesilivere yabo kwaye basingisa entlango.

1 Nifayi 2:4

ULihayi, noSarayi, kunye noonyana abane

ULihayi kunye nenkosikazi yakhe, uSaraya, babenoo-nyana abane. Amagama abo yayingu Leymeni, Lemuweli, Sem, kunye noNifayi.

1 Nifayi 2:5

iintente kunye nosapho

Emva kokuhamba iintsuku ezintathu, usapho lukaLihayi lwagxumeka iintente kwintlambo ekufuphi nomlambo.

1 Nifayi 2:6

ULihayi kunye nesibingelelo

ULihayi waze wakha isibingelelo samatye kwaye wenza umnikelo kuThixo. Yena wabulela uThixo ngokusindisa usapho lwakhe ekutshatyalalisweni.

1 Nifayi 2:7

ULihayi, noLeymeni, kunye noLemuweli

ULihayi wawuthiya umlambo Leymeni kunye nentlambo Lemuweli. ULihayi wayefuna oonyana bakhe ukuba bafane nomlambo kunye nentlambo, bahlale bempompozela kuThixo kwaye bagcine imithetho ngenzondelelo.

1 Nifayi 2:8–10, 14

ULeymeni kunye noLemuweli

ULeymeni noLemuweli babecinga utata wabo wayesisiyatha ngokushiya iYerusalem kunye nobutyebi babo. Bona babengakholelwa ukuba iYerusalem yayiya kutshatyalaliswa.

1 Nifayi 2:11, 13

UNifayi uyathandaza

UNifayi wayefuna ukuziqonda izinto uLihayi awayezibonile. Yena wathandazela ukwazi ukuba utata wakhe wenza okulungileyo ngokuhamba eYerusalem.

1 Nifayi 2:16

UNifayi uyathandaza

UYesu Krestu watyelela uNifayi kwaye wamxelela ukuba amazwi kaLihayi ayeyinyaniso. UNifayi wakholelwa kwaye akazange avukele njengokuba uLeymeni noLemuweli benza njalo.

1 Nifayi 2:16

UNifayi uthetha noSem

UNifayi waxelela abantakwabo into uYesu awayemxelele yona. USem wakholelwa kuNifayi, kodwa uLeymeni noLemuweli zange bakholelwe.

1 Nifayi 2:17–18

UNifayi uthetha nabantakwabo

INkosi yathembisa uNifayi ukuba yena uya kusikeleleka ngenxa yokholo lwakhe. Yena uya kuba yinkokheli phezu kwabantakwabo.

1 Nifayi 2:19–22