Isahluko 22
Ubuvangeli buka-Alma e-Amoniha
U-Alma wafundisa ivangeli kulo lonke ilizwe. Ngeli lixa ezama ukufundisa e-Amoniha, abantu abazange bammamele. Bamphosela ngaphandle kwesixeko.
U-Alma wayekhathazekile kuba abantu base-Amoniha babenobugwenxa. Wahamba waya kwesinye isixeko.
Ingelosi yabonakala kwaye yamthuthuzela u-Alma. Ingelosi yamxelela ukuba abuyele e-Amoniha kwaye ashumayele kwakhona. U-Alma wakhawuleza ukubuyela.
U-Alma wayelambile. Xa engena kwisixeko, wacela ukutya kwindoda ethile. Ingelosi yayixelele le ndoda ukuba u-Alma uyeza kwaye wayengumprofethi kaThixo.
Le ndoda, ingu-Amyuleki, yathatha u-Alma yamsa endlwini yayo ukuyomondla. U-Alma wahlala no-Amyuleki nosapho lwakhe iintsuku ezininzi. Wambulela uThixo ngosapho luka-Amyuleki waza walusikelela.
U-Alma waxelela u-Amyuleki ngobizo lwakhe lokufundisa abantu base-Amoniha. U-Amyuleki wahamba no-Alma ukuya kufundisa abantu. UMoya oyiNgcwele wabancedisa.
U-Alma waxelela abantu ukuba baguquke okanye uThixo wayezakuba tshabalalisa. Wathi uYesu Krestu uyakuza kwaye asindise abo bathe banokholo kuye baze baguquka.
Abantu base-Amoniha baye banomsindo. Bazama ukuphosela u-Alma entolongweni kodwa iNkosi yamkhusela.
Ngoko ke u-Amyuleki waqalisa ukufundisa. Uninzi lwabantu lwalumazi u-Amyuleki: wayengafani nongaziwayo njengaye u-Alma. Waye wabaxelela ngengelosi awayethe wayibona.
U-Amyuleki wathi u-Alma wayengumprofethi kaThixo kwaye wayethetha inyaniso. Abantu bamangaliswa ukuva ubungqina buka-Amyuleki.
Abanye babantu baye banomsindo, ngakumbi indoda enye engendawo egama lingu Ziyezirom. Bazama ukwenzela u-Amyuleki iyelenqe ngemibuzo, kodwa wabaxelela ukuba wayelazi icebo labo.
UZiyezirom wayefuna ukutshabalalisa yonke into eyayilungile. Wayezakubangela iingxaki, kwaye abantu babezakumhlawula imali ukusombulula iingxaki angunobangela wazo.
UZiyezirom wayengenako ukukhohlisa u-Amyuleki, ngoko ke waze wamnika imali ukuba makathi akekho uThixo. U-Amyuleki wayesazi ukuba uThixo uyaphila kwaye wathi uZiyezirom naye wayekwazi oku nto nje wayethanda imali ukwedlula uThixo.
Ngoko ke u-Amyuleki wafundisa uZiyezirom ngoYesu nangovuko kunye nobomi obungunaphakade. Abantu baye bakhwankqiseka. UZiyezirom waye waqalisa ukungcangcazela esoyika.
UZiyezirom wayesazi ukuba u-Alma no-Amyuleki babenamandla kaThixo ngokuba babezazi iingcinga zakhe. UZiyezirom wabuza imibuzo waza wamamela ngelixa u-Alma wayemfundisa ivangeli.
Abanye abantu bakholelwa ku-Alma no-Amyuleki kwaye baqalisa ukuguquka nokufunda izibhalo.
Kodwa uninzi lwabantu lwalufuna ukubulala u-Alma no-Amyuleki. Bawabophelela omabini lamadoda baze bawasa kumgwebi oyintloko.
UZiyezirom waye wazisola kuba wayenobugwenxa kwaye wayefundise abantu ubuxoki. Wabacenga abantu ukuba bavumele u-Alma no-Amyuleki bahambe.
UZiyezirom namanye amadoda aye azikholelwa iimfundiso zika-Alma no-Amyuleki baye baphoselwa ngaphandle kwesixeko. Abantu abangendawo baphosa amatye kubo.
Ngoko ke abantu abangendawo baqokelela abafazi kunye nabantwana ababekholelwa baza babaphosela emlilweni kunye nezibhalo zabo.
U-Alma no-Amyuleki banyanzeleka ukuba babukele abafazi nabantwana besitsha emlilweni. U-Amyuleki wayefuna ukusebenzisa amandla kaThixo ukubasindisa.
U-Alma waxelelela u-Amyuleki ukuba waye ngazukukunqanda ukufa kwaba bantu kungekudala babezakuba kunye noThixo baze abangendawo bohlwaywe.
Umgwebi oyintloko waye waqhwaba u-Alma no-Amyuleki amatyeli amaninzi kwaye wabanxwala kuba bengasindisanga abafazi nabantwana abatshayo. Wandula wabaphosela entolongweni.
Amanye amadoda agwenxa aza entolongweni kwaye ahlukumeza u-Alma no-Amyuleki ngeendlela ezininzi, kuquka nokubalambisa kwanokubatshicela.
Umgwebi oyintloko wathi ukuba u-Alma no-Amyuleki bathe basebenzisa amandla kaThixo ukuzikhulula, angakholelwa. Wabaqhwaba kwakhona.
U-Alma no-Amyuleki baphakama. U-Alma wathandaza wacela kuThixo ukuba abenze bomelele ngenxa yokholo lwabo kuKrestu.
Amandla kaThixo azalisa u-Alma no-Amyuleki, kwaye baziqhawula iintambo ababebotshwe ngazo. Amadoda angendawo oyika kwaye azama ukubaleka kodwa awela phantsi.
Umhlaba washukuma, iindonga zentolongo zawela amadoda angendawo. INkosi yakhusela u-Alma no-Amyuleki kwaye abengenzakala.
Abantu base-Amoniha beza kubona ukuba kwenzeka ntoni. Xa babebona u-Alma no-Amyuleki bephuma ngaphandle kwentolongo edilikileyo, ngenxa yoloyiko babaleka.
INkosi yaxelela u-Alma no-Amyuleki ukuba baye eTsidom. Apho bafumana abantu abangamalungisa. UZiyezirom naye wayelapho kwaye wayegula kakhulu.
UZiyezirom wavuya akubona u-Alma no-Amyuleki. Wayexhalabile ukuba babebulewe ngenxa yento awayethe wayenza. Wabacela ukuba bamphilise.
UZiyezirom waye kholelwa kuYesu Krestu kwaye waguquka kwizono zakhe. Xa u-Alma wayemthandazela, uZiyezirom waphiliswa ngoko nangoko.
UZiyezirom wabhaptizwa waza waqalisa ukushumayela ivangeli. Abanye abaninzi baye babhaptizwa nabo.
Abangendawo base-Amoniha babulawa ngumkhosi wamaLeymenayithi, njengoko u-Alma waprofetha.