Isahluko 27

UKorihor

UKorihor ehamba

Indoda egama linguKorihor yeza eZarahemla. Yona yayingakholelwa kuYesu Krestu kwaye yayishumayela ukuba oko kwakutshiwo ngabaprofethi ngoMsindisi kwakungeyonyaniso.

Alma 30:6, 12–14

UKorihor efundisa abantu

UKorihor waxelela abantu ukuba babenobudenge ngokukholelwa ukuba uYesu wayezakuza emhlabeni kwaye afele izono zabo.

Alma 30:16

amakhwenkwe esona

Wathi abantu babengena kohlwayelwa izono zabo ngoba abukho ubomi emveni kokufa. Abantu abaninzi bamkholelwa uKorihor. Baze babangabenzi bobubi.

Alma 30:17–18

UKorihor

UKorihor wazama ukushumayeza abantu baka-Amon, kodwa abazange bamamele. Bambophelela bamsa ku-Amon, owathi wamlahlela ngaphandle kwesixeko.

Alma 30:19–21

UKorihor ehenjiswa

UKorihor waya kwilizwe likaGidiyon, kodwa abantu bakhona nabo abazange bammamele. Umgwebi oyintloko wamthumela ku-Alma.

Alma 30:21, 29

U-Alma noKorihor

U-Alma wambuza uKorihor ukuba wayekholelwa na kuThixo. UKorihor wathi akunjalo. U-Alma wangqina ukuba ukhona uThixo kwaye uKrestu uzakuza.

Alma 30:37–39

UKorihor no-Amon

UKorihor wayefuna ukuba u-Alma enze ummangaliso ukuze abonise ukuba ukhona uThixo. UKorihor wathi uyakuthi akholelwe kuThixo ukuba angabona umqondiso wamandla kaThixo.

Alma 30:43

U-Alma ebambe izibhalo

U-Alma waxelela uKorihor ukuba usele eyibonile imiqondiso emininzi yamandla kaThixo ngezibhalo kwanobungqina babaprofethi bonke.

Alma 30:44

U-Alma ethetha noKorihor

U-Alma wathi ihlabathi kwanayo yonke into ekulo kwakunye nentshukumo yeeplanethi esibhakabhakeni ikwa zimpawu zokuba ukhona uThixo.

Alma 30:44

UKorihor no-Alma

UKorihor kwakhona walile ukukholwa. U-Alma waye wakhathazeka ngenxa yobungendawo bukaKorihor kwaye wamlumkisa ukuba umphefumlo wakhe ungatshatyalaliswa.

Alma 30:45–46

U-Alma ebambe izibhalo

UKorihor wayesafuna umqondiso wokubonisa ukuba ukhona uThixo. U-Alma wathi umqondiso osuka kuThixo wawungowokuba uKorihor akasayi kukwazi ukuthetha.

Alma 30:48–49

UKorihor

Emveni kokuba u-Alma ethethe oku, uKorihor akakwazanga kuthetha.

Alma 30:50

UKorihor ebhala emhlabeni

UKorihor wabhala ukuba wayesazi ukuba lo mqondiso wawusuka kuThixo kwaye wayesoloko esazi ukuba uThixo ukhona. Wacela u-Alma ukuba athandaze kwaye asuse isiqalekiso.

Alma 30:52, 54

U-Alma ethetha

U-Alma wayesazi ukuba uKorihor angakwazi ukuthetha wayeyakuphinda axokise abantu. U-Alma wathi iNkosi yayizakugqiba ngokwayo ukuba uKorihor angakwazi ukuthetha kwakhona.

Alma 30:55

UKorihor ecela ukutya

INkosi ayizange ibuyisele ukuthetha kukaKorihor. UKorihor wahamba-hamba kwindlu ngendlu, ecela ukutya.

Alma 30:56

umgwebi oyintloko ubhala incwadana

Umgwebi oyintloko wathumela imbalelwano kulo lonke ilizwe exela okwenzeke kuKorihor. Waye waxelela abo bathe bamkholelwa uKorihor ukuba mabaguquke. Abantu baye baguquka.

Alma 30:57–58

UKorihor efile emhlabeni

UKorihor wahamba waya kuhlala namaZoramayithi. Ngenye imini lo gama wayengqiba, waye wasutywa kukufa.

Alma 30:59