Isahluko 22

Ubuvangeli buka-Alma e-Amoniha

U-Alma noNifayiha

U-Alma wakhathazeka ngobungendawo bamaNifayithi, ngoko wagqiba ekubeni achithe ixesha lakhe lonke eshumayela ivangeli. Wakhetha uNifayiha ukuba athathe indawo yakhe njengomgwebi oyintloko.

Alma 4:7, 18–19

U-Alma ehleli phantsi

U-Alma wafundisa ivangeli kulo lonke ilizwe. Ngeli lixa ezama ukufundisa e-Amoniha, abantu abazange bammamele. Bamphosela ngaphandle kwesixeko.

Alma 5:1; 8:8–9, 11, 13

U-Alma

U-Alma wayekhathazekile kuba abantu base-Amoniha babenobugwenxa. Wahamba waya kwesinye isixeko.

Alma 8:13–14

ingelosi ithetha no-Alma

Ingelosi yabonakala kwaye yamthuthuzela u-Alma. Ingelosi yamxelela ukuba abuyele e-Amoniha kwaye ashumayele kwakhona. U-Alma wakhawuleza ukubuyela.

Alma 8:15–16, 18

U-Alma ecela indoda ukutya

U-Alma wayelambile. Xa engena kwisixeko, wacela ukutya kwindoda ethile. Ingelosi yayixelele le ndoda ukuba u-Alma uyeza kwaye wayengumprofethi kaThixo.

Alma 8:19–20

U-Amyuleki esondla u-Alma

Le ndoda, ingu-Amyuleki, yathatha u-Alma yamsa endlwini yayo ukuyomondla. U-Alma wahlala no-Amyuleki nosapho lwakhe iintsuku ezininzi. Wambulela uThixo ngosapho luka-Amyuleki waza walusikelela.

Alma 8:21–22, 27

U-Alma no-Amyuleki bethetha

U-Alma waxelela u-Amyuleki ngobizo lwakhe lokufundisa abantu base-Amoniha. U-Amyuleki wahamba no-Alma ukuya kufundisa abantu. UMoya oyiNgcwele wabancedisa.

Alma 8:24–25, 30

U-Alma eshumayela

U-Alma waxelela abantu ukuba baguquke okanye uThixo wayezakuba tshabalalisa. Wathi uYesu Krestu uyakuza kwaye asindise abo bathe banokholo kuye baze baguquka.

Alma 9:12, 26–27

abantu benomsindo ku-Alma

Abantu base-Amoniha baye banomsindo. Bazama ukuphosela u-Alma entolongweni kodwa iNkosi yamkhusela.

Alma 9:31–33

U-Amyuleki no-Alma befundisa

Ngoko ke u-Amyuleki waqalisa ukufundisa. Uninzi lwabantu lwalumazi u-Amyuleki: wayengafani nongaziwayo njengaye u-Alma. Waye wabaxelela ngengelosi awayethe wayibona.

Alma 9:34; 10:4, 7

U-Amyuleki no-Alma

U-Amyuleki wathi u-Alma wayengumprofethi kaThixo kwaye wayethetha inyaniso. Abantu bamangaliswa ukuva ubungqina buka-Amyuleki.

Alma 10:9–10, 12

U-Ziyezirom kunye no-Amyuleki no-Alma

Abanye babantu baye banomsindo, ngakumbi indoda enye engendawo egama lingu Ziyezirom. Bazama ukwenzela u-Amyuleki iyelenqe ngemibuzo, kodwa wabaxelela ukuba wayelazi icebo labo.

Alma 10:13–17, 31

U-Ziyezirom uthetha no-Alma

UZiyezirom wayefuna ukutshabalalisa yonke into eyayilungile. Wayezakubangela iingxaki, kwaye abantu babezakumhlawula imali ukusombulula iingxaki angunobangela wazo.

Alma 11:20–21

U-Ziyezirom kunye no-Amyuleki no-Alma

UZiyezirom wayengenako ukukhohlisa u-Amyuleki, ngoko ke waze wamnika imali ukuba makathi akekho uThixo. U-Amyuleki wayesazi ukuba uThixo uyaphila kwaye wathi uZiyezirom naye wayekwazi oku nto nje wayethanda imali ukwedlula uThixo.

Alma 11:22, 24, 27

U-Ziyezirom kunye nabanye

Ngoko ke u-Amyuleki wafundisa uZiyezirom ngoYesu nangovuko kunye nobomi obungunaphakade. Abantu baye bakhwankqiseka. UZiyezirom waye waqalisa ukungcangcazela esoyika.

Alma 11:40–46

U-Alma efundisa uZiyezirom

UZiyezirom wayesazi ukuba u-Alma no-Amyuleki babenamandla kaThixo ngokuba babezazi iingcinga zakhe. UZiyezirom wabuza imibuzo waza wamamela ngelixa u-Alma wayemfundisa ivangeli.

Alma 12:1, 7–9

usapho lufunda izibhalo

Abanye abantu bakholelwa ku-Alma no-Amyuleki kwaye baqalisa ukuguquka nokufunda izibhalo.

Alma 14:1

U-Alma no-Amyuleki bebotshiwe

Kodwa uninzi lwabantu lwalufuna ukubulala u-Alma no-Amyuleki. Bawabophelela omabini lamadoda baze bawasa kumgwebi oyintloko.

Alma 14:2–4

UZiyezirom ethethelela u-Alma no-Amyuleki

UZiyezirom waye wazisola kuba wayenobugwenxa kwaye wayefundise abantu ubuxoki. Wabacenga abantu ukuba bavumele u-Alma no-Amyuleki bahambe.

Alma 14:6–7

amakholwa ephoselwa ngaphandle

UZiyezirom namanye amadoda aye azikholelwa iimfundiso zika-Alma no-Amyuleki baye baphoselwa ngaphandle kwesixeko. Abantu abangendawo baphosa amatye kubo.

Alma 14:7

amadoda etshisa abafazi kunye nezibhalo

Ngoko ke abantu abangendawo baqokelela abafazi kunye nabantwana ababekholelwa baza babaphosela emlilweni kunye nezibhalo zabo.

Alma 14:8

U-Alma no-Amyuleki bebukele umlilo

U-Alma no-Amyuleki banyanzeleka ukuba babukele abafazi nabantwana besitsha emlilweni. U-Amyuleki wayefuna ukusebenzisa amandla kaThixo ukubasindisa.

Alma 14:9–10

U-Alma ethetha no-Amyuleki

U-Alma waxelelela u-Amyuleki ukuba waye ngazukukunqanda ukufa kwaba bantu kungekudala babezakuba kunye noThixo baze abangendawo bohlwaywe.

Alma 14:11

U-Alma ebethwa ngempama

Umgwebi oyintloko waye waqhwaba u-Alma no-Amyuleki amatyeli amaninzi kwaye wabanxwala kuba bengasindisanga abafazi nabantwana abatshayo. Wandula wabaphosela entolongweni.

Alma 14:14–17

U-Alma no-Amyuleki entolongweni

Amanye amadoda agwenxa aza entolongweni kwaye ahlukumeza u-Alma no-Amyuleki ngeendlela ezininzi, kuquka nokubalambisa kwanokubatshicela.

Alma 14:18–22

Umgwebi oyintloko kunye no-Alma no-Amyuleki

Umgwebi oyintloko wathi ukuba u-Alma no-Amyuleki bathe basebenzisa amandla kaThixo ukuzikhulula, angakholelwa. Wabaqhwaba kwakhona.

Alma 14:24

U-Alma no-Amyuleki bethandaza

U-Alma no-Amyuleki baphakama. U-Alma wathandaza wacela kuThixo ukuba abenze bomelele ngenxa yokholo lwabo kuKrestu.

Alma 14:25–26

U-Alma no-Amyuleki besophula iintambo

Amandla kaThixo azalisa u-Alma no-Amyuleki, kwaye baziqhawula iintambo ababebotshwe ngazo. Amadoda angendawo oyika kwaye azama ukubaleka kodwa awela phantsi.

Alma 14:25–27

iindonga zentolongo zisiwa phantsi

Umhlaba washukuma, iindonga zentolongo zawela amadoda angendawo. INkosi yakhusela u-Alma no-Amyuleki kwaye abengenzakala.

Alma 14:27–28

U-Alma no-Amyuleki bephuma kwiindinga eziqhekekileyo

Abantu base-Amoniha beza kubona ukuba kwenzeka ntoni. Xa babebona u-Alma no-Amyuleki bephuma ngaphandle kwentolongo edilikileyo, ngenxa yoloyiko babaleka.

Alma 14:28–29

U-Alma no-Amyuleki

INkosi yaxelela u-Alma no-Amyuleki ukuba baye eTsidom. Apho bafumana abantu abangamalungisa. UZiyezirom naye wayelapho kwaye wayegula kakhulu.

Alma 15:1–3

U-Alma esikelela uZiyezirom

UZiyezirom wavuya akubona u-Alma no-Amyuleki. Wayexhalabile ukuba babebulewe ngenxa yento awayethe wayenza. Wabacela ukuba bamphilise.

Alma 15:4–5

UZiyezirom

UZiyezirom waye kholelwa kuYesu Krestu kwaye waguquka kwizono zakhe. Xa u-Alma wayemthandazela, uZiyezirom waphiliswa ngoko nangoko.

Alma 15:10–11

U-Ziyezirom ebhaptizwa

UZiyezirom wabhaptizwa waza waqalisa ukushumayela ivangeli. Abanye abaninzi baye babhaptizwa nabo.

Alma 15:12, 14

abantu abafileyo esitalatweni

Abangendawo base-Amoniha babulawa ngumkhosi wamaLeymenayithi, njengoko u-Alma waprofetha.

Alma 10:23; 16:2, 9