Isahluko 47

UYesu Krestu uSikelela Abafundi Bakhe

UYesu kunye nabafundi

Ngenye imini abafundi bahlangana ndawonye bethandaza, uYesu Krestu wafika kubo.

3 Nifayi 27:1–2

UKrestu uthetha nabafundi

Abafundi bambuza ukuba balibize ngantoni iBandla. UYesu wathi lingathiywa ngaye ngoba liBandla lakhe.

3 Nifayi 27:3, 7

UYesu uthetha nabafundi

UYesu wacacisela abafundi bakhe ukuba uBawo oseZulwini wayemthumele emhlabeni ukuze anikele ngobomi bakhe esenzela abantu.

3 Nifayi 27:14

UYesu uthetha nabafundi bakhe

Wathi wonke umntu oguqukayo, abhaptizwe egameni lakhe, kwaye athobela imithetho yakhe uyakufunyaniswa engenatyala phambi koBawo oseZulwini.

3 Nifayi 27:16 

UKrestu uthetha nabafundi bakhe

UMsindisi wabaxelela abafundi bakhe ukuba benze izinto abambona ezenza. Wayewubekile umzekelo esenzela bona.

3 Nifayi 27:21

UKrestu uthetha malunga nezibhalo

Wakwabaxelela ukuba babhale phantsi konke abakubonayo nabakuvayo ukuze abanye bazi ngako.

3 Nifayi 27:23

UKrestu nomfundi

UYesu wabuza abafundi bakhe ukuba babenqwenela ntoni esuka kuye. Isithoba sabo sasifuna ukuba naye emva kokuba ubomi baso emhlabeni buphelile.

3 Nifayi 28:1–2

UYesu nabafundi

UYesu wabathembisa ukuba xa benama–72 eminyaka yobudala, babezakuya kuye ezulwini.

3 Nifayi 28:3

UYesu nabafundi abathathu

Abanye abathathu abafundi babengafuni ukumcela oko babekufuna, kodwa uYesu wayekwazi. Babefuna ukuhlala emhlabeni kwaye bafundise ivangeli kude kubuye uYesu kwakhona.

3 Nifayi 28:5–6, 9

UMsindisi nabafundi

UMsindisi wabathembisa ukuba babengasokuze bave zintlungu okanye intsizi kwaye babengazokufa. Babeza kufundisa abantu ivangeli ade abuye.

3 Nifayi 28:7–9

UYesu uyanduluka

UYesu wachukumisa bonke abafundi ngaphandle kwesithathu esasizakuhlala emhlabeni. Waza wahamba.

3 Nifayi 28:12

Abafundi abathathu bathatyathelwa ezulwini

Abafundi abathathu banyukela emazulwini, apho babona baza beva izinto ezininzi ezimangalisayo. Bakwazi ukuqonda ngcono izinto zikaThixo.

3 Nifayi 28:13, 15 

Abafundi abathathu

Imizimba yabo yatshintshwa ukuze bangafi.

3 Nifayi 28:15

Abafundi babhaptiza abanye

Abafundi abathathu babuyela emhlabeni baza baqalisa ukushumayela nokubhaptiza.

3 Nifayi 28:16, 18

Abafundi abathathu kumhadi onzulu

AmaNifayithi akhohlakeleyo aphosela abafundi abathathu entolongweni, nakwimihadi enzulu, kodwa amandla kaThixo abanceda ukuba babe nokuqhwesha.

3 Nifayi 28:19–20

Abafundi batyhalelwa kwiziko lesinyithi

Bakutyhalelwa kwiziko lesinyithi nakwimiqolomba enezilo zasendle, babekhuselwe kwangamandla kaThixo.

3 Nifayi 28:21–22

Abafundi bashumayeza abantu

Ababafundi abathathu baqhubeka ukushumayela ivangeli kaYesu Krestu kumaNifayithi. Basashumayela nangoku ivangeli yakhe.

3 Nifayi 28:23, 27–29