Isahluko 14

U-Abhinadayi noKumkani uNowa

UZenif

UZenif wayeyikumkani elungileyo yeqela lamaNifayithi. Xa wayeselekhulile, unyana wakhe uNowa waye waba yikumkani.

Mozaya 11:1

UNowa

UNowa wayengeyiyo ikumkani elungileyo njengo tata wakhe. Wayengumenzi wobubi kwaye wayengayithobeli imithetho kaThixo.

Mozaya 11:2

abantu benikela ngako konke okwabo kukumkani uNowa

Waye wanyanzela abantu bakhe ukuba bamnike inxalenye yeenkozo zabo, nemfuyo, negolide, kunye nesilivere yabo.

Mozaya 11:3

UNowa ehleli kwitafile yesidlo sasemini

Ukumkani uNowa wayesenza oku kuba wayelivila. Wenza amaNifayithi ukuba amnike yonke into awayeyiswele ukuze aphile.

Mozaya 11:4

ababingeleli abalungileyo kunye nabakhohlakeleyo

Waye watshintsha ababingeleli abalungileyo utata wakhe awayebabizile wafaka ababesenza ububi. Aba babingeleli babesenza ububi babefundisa abantu ukuba bone.

Mozaya 11:5–7

ibhothwe letrone kunye nabalindi

Ukumkani uNowa wayenezakhiwo ezintle ezininzi ezazenziwe, kuquka nebhotwe elikhulu elalinetrone. Izakhiwo zazihonjiswe ngegolide, nesilivere, kunye nangeenkuni ezinexabiso eliphezulu.

Mozaya 11:8–11

UNowa

Ukumkani uNowa wayebuthanda ubutyebi awayebuthathe kubantu bakhe. Yena nababingeleli bakhe babechitha ixesha labo besela iwayini kwaye besenza ububi.

Mozaya 11:14–15

U-Abhinadayi efundisa inguquko

UThixo waye wathumela umprofethi owayebizwa ngu-Abhinadayi kubantu bakaNowa. U-Abhinadayi wabalumkisa okokuba ukuba abaguquki, bayakuba zizicaka zamaLeymenayithi.

Mozaya 11:20–22

UNowa ehleli atefileni

Xa ukumkani uNowa weva izinto u-Abhinadayi wayezithethile, wabanomsindo. Waye wathumela amadoda ukuba azise u-Abhinadayi ebhotweni khon’ ukuze ambulale.

Mozaya 11:27–28

U-Abhinadayi ethetha nekumkani

U-Abhinadayi waye wathatyathwa wasiwa kwikumkani. Ukumkani uNowa kunye nababingeleli bakhe bambuza imibuzo emininzi. Baye bazama ukumqhatha ukuba atsho into egwenxa.

Mozaya 12:18–19

U-Abhinadayi ethetha nekumkani

U-Abhinadayi wayengoyiki ukuphendula imibuzo yabo. Wayesazi ukuba uThixo wayezakumnceda. Ababingeleli baye bakhwankqiswa ziimpendulo zika-Abhinadayi.

Mozaya 12:19

Ukumkani uNowa enomsindo

Ukumkani uNowa wabanomsindo kwaye wayalela ababingeleli bakhe ukuba babulale u-Abhinadayi. U-Abhinadayi wathi ukuba bakhe bamchukumisa, uThixo wayeyokubabulala.

Mozaya 13:1–3

UMoya oyiNgcwele ukhusela u-Abhinadayi

UMoya oyiNgcwele wamkhusela u-Abhinadayi khon’ ukuze agqibezele ukuthetha into iNkosi eyayifuna ukuba ayitsho. Ubuso buka-Abhinadayi babukhazimla. Ababingeleli babesoyika ukumchukumisa.

Mozaya 13:3, 5

U-Abhinadayi uyathetha

Ethetha ngamandla asuka kuThixo, u-Abhinadayi wabaxelela abantu ngenkohlakalo yabo. Waye wabafundela imithetho kaThixo.

Mozaya 13:6–7, 11–24

UMariya, noYosefu, kunye nosana uYesu

Waye wabaxelela ukuba uYesu Krestu wayezakuzalwa emhlabeni. UYesu wayezakwenza ukuba bakwazi ukuguquka, bavuswe kwabafileyo, kwaye baphile noThixo.

Mozaya 13:33–35; 15:21–23

UYesu Krestu

U-Abhinadayi waxelela abantu ukuba baguquke kwaye bakholelwe kuYesu Krestu okanye babengena kukwazi ukusindiswa.

Mozaya 16:13

U-Abhinadayi usiwa entolongweni

Ukumkani uNowa kunye nabo bonke ngaphandle komnye wababingeleli bakhe wala ukumkholelwa u-Abhinadayi. UNowa wabaxelela ababingeleli bakhe ukuba babulale u-Abhinadayi. Baye bambophelela baze bamphosela entolongweni.

Mozaya 17:1, 5

U-Alma ethatha nokumkani uNowa

Omnye umbingeleli owathi wakholelwa u-Abhinadayi wayebizwa ngokuba ngu-Alma. Wacela ukumkani uNowa akhulule u-Abhinadayi ukuba ahambe.

Mozaya 17:2

U-Alma uyazimela

Ukumkani waye wabanomsindo ku-Alma kwaye wabangela okokuba alahlelwe ngaphandle. Ngoko ke waye wathumela izicaka zakhe ukuba zimbulale. U-Alma waye wabaleka kwaye wazimela, kwaye izicaka zange zibenako ukumfumana.

Mozaya 17:3–4

U-Abhinadayi phambili koKumkani uNowa

Emveni kokuchitha iintsuku ezintathu entolongweni, u-Abhinadayi waye waziswa futhi phambi kokumkani uNowa. Ukumkani waye waxelela u-Abhinadayi okokuba arhoxise izinto awayezitshilo kuye nakubantu bakhe.

Mozaya 17:6, 8

Ukumkani uNowa enomsindo

Ukumkani uNowa waxelela u-Abhinadayi okokuba ukuba wayengakuphiki konke awayekuthethile, wayeyakubulawa.

Mozaya 17:8

U-Abhinadayi ethatha

U-Abhinadayi wayesazi ukuba wayethethe inyaniso. Wayexolele okokuba afe kunokuba arhoxise izinto uThixo awayethe makazithethe.

Mozaya 17:9–10

U-Abhinadayi uyatshiswa

Ukumkani uNowa wayalela ababingeleli bakhe ukuba babulale u-Abhinadayi. Baye bambophelela, bambetha ngesabhokhwe, kwaye bamtshisa bambulala. Phambili kokuba asweleke, u-Abhinadayi wathi umkukani uNowa naye wayeyakusweleka ngomlilo.

Mozaya 17:13–15

AmaLeymenayithi alwa nabantu bakaNowa

Abanye bamaNifayithi bamchasa ukumkani uNowa kwaye bazama ukumbulala. Umkhosi wamaLeymenayithi waza nawo uzokulwa nokumkani kunye nabalandeli bakhe.

Mozaya 19:2–7

Ukumkani kunye nabalandeli bayabaleka

Ukumkani nabalandeli bakhe baye bawabaleka amaLeymenayithi, kodwa amaLeymenayithi aye ababamba kwaye aqalisa ukubabulala. Ukumkani waye waxelela amadoda akhe okokuba ashiye iintsapho zawo kwaye aqhubeke ngokubaleka.

Mozaya 19:9–11

AmaLemenayithi athimba abantu

Uninzi lwamadoda lwalungafuni ukuhamba. Aye athinjwa ngamaLeymenayithi.

Mozaya 19:12, 15

Amadoda aqumbele uNowa

Uninzi lwamadoda olwabaleka nokumkani uNowa lwazisola. Ayefuna ukubuyela ngasemva ayokunceda abafazi bawo nabantwana bawo kunye nabantu bawo.

Mozaya 19:19

UNowa kunye namanye amadoda

Ukumkani uNowa wayengafuni okokuba amadoda abuyele kwiintsapho zawo. Waye wawayalela ukuba ahlale naye.

Mozaya 19:20

amadoda atshisa ukumkani uNowa

Amadoda aye abanomsindo kuKumkani uNowa. Baye bamtshisa bambulala, njengoko u-Abhinadayi wayeprofethile. Ngoko ke aye abuyela kwiintsapho zawo.

Mozaya 19:20, 24