Isahluko 37

UNifayi noLihayi entolongweni

UHilamani kunye noonyana

UNifayi kunye noLihayi babengoonyana bakaHilamani. UHilamani wayefuna bona babenobulungisa njengoLihayi kunye noNifayi abashiya iYerusalem.

Hilamani 5:4–7

UHilamani efundisa oonyana

UHilamani wafundisa oonyana bakhe ukuba bakholelwe kuYesu Krestu. Bona bafunda ukuba ukuxolelwa kwezono kuza ngokholo kunye nenguquko.

Hilamani 5:9–12

abantu bayabhaptizwa

UNifayi noLihayi bahamba befundisa ilizwi likaThixo kuwo amaNifayithi kunye namaLeymenayithi. Amawaka abantu abhaptizwa.

Hilamani 5:14–19

UNifayi noLihayi babotshelelwe

Xa uNifayi noLihayi babesiya kwilizwe likaNifayi, umkhosi wamaLeymenayithi wabaphosela entolongweni kwaye awabanika kutya iintsuku ezininzi.

Hilamani 5:20–22

UNifayi noLihayi emlilweni

AmaLeymenayithi aya entolongweni eyokubulala uNifayi noLihayi kodwa awakwazi ngoba babekhuselwe sisangqa somlilo owawunokutshisa nabani na owayenokuzama ukubachukumisa.

Hilamani 5:22–23

UNifayi noLihayi emlilweni

UNifayi noLihayi abazange batshiswe ngumlilo. Bawaxelela amaLeymenayithi ukuba bakhuselwe ngamandla kaThixo.

Hilamani 5:24–26

Iindonga zentolongo ziyashukuma

Umhlaba kunye neendonga zentolongo zaqalisa ukushukuma. Ilifu elimnyama lagubungela abantu entolongweni, yaye babesoyika.

Hilamani 5:27–28

Amajoni ebumnyameni

Ilizwi elisuka ngasentla kobubumnyama lavakala. Lalizolile ngokungathi kukusebeza, kodwa wonke umntu waliva.

Hilamani 5:29–30

Abantu ebumnyameni

Ilizwi laxelela abantu ukuba baguquke kwaye bayeke ukuzama ukubulala uNifayi noLihayi.

Hilamani 5:29–30

Amajoni aphantsi

Ilizwi lathetha izihlandlo ezintathu, kwaye umhlaba kunye neendonga zentolongo zaqhubeka ukushukuma. AmaLeymenayithi ayengenakho ukubaleka ngoba kwakumnyama kakhulu kwaye ayesoyika kakhulu.

Hilamani 5:33–34

Ubuso bukaNifayi noLihayi buyakhazimla

UmNifayithi owayekade elilungu leBandla wabona ukuba ubuso bukaNifayi noLihayi babukhazimla ebumnyameni.

Hilamani 5:35–36

UNifayi noLihayi bayakhazimla

UNifayi noLihayi babejonge ezulwini kwaye bethetha. Le ndoda yaxelela amaLeymenayithi ukuba ajonge. Bona babezibuza ukuba ngubani lo uNifayi noLihayi babethetha naye.

Hilamani 5:36–38

U-Aminadabhi uthetha namadoda

Indoda, eyayibizwa u-Aminadabhi, yaxelela amaLeymenayithi ukuba uNifayi noLihayi babethetha neengelosi.

Hilamani 5:39

U-Aminadabhi uyathetha

AmaLeymenayithi abuza u-Aminadabhi ukuba lisuswa njani ilifu elimnyama. Yena wabaxelela ukuba baguquke kwaye bathandaze bade babenokholo kuYesu Krestu.

Hilamani 5:40–41

AmaLeymenayithi ayathandaza

AmaLeymenayithi athandaza lada ilifu elimnyama lahamba.

Hilamani 5:42

Umlilo urhangqe amadoda

Emva kokuba bumkile ubumnyama, abantu babona intsika yomlilo ibarhangqile. Umlilo awuzange ubatshise okanye utshise iindonga zentolongo.

Hilamani 5:43–44

AmaLeymenayithi

AmaLeymenayithi abanovuyo olukhulu, kwaye uMoya kaThixo wazizalisa iintliziyo zawo.

Hilamani 5:44–45

AmaLeymenayithi amathathu

Ilizwi lasebeza, lisithi wona ayeya kuthuthuzeleka ngenxa yokholo lwawo kuYesu Krestu.

Hilamani 5:46–47

iingelosi

AmaLeymenayithi ajonga phezulu ukuze abone apho lalivele khona ilizwi. Abona iingelosi zisehlela phantsi ukusuka ezulwini.

Hilamani 5:48

AmaLeymenathi ayathetha

Malunga nama-300 abantu abona kwaye eva oko kwenzekayo entolongweni. Bona bahamba kwaye baxelela abanye.

Hilamani 5:49–50

AmaLeymenayithi afihla izixhobo

Uninzi lwamaLeymenayithi lwakholelwa kwaye lwafihla izixhobo zawo.

Hilamani 5:50–51

AmaLeymenayithi namaNifayithi ayathetha

AmaLeymenayithi ayeka ukuzonda amaNifayithi kwaye awanika kwakhona umhlaba awayewuthathile. AmaLeymenayithi abanobulungisa ukodlula amaNifayithi.

Hilamani 5:50, 52

AmaLeymenayithi namaNifayithi ayahamba

AmaLeymenayithi amaninzi ahamba noNifayi kunye noLihayi aya kufundisa amaNifayithi namanye amaLeymenayithi.

Hilamani 6:1, 6–7